‘‘ගෝඨාභය බලයට පැමිණීමෙන් පසු බියෙන් - සැකයෙන් තොරව ජීවත්වෙන්න පුළුවන්‘‘

(චන්ද්‍රසේන ගමගේ)

ගෝඨාභය රාජපක්ෂ මහතා බලයට පැමිණීමත් සමඟ මේ රටේ සියළු ජාතීන්ට බියෙන් හා සැකයෙන් තොරව ජීවත් වීමට හැකි වන බවත් ඔහු සියළු ජාතීන්ට හිමි විය යුතු ගෞරවය හා ආරක්ෂාව සලසා දීමට කැප වෙන බවත් විපක්ෂයේ ප්‍රධාන සංවිධායක මහින්ද අමරවීර මහතා අද (08) අගුණකොළපෑලැස්සේදී පැවසීය.

හම්බන්තොට දිස්ත්‍රික්කයේ වැඩ වෙසෙන මහා සංඝරත්නය සමඟ පැවැත්වූ සාකච්ඡාවකින් අනතුරුව මහින්ද අමරවීර මහතා එසේ පැවසීය.

එහිදී වැඩිදුරටත් අදහස් දැක් වූ මහින්ද අමරවීර මහතා මෙසේද පැවසීය.අපේ ප්‍රතිවාදී අපේක්ෂකයා උතුරේ ජනතාව හමුවේ දහසක් පොරොන්දු දෙනවා. මේ බිමේ ක්‍රියාත්මක කරන්න බැරි පොරොන්දු මල්ලක් එතුමා දෙනවා. එම පොරෙන්දු වලට උතුරේ ජනතාව රැවටෙයි කියා අපි විශ්වාස කරන්නේ නෑ.

ගෝඨාභය රාජපක්ෂ ජාතිවාදියෙක් නොවෙයි.එතුමා ගැන අවිශ්වාසයක් උතුරේ ජනතාව තබා ගත යුතු නෑ. එමෙන්ම මේ රටේ බුද්ධාගමට හිමි නිසි තැන ලබා දෙමින් අනෙකුත් ආගම් වලටත් ලබා දිය යුතු ගෞරවය ලබා දෙන්නට එතුමා කටයුතු කරන බවට අප තුළ දැඩි විශ්වාසයක් තිබෙනවා. මේ වන විට හම්බන්තොට දිස්ත්‍රික්කයේ මහා සංඝරත්නය එතුමා සමඟ ඉන්නා බව අද දිනයේ මා සමඟ කළ සාකච්ඡාවේදී පැහැදිලි වුණා.

ගෝඨාභය මහතාගේ ජය තහවුරු කිරීම සඳහා ශ්‍රී ලංකා නිදහස් පක්ෂය කැපවීමෙන් වැඩ කරන බවද මම අවසාන වශයෙන් පවසන්නට කැමතියි.

අදහස් (11)

‘‘ගෝඨාභය බලයට පැමිණීමෙන් පසු බියෙන් - සැකයෙන් තොරව ජීවත්වෙන්න පුළුවන්‘‘

Kumar Friday, 08 November 2019 04:24 PM

මේ මහත්මයා සහෝදරයට වැඩකරන කාලේ සහෝදරයාගේ පාලනය විවෙචෙනය කළ කිහිපදෙනෙක් පරලොව යැව්ව කතාව ඇත්තද? ඒ අය බියෙන් පසු වෙන්න ඕනෙද? කැලේ මාරු කළාට කොටියගේ පුල්ලි මැකෙන්නේ නැහැ කියලත් අහලා තිබෙනවා...

: 1 38

කපුරුහාමි Friday, 08 November 2019 07:11 PM

මෙයාලගේ පවුල් පාලනේ කාලේ මුලු රටම උන්නේ කලේ නීතියට බයෙන් තමා. රටේ යුක්තිය, නීතිය, සාධාරණය වගේ ඒවා නැහැ. මේ කරපු හරිය අපිට අමතක වෙන්න අපි මැරිලා ඉපදුනේ නැහැ...

: 1 2

Mf Friday, 08 November 2019 08:57 PM

බයෙන්, සැකෙන් තොරව ඉන්න පුළුවන් වෙන්නේ අපායෙද දන්නේ නැහැ...

: 1 2

Raveendra Friday, 08 November 2019 09:19 PM

ඒ කාලේ සිරි අයියගේ හොඳම සගයෙක් නේද මේ ...? අනේ හැබෑට...

: 1 2

ජෝන් සිල්වා Saturday, 09 November 2019 01:15 AM

සහතිකම ඇත්ත... බලය ලැබුණාම උගුල් අදින්න වෙලාවක් නැහැනේ.. ඒවා කරන්න පුළුවන් විපක්ෂයේ ඉන්න වෙලාවට කියලා කියන්න පුළුවනි..

: 1 1

ranjith Saturday, 09 November 2019 02:03 AM

මොකද මහත්තයෝ ඔයා බියෙන්ද ඉන්නේ?

: 1 2

Warnakulasuriya Saturday, 09 November 2019 05:52 AM

කියන්න තියෙන එකම දෙය ඕක විතරයි. ඒ වුණාට "සුදුවෑන්" බියකින් ඉන්න වෙන බවට ජනතාව දනිති.

: 1 33

lalithm Saturday, 09 November 2019 07:58 AM

ඒ කියන්නේ ඔබත් ඇතුළුව කලින් මේ රට ආණ්ඩු කළ රජයන් තිබූ කාලවල රටේ මිනිසුන් බයෙන්, සැකෙන් ජීවත් වුණා කියන එක නේද? සුදු වෑන් කතා එහෙනම් ඇත්ත...

: 1 1

Rata Perata Saturday, 09 November 2019 08:28 AM

මිනිහෙක්ට උගත්කම කොච්චර ඕනෑද කියලා හිතෙන්නේ මේ වගේ කතා ඇහෙනකොට තමයි. බස් කොන්දොස්තර කෙනෙක්ගේ වුණත් මීට වැඩිය අවබෝධයක් තියෙන්න ඕනෑ. මහා මැතිවරණයකදී මිනිස්සු තීරණය කරයි.

: 1 1

Arachchi Sunday, 10 November 2019 12:06 AM

ජනාපති ධුරයට තෝරාපත් කරගත යුතු එකම තැනැත්තා ගෝඨාභය රාජපක්ෂ මැතිතුමායි. ඔහු තමා පුම්බවාගන්න කතාකරන්නේ නෑ. ඔහුට ඒක කරන්න අවශ්‍ය තාවයක් නෑ. අවුරුදු විස්සක් තම ජීවිතය පරදුවට තබා මරණයේ මුහුණ දැක දැක ත්‍රස්තවාදීන්ට මුහුණ දී වඩමාරච්චි ප්‍රහාරය ආදී සටන් වලදී ත්‍රස්තවාදීන්ට විරුද්ධව සටන් කර යුද සටනේ සටන් කීර්ති ලබාගත් වීරෝධාර නායකයෙක්. ඔහු ජීවිතය නොතකා සටන් කළේ මේ රට වෙනුවෙන්. ඔබ අපි හා අපේ දරුවන් සඳහා රටක් ත්‍රස්තවාදයට බිලිවෙන්න ඉඩනොදී අපිවෙනුවෙන් අපට නිදහසේ හුස්මගන්න පුළුවන් වාතාරණයක් ලබා දුන් නායකයෙක්. ගෝඨාභය මැතිතුමා සජිත් වගේ තමා ගැනම කතාකරන්නේ නෑ. ඒ නිහතමානී පුද්ගලයෙක් නිසායි. ඒකයි නායකයෙකුගේ ලක්ෂණය. අද රටට අවශ්‍ය නායකයා ගෝඨාභය රාජපක්ෂයි. ඔහුට හොඳ දැක්මක් තියෙනවා. ප්‍රශ්නයක් මනුෂ්‍යත්වයෙ, ප්‍රායෝගිකව හා දර්ශනාත්මක ව්‍යුහයකින් බැලීමේ හැකියාවක් තියෙනවා. එතුමා මෙවර අපේ ජනාධිපති නොකළොත් ඒ අපේ හා රටේ අභාග්‍යයක්. .

: 1 1

Chanak los angeles Sunday, 10 November 2019 04:29 AM

ඔව් ඔව් නියමෙට ආරක්ෂාව දුන්නේ.

: 1 1

ඔබේ අදහස් එවන්න

දේශපාලන

වර්තමාන ආණ්ඩුව ජනතාවට බරක් නොවන බව ඔප්පු කළා

2025 අප්‍රේල් මස 17 921 9

වර්තමාන ආණ්ඩුවේ කැබිනට් මණ්ඩලය සහ මැති ඇමතිවරු රටට සහ ජනතාවට බරක් නොවී වැඩ කළ හැකි බව ඔප්පු කරමින් සිටින බවත් දූෂණය, වංචාව සහ නාස්තිය නතර කර ඇති බව සියය

පච දේශපාලනය රජ වෙලා

2025 අප්‍රේල් මස 17 1172 23

මාලිමා ආණ්ඩුව යටතේ ගොවියා රජ කරවීම කෙසේ වෙතත් පච දේශපාලනය නම් රජ වී ඇතැයි විපක්ෂ නායක සජිත් ප්‍රේමදාස මහතා පැවසීය.

ජනපතිට ජපානයෙන් ආරාධනයක්

2025 අප්‍රේල් මස 11 7348 8

මේ වන විට ආණ්ඩුව ශක්තිමත් ජාත්‍යන්තර සබඳතා හදා ගෙන තිබෙන බව ජනාධිපති අනුර කුමාර දිසානායක මහතා අක්කරපත්තුවේ ජන රැළියකදී පැවසීය.

පිරිසිදු පුංචි ආණ්ඩු ටිකක් හදාගන්න

2025 අප්‍රේල් මස 11 880 3

අයවැයෙන් වෙන් කළ මුදල් විනිවිදභාවයෙන් ගමේ සංවර්ධනයට යොදවන්න පිරිසිදු ප්‍රාදේශිය පාලනයක් නිර්මාණය කරගන්නා⁣ ලෙස අග්‍රාමාත්‍ය ආචාර්ය හරිනි අමරසූරිය

සුබ නැකතට රට අනුරට දුන් අය විපතකට

2025 මාර්තු මස 26 2054 34

සුබ නැකැතට රට අනුරට දුන් ජනතාවට ජීවත් විමේ අරගලයක නිරත වීමට සිදුව ඇතැයි විපක්ෂ නායක සජිත් ප්‍රේමදාස මහතා පැවසීය.

යුද්දෙට නැති කඩුව කොස් කොටන්නද

2025 මාර්තු මස 25 3761 16

රණවිරුවන්ට බ්‍රිතාන්‍ය පැනවූ තහනමින් ප්‍රවර්ධනය වන්නේ මානව හිමිකම් නොව ත්‍රස්තවාදී අභිලාෂයන් බව ජාතික නිදහස් පෙරමුණේ නායක හිටපු පාර්ලිමේන්තු මන්ත