(ටී.කේ.ජී.කපිල)
කූඨ ලෙස සකස් කළ පෝලන්ත නේවාසික වීසා බලපත්රයක් උපයෝගී කර ගනිමින් ඉතාලිය වෙත පැන යාමට තැත් කළ ශ්රී ලාංකික තරුණයෙකු කටුනායක ගුවන් තොටුපොළ පිටත්වීමේ පර්යන්තයේ දී ආගමන විගමන දේශසීමා ආවේක්ෂණ ඒකකයේ නිලධාරීන් පිරිසක් විසින් අද (8) පස්වරුවේ අත් අඩංගුවට ගෙන තිබේ.
මොහු 23 හැවිරිදි මීගමුව ප්රදේශයේ පදිංචි තරුණයෙකි.
මොහු කටාර් රාජ්යයේ දෝහා බලා පස්වරු 06.40 ට පිටත්ව යාමට නියමිත ශ්රී ලන්කන් ගුවන් සේවයේ යූ.එල් - 217 දරන ගුවන් යානයට කටුනායක ගුවන් තොටුපොළ වෙත පැමිණ තිබුණි.
එහිදී ඔහු සිය නිශ්කාශන කටයුතු සිදු කර ගැනීම සදහා ශ්රී ලන්කන් ගුවන් සේවා කවුළුව වෙත ඉදිරිපත් කළ ලියකියවිලි පිළිබඳව ඇති වූ සැකය මත මෙම තරුණයා ආගමන විගමන දේශසීමා ආවේක්ෂණ ඒකකයේ නිලධාරීන් වෙත භාර දී තිබේ.
එහිදී සිදු කළ තාක්ෂණික පරීක්ෂා වලදී මෙම පෝලන්ත නේවාසික වීසා බලපත්රය ව්යාජ තොරතුරු ඇතුළත් කර කූඨ ලෙස සකස් කළ එකක් බව සනාථ වූ අතර, ඉන්පසුව මෙම තරුණයාගෙන් සිදු කළ ප්රශ්න කිරීම් වලදී මෙම වීසා බලපත්රය රුපියල් ලක්ෂ 40 ක් තැරැව්කරුවෙකුට ලබා දී සකස් කරවා ගත් බව අනාවරණය කර තිබුණි.
ඉන් අනතුරුව තවදුරටත් ඔහු රැගෙන විත් තිබූ අත් බෑගය පරීක්ෂා කිරීමේ දී ඒ තුළ ව්යාජ ආගමන විගමන මුද්රා සටහන් දෙකක් සහිත තවත් ගමන් බලපත්රයක්, ශ්රී ලංකා ආගමන විගමන මුද්රාවක් සහ ගල්ෆ් ගුවන් සේවයේ ව්යාජ ගුවන් යානා ප්රවේශ පත්රයක් ද තිබී ආගමන විගමන දේශසීමා ආවේක්ෂණ ඒකකයේ නිලධාරීන් විසින් සොයා ගෙන තිබේ.
ඉන්පසුව ආගමන විගමන දේශසීමා ආවේක්ෂණ ඒකකයේ නිලධාරීන් විසින් මෙම තරුණයා අත් අඩංගුවට ගෙන ඔහුගේ කූඨ ලේඛන සියල්ල ද සමග, මේ පිළිබඳව වැඩිදුර විමර්ශන කටයුතු සදහා කටුනායක ගුවන් තොටුපොළ අපරාධ පරීක්ෂණ දෙපාර්තමේන්තු නිලධාරීන් වෙත භාර දී තිබේ.
බස්නාහිර,සබරගමුව, වයඹ, උතුරු සහ මධ්යම පළාත්වලත් ගාල්ල සහ මාතර දිස්ත්රික්කවලත් විටින් විට වැසි හෝ ගිගුරුම් සහිත වැසි ඇති වන බව කාලගුන විද්යා දෙපාර්ත
ඉරාන ගුවන් යානාවලට ලෙබනනයට පැමිණිය නොහැකි යැයි ඊශ්රායලය තහංචි පනවා තිබියදී, ඉරාන පාර්ලිමේන්තු කතානායක මොහොමඩ් බකර් කලිබාෆ්, එයාර්බස් ඒ 321 වර්ගයේ මගී
අනුරාධපුර නගරයේ පිහිටි වීශේෂ පාසලේ නේවාසිකාගාරයේ,නේවාසිකව සිටින ශ්රව්යාබාධිත දරැ දැරියන් පිරිසකට වධ හිංසා කළ බව කියන එම නේවාසිකාගාර පාලිකාව අද(12)ද
හුංගම කහඳමෝදර සංචාරක හෝටල් වැඩ බිමක බහලුම් ප්රවාහනය කරන රථයකින් වීදුරු බෑමේ නිරතව සිටි කම්කරුවෙක් වීදුරු ගොඩට යටවී අද(12)වැනි දා මියගොස් ඇති බව හුංගම
පවතින අයහපත් කාලගුණය හේතුවෙන් කැළණි ගඟේ ජල මට්ටම ඉහළ යාමත් සමඟ කඩුවෙල ප්රදේශයෙන් පිටාර ගැලීමේ අවදානමට ලක්වූ බෝමිරිය ඇළ බැම්මට වැලි කොට්ට අතුරා ගංවත
මාතර බන්ධනාගාර පිටත මාර්ගයේ සිට බන්ධනාගාර අධිකාරී කාර්යාල ඉදිරිපිටට විසි කළ පාර්සලයක තිබී දුම් කොළ 15ක්, ජංගම දුරකථන 2 ක් සහ ජංගම දුරකථන ආරෝපණ 2ක් භාරයට
ඔබ භාවිත කරනුයේ කුඩා යතුරු පැදියක් හෝ අධි සුඛෝපභෝගී මෝටර් රියක් හෝ වේවා එහි බැටරියට හිමිවනුයේ ප්රධාන අංගයකි. වාහනයක් කරදර වලින් තොරව සිත්සේ භාවිත කර
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
හොරට ඉතාලි පනින්න ගිය අයෙක් මාට්ටු
Bunny Preena Saturday, 09 September 2023 10:04 AM
කූට ලේඛන සකස්කර රට යන්න ගිහින් ගුවන් තොටුපලේදී අත්අඩංගුවට පත්වුණු පුද්ගලයින් ගැන අනන්යතාවයක් පුවත්පත්වල පලවුණා. නමුත් එවැනි දේවල් දිගටම සිදුවෙමින් තියෙනවා. මම හිතන්නේ හුඟ දෙනෙක් පත්තර කියවන්නේ නැහැ. රූපවාහිනී නාලිකා තමයි බලන්නේ. එම නාලිකාවල මෙවැනි දේවල් සම්බන්ධව වාර්තා කරනවා අඩුයි. රූපවාහිනී නාලිකා වලත් මෙවැනි දේවල් වාර්තා කරනවා නම් හුඟ දෙනෙක් දැනුවත් වෙයි. වැරැදි දෙයක් කරන්න ඉස්සෙල්ලා දෙපාරක් කල්පනා කරලා යම් තරමකට එවැනි දේවල් වලට පෙළඹෙන එක අඩුවෙයි.
රමණී ප්රනාන්දු Saturday, 09 September 2023 12:23 PM
ඇත්ත ලියකියවිලි ඉදිරිපත් කරලාත් එම්බසියෙන් වීසා ගහලා පොත් දෙන්නේ ලක්ෂ 10 ක් 12ක් ඉල්ලනවා මේවා හොයන්න.
Ramani fernanado Saturday, 09 September 2023 12:25 PM
ඇත්ත ලියකියවිලි ඉදිරිපත් කරලත් එම්බසියෙන් වීසා ගහලා පාස්පෝට් පොත් ගන්න පගාව දෙන්න ඕන රටක් මේක..!
Ramani fernanado Saturday, 09 September 2023 12:28 PM
ඔයිට වැඩිය හොර වැඩ වෙනවා අපේ, රටේ ඒවා අල්ලපියව්...
Deamon Saturday, 09 September 2023 02:09 PM
බැංකුව මංකොල්ල කාපු කෙනා රටින් පැනපු වෙලාවේ ඇල්ලුවාද?