උතුරුමැද පළාත් සභාවේ හිටපු ඇමැතිවරයකු වූ නීතිඥ ඩී.පී.බී. මහදිවුල්වැව ( අශෝක මහදිවුල්වැව) මහතා අභාවප්රාප්ත විය.
අභාවප්රාප්ත වනවිට ඒ මහතා 97 වැනි වියේ පසු වූ අතර ටික කාලයක් රෝගාතුරව සිටියේය. හෙතෙම සිවු දරු පියෙකි.
ජේ.ආර්.ජයවර්ධන මහතා ජනාධිපති ලෙස සිටියදී ක්රියාත්මක කළ දිස්ත්රික් සංවර්ධන සභා ක්රමය යටතේ ඔහු අනුරාධපුර දිස්ත්රික් සංවර්ධන සභාවේ සභාපති ලෙස ද වැඩි ඡන්දයෙන් තේරී පත්විය.
ඉන්පසු 1988 දී මුල්වරට පිහිටුවන ලද (එක්සත් ජාතික පක්ෂයට බලය හිමි වු) උතුරුමැද පළාත් සභාවේ කෘෂිකර්ම , නිවාස ඉදිකිරීම් , යෞවන කටයුතු හා ක්රීඩා අමාත්යවරයා ලෙස පත් විය. ඒ ජී.ඩී.මහින්දසෝම මහතා උතුරුමැද මහ ඇමැති ලෙස සිටි (1988-1993) කාලසීමාවේ ය. අවස්ථා කිහිපයක දී වැඩබලන මහඇමැති ලෙස ද ඔහු කටයුතු කර ඇත.
ලංකා විශ්ව විද්යාලයේ නීති පීඨයෙන් උසස් අධ්යාපනයට වරම් ලබා ඇති මහදිවුල්වැව මහතා 1952 වසරේ දී නීතිඥ වෘත්තීයට පිවිස ඇත. 1994 වසරේ දී පිහිටුවන ලද උතුරුමැද නීති ආධාර කොමිෂන් සභාවේ ප්රධානී ලෙස සාමාන්ය ජනතාව වෙනුවෙන් අධිකරණය හමුවේ විභාග කළ විවිධ නඩු සඳහාම නොමිලේ පෙනී සිටිමින් ඔවුනට ඉමහත් සේවාවක් කළේය. එම සේවා කාලය වසර 25 කට වැඩිය. එමෙන්ම වෙනත් සමාජසේවා කටයුතු රැසක දී අනුරාධපුරයේ සාමාන්ය ජනතාවට බොහෝ උපකාර කළ සුධාරකයකු ද වූයේය.
අවමංගල්ය කටයුතු අනුරාධපුර නිසල නිම්නය පොදු සුසාන භූමියේ දි මෙම අද 28 වැනිදා- පස්වරු 3.00 සිදුකිරීමට කටයුතු යොදා තිබේ.
චිත්රපට අධ්යක්ෂකවරයෙකු සංගීතඥයෙකු හා වෙළෙඳ දැන්වීම් නිර්මාණකරුවෙකු වූ තේජා ඉද්දමල්ගොඩ මහතා ඊයේ (17) අභාවප්රාප්ත විය
ඓතිහාසික කිරිවෙහෙර රාජමහා විහාරාධිපති රුහුණු මාගම්පත්තුවේ ප්රධාන සංඝනායක කතරගම ශාසනාරක්ෂක බලමණ්ඩලයේ සභාපති කොබවක ධම්මින්ද නාහිමියන්ගේ මෑණියන්ව
ශ්රී ජයවර්ධන පුර විශ්ව විද්යාලයේ හිටපු උපකුලපති මහාචාර්ය චන්දිම විජේබණ්ඩාර මහතාඊයේ(03) අභාවප්රාප්ත විය.
ජනප්රිය සරල ගීත ගායකයකු වු අජිත් ආරියරත්න මහතා හදිසියේ අද(21) සවස අභාවප්රාප්ත විය.
සමාජ සේවිකාවක වූ ලග්ගල පල්ලේගම ,දේවාලදෙණිය ,හත්තොට අමුණේ පී.ජී බණ්ඩාර මැණිකේ මාතාව අභාවප්රාප්ත වූවාය.
දෙණියාය මධ්ය විද්යාලයේ හිටපු නියෝජ්ය විදුහල්පතිවරයකු වූ විශ්රාමික කිරමගේ සරත් මහතා රෝගීව සිට අභාවප්රාප්ත විය.
හිටපු මහ ඇමැති මහදිවුල්වැව අභාවප්රාප්ත වේ