(නිමල කොඩිතුවක්කු)
ජාතිවාදය පසෙකලා සෞභාග්ය සම්පන්න ජන ජිවිතයක් උදා කිරීමේ වගකීම තමන් ප්රමුඛ සමගි ජන සන්ධානය බාරගන්නා බව - විපක්ෂ නායක සජිත් ප්රේමදාස මහතා පැවසීය.
ජාති වාදය නිසා රටම විනාශ වූ බවත් එම නිසා ජාතිවාදය ආගම්වාදය ආගම්භේදය ජාති භේදය ප්රචලිත වී තිබු යුගය නැති කරන බවත් ප්රේමදාස මහතා සඳහන් කළේය.
සැම ජාතියක්ම ජන කොට්ඨාසයක්ම මේ දුර්දාන්ත ආණ්ඩුවේ වැඩ නිසා දුක් විදින බවත් සියලු දෙනාම කම්පනයට ලක්ව ඇති මොහොතක දුක කදුල වේදනාව ඉවත් කර සෞභාග්ය සම්පන්න ජන ජිවිතයක් උදා කිරීමේ වගකීම බාර ගන්නා බවත් විපක්ෂ නායකවරයා පැවසීය.
ජනාධිපතිවරණය වෙනුවෙන් සමගි ජන බලවේගයේ 29 වැනි විජයග්රාහී ජන රැළිය නාච්චිදූව නගරයේ දී අමතමින් සමගි ජනසන්ධානයේ ජනාධිපති අපේක්ෂක විපක්ෂ නායක සජිත් ප්රේමදාස මහතා මේ බව පැවසීය.
ගෝඨාභය රාජපක්ෂ රජය භූමදානය ආදාහනය ගැටලුව අවස්ථාවේ දි ජනතාවගේ ඡන්දයෙන් පත් වූ මහජන නියෝජිතයන් තමන්ගේ ආගම සංස්කෘතිය ජනතාවගේ සිරිත් විරිත් අමතක කර දැමූ බවත් ඔහු සඳහන් කළේය.
පෞද්ගලික වරදාන වරප්රසාදවලට ආගම දහම පාවා දී ජාතිවාදය වැපිරූ බවත් විපක්ෂ නායකවරයා පැවසීය.
සැප්තැම්බර් 21 නිර්මාණය වන සමගි ජන බලවේග රජයක් තුළ පැත්තෙන් පැත්තට පක්ෂ මාරු කරන ක්රමය තහනම් කරන නීතිරීති ගෙන එන බවත් ප්රේමදාස මහතා සඳහන් කළේය.
අධිකරණයට ගන්න පුළූවන් තීන්දු තීරණ ශක්තිමත්ව ගැනීමට අවශ්ය නීති රීති ටික සම්පාදනය කරන බවත් විපක්ෂ නායකවරයා පැවසීය.
තමා කිසිදු අවස්ථාවක පුද්ගලික වරදාන වරප්රසාද කොන්දේසි මත මන්ත්රීවරුන් සම්බන්ධ කර නොගන්නා බවත් ප්රතිපත්ති මත සියලු දෙනා සම්බන්ධ කර ගන්නා බවත් ඔහු සඳහන් කළේය.
ගම්හදා නගර හදා රට හැදීම ප්රතිපත්තිය බවත් ඉඩමක් නිවසක් නොමැති ජනතාවට ඉඩම් නිවෙස්ලබා දීමට ගම් උදාව ක්රියාත්මක කරන බවත් ප්රේමදාස මහතා කීවේය.
උඩරට වතු හා පහතරට වතු, ග්රාමීය නාගරික, මධ්යම පාන්තික ජනතාවට, ආපදාවකින් හානි වූ ජනතාවගේ නිවාස වැඩසටහන් එකට එකතු කර ජාතික නිවාස ප්රතිපත්තියක් සම්පාදනය කර තමන්ගේම නිවසක ජීවත් වීමේ අයිතිය ලබා දෙන බවත් විපක්ෂ නායකවරයා පැවසීය.
දුගි දුප්පත්කම තුරන් කරන්න නව වැඩසටහනක් ක්රියාත්මක කරන බවත් මාසෙට රු. 20000ක ශක්තියක් ලබා දී මාස 24ක් තුළ දුප්පත්කමින් මිදීමේ වැඩසටහන් ක්රියාත්මක කර සදාකාලික දිලිදු ආධාර මත යැපෙන් නැති අභිමානවත් පරපුරක් නිර්මාණය කරන බවත් ඔහු සඳහන් කළේය.
කිලෝ 50 පොහොර මිටය රු. 5000ට ලබා දීමත් ස්ථාවර මිලක් ලබා දීමත් ගොවි ණය කපා හැරීමත් කිව්ආර් කෝඩ් එක කේන්ද්ර කර ගෙන ගොවි ධිවර ත්රීරෝද රථ හා පාසල් බස් සේවයත් ශක්ති හාල් මෝල් හිමියන්ට ඉන්ධන සහනාධාර ලබා දීම ඇතුළු සහන රැසක් ලබා දෙන බවත් විපක්ෂ නායකවරයා තවදුරටත් පැවසීය. මෙම අවස්ථාව සඳහා පාර්ලිමේන්තු මන්ත්රී රිෂාද් බදියුදින් මහතා ඇතුලු පිරිසක් එක්ව සිටියහ.
තමා ජනපතිවරණයට ඉදිරිපත් වන්නේ රට වෙනුවෙන් වන මූලික යුතුකම් ඉටු කිරීමෙන් අනතුරුව රට මුහුණ දී තිබූ බංකොලොත් බවින් මුදා ගැනීමේ පළමු පියවර තබා යැයි ජනාධි
රටේ ආර්ථිකය වැඩිදියුණු කර ගන්නා තෙක් ජනතාවට අවශ්ය සියලු සහන සලසන බව ජාතික ජනබලවේගයේජනාධිපති අපේක්ෂක පාර්ලිමේන්තු මන්ත්රී අනුර කුමාර දිසානායක මහ
දූෂණය වංචාව පිටුදකිමින් සුවහසක් ජනතාවගේ කඳුළු පිස දමන සෞභාග්යමත් යුගය ලබන 21 වනදායින් ආරම්භ කරන බව සමගි ජන සන්ධානයේ ජනාධිපති අපේක්ෂක විපක්ෂනායක සජිත
මේ රටට සතුටු දැයක් නිර්මාණය කිරීමට මේ රටේ ජනතාවට සතුටින් ජීවත් වීමට හැකි වාතාවරණයක් උදා කර දීම ආදරය සෙනෙහස ලබා දීම අපේ අරමුණ යැයි සර්ව ජන බල සන්ධානයේ ජන
වත්මන් රජය ගෙන යන ප්රතිසංස්කරණ ඉදිරියට ගෙන යා යුතු බව ජාත්යන්තර මූල්ය අරමුදල පත්වන නව රජයට කොන්දේසි තුනක් පනවමින් පවසා ඇතැයි ජනාධිපති රනිල් වික්
දශක ගණනාවක් මුළුල්ලේ මේ රටේ සියලුම ජනතාව වංචාවෙන් බොරුවෙන් රවටන තමන්ගේ වාසිය පමණක් බලන චංචනික දේශපාලකයින් ගෙදර යැවීමට මාලිමාව හා එක්වන්නැයි ජාතික ජන
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
‘සෞභාග්ය සම්පන්න ජන ජිවිතයක් උදා කරනවා‘
L.P. Thursday, 05 September 2024 08:21 AM
බදුර්දීන් එක්ක එකතු වෙලා තව කැලෑ ටිකක් කපන්න වගෙයි.