2025 අප්‍රේල් මස 04 වන සිකුරාදා
(එෆ්.අස්ලම් සහ පාලිත ආරියවංශ )
බදුල්ල පළාත් මහ රෝහල ඇතුළු ඌව පළාතේ රෝහල්වල අත්‍යවශ්‍ය ඖෂධ 175ක් පමණ නොමැති බවත් රෝගීන්ගේ ජීවිත අවදානම් තත්වයක් ඇති බවත්, රජයේ වෛද්‍ය නිලධාරීන්ගේ සංගමයේ ඌව පළාත් ශාඛාව අවධාරණය කරයි.
විශේෂයෙන් බදුල්ල පළාත් මහ රෝහලේ පිළිකා ඖෂධ ඇතුළු ප්‍රතිජීවක එන්නත් මෙන්ම මාරාන්තික තත්වයෙන් ඇතුළත් කරන රෝගීන්ට ලබාදෙන අත්‍යවශ්‍ය එන්නත්ද නොමැති බවත් රෝහලේ ඇති එන්නත් තත්වයෙන් බාල ඒවා බවත් රජයේ වෛද්‍ය නිලධාරීන්ගේ සංගමයේ ඌව ශාඛාවේ ලේකම් වෛද්‍ය පාලිත රාජපක්ෂ මහතා අද(05) පැවසීය.
බදුල්ල පළාත් මහ රෝහලේ අද මාධ්‍ය හමුවක් කැඳවමින් වෛද්‍යවරයා මේ අදහස් පළකර සිටියේය.
වැඩිදුරටත් අදහස් දැක්වූ පාලිත රාජපක්ෂ මහතා මෙසේද කීවේය.
“රටපුරා ඖෂධ හිඟයක් පවතිනවා. බදුල්ල පළාත් මහ රෝහලටත් මේ ඖෂධ හිඟය උග්‍රව පවතිනවා. රෝහලේ හදිසි ප්‍රතිකාර ඒකකය, බාහිර රෝගී අංශය, ශල්‍යාගාරය, දැඩිසත්කාර ඒකකය, පිළිකා ඒකකය, සායනය මෙන්ම සියලු වාට්ටුවල ඖෂධ 150ත් 175ත් අතර සංඛ්‍යාවක් අද උදෑසන වනවිට හොයාගන්නවත් නැහැ. බොහෝමයක් ජීවිතාරක්ෂක ඖෂධයි හිඟවෙලා තියෙන්නේ.
මේ ප්‍රශ්නය විසඳන්නෙ නැතුව සෞඛ්‍ය අමාත්‍ය රාජිත සේනාරත්න බලාපොරොත්තු වෙන්නේ ඔහුගේ ඖෂධ මාෆියාව වර්ධනය කරගන්නයි. ගතවූ අවුරුදු කිහිපය තුළ රාජිත සේනාරත්න මිලියන 5700ක ඖෂධ එකවර මිලදී අරගෙන විශාල වංචාවක් සිදුකරල තියෙනවා. තවත් මිලියන් ගානක හානියක් සිදුකරල රටේ සෞඛ්‍ය විනාශ කරලා ඔහුගේ මුදල් පසුම්බිය පුරවගෙන තියෙනවා.
රෝගීන්ට පණිවුඩයක් මේ අවස්ථාවේ දියයුතුයි. රෝගීන් බලාපොරොත්තු වන ජීවිතාරක්ෂාවක් අද බදුල්ල පලාත් මහ රෝහල තුළ නැහැ. අපට වෛද්‍යවරුන් විදිහට කරන්න තියෙන්නේ යම් කිසි ආකාරයක සහනයක් සැලසීම පමණයි. මොකද ප්‍රතිකාර කිරීමට අවශ්‍ය අත්‍යවශ්‍ය බෙහෙත් රෝහලේ නැහැ. මේ වගේම අනිත් අවට රෝහල්වලත් මේ ඖෂධ නැහැ.
ශල්‍ය උපකරණවලත් හිඟයක් තියෙනවා. දහස් ගණනක ඖෂධ අතරින් 900ක්වත් බෙහෙත් නැහැ. අත්‍යවශ්‍ය බෙහෙත් ජීවිතාරක්ෂක බෙහෙත් කිසිම බෙහෙතක් නැහැ. වෙනත් බෙහෙත් ලබාදීල රෝගීන්ගේ ජීවිත බේරාගන්න වෛද්‍යවරුන්ට සිදුවෙලා තියෙනවා. මේ නිසා තියෙන රෝගයට අමතරව අතුරු රෝගද ඇතිවීමේ වැඩි ප්‍රවණතාවක් තියෙනවා. අද වනවිට බදුල්ලේ ජනතාවට වේදනාවකින් තොරව සුව නින්දක් හෝ ලබන්නට බැරි තත්වයකට මුහුණ දෙන්න සිදුවෙලා තියෙනවා.
මේ සියල්ලටම සෞඛ්‍ය අමාත්‍යවරයා වගකිව යුතුයි. ඔහුගේ සුවපති පට්ටම ගිහිං දාන්න කියනවා බේරේ වැවට. රජයේ වෛද්‍ය නිලදාරීන්ගේ සංගමය විදිහට අප වගකීමෙන් සහ වගවීමෙන් කියනවා මේ ඖෂධ නැහැ කියලා.
කඩිනමින් සියලු රෝහල් වෙත ඖෂධ ලබාදිය යුතුයි. නැතිනම් දීපව්‍යාප්ත අරගලයක් කරා යාමට රජයේ වෛද්‍යනිලදාරීන්ගේ සංගමය සූදානම්” යැයිද වෛද්‍යවරයා කීය.
මේ සම්බන්ධයෙන් බදුල්ල පළාත් මහ රෝහලේ අධ්‍යක්ෂ වෛද්‍ය උපුල් කරුණාරත්නගෙන් විමසීමට යාමේදී ඔහු මාධ්‍ය වෙත පිළිතුරු ලබාදීම ප්‍රතික්ෂේප කලේය. අධ්‍යක්ෂවරයා රෝහලේ ආරක්ෂක අංශ කැදවා මාධ්‍යවේදීන් පලවා හැරීමට උත්සහා කළේය.
මත්තල රාජපක්ෂ ජාත්‍යන්තර ගුවන් තොටුපළින් විදේශ රැකියා සදහා පිටව යන ශ්‍රී ලාංකිකයන්ට ඉදිරියේ දී වට්ටම් ලබා දීමට රජය සුදානම් යැයි සංචාරක අමාත්‍ය ප්‍ර
පක්ෂයේ සංවිධාන ජාලය සහ ශාඛා සමිති ශක්තිමත් කරගැනීමේ දීප ව්‍යාප්ත වැඩපිළිවෙළක් මේ සති අන්තයේ සිට ආරම්භ කිරීමට සමගි ජනබලවේගය තීරණය කර තිබේ.
තම අභිමතාර්ථ ඉටුකරගැනීම වෙනුවෙන් පැය 24 ක් තුළ ව්‍යවස්ථා කෙටුම්පතක් ඉදිරිපත් කර ඇති ආණ්ඩුවට ජනතා අවශ්‍යතා වෙනුවෙන් මාස දහයක් තුළ කිසිවක් ඉටුකර ගැනීමට
විධායක ජනාධිපති ධූරයේ බලතල සීමාකර ප්‍රජාතන්ත්‍රවාදයත් පාර්ලිමේන්තුවත් ශක්තිමත් කිරීමට 19 වන සංශෝධනයට අත එස වූ පිරිස පාර්ලිමේන්තුවත් ප්‍රජාතන්ත්‍රව
තුනෙන් දෙකේ බලය පාවිච්චි කර ජනතාවගේ යහපත් අපේක්ෂාවන් ඉටු කරනවා වෙනුවට වර්තමාන ආණ්ඩුව පළවෙනි කැබිනට් මණ්ඩලයේ දීම 19 වන ව්‍යවස්ථා සංශෝධනය විසිකර දමා ජනත
සෞදි අරාබියේ වසර 30කට ආසන්න කාලයක් සේවය කරමින් සිටියදී මීට මාස දෙකකට පමණ පෙරදී රෝගාතුරවී සිහිසුන් තත්ත්වයෙන් එරට පෞද්ගලික රෝහලක ප්‍රතිකාර ලබමින් සිටි
2025 අප්‍රේල් මස 04
81
0
නව්‍යකරණයෙන් පිරිපුන් හෘද්‍යාංගම මූල්‍ය සේවාවක නියැලෙමින් ශ්‍රී ලාංකිකයන්ගේ විශ්වාසය දිනූ සියපත ෆිනෑන්ස් පීඑල්සී ආයතනික සමාජ සත්කාරක වැඩසටහන් මා
2025 මාර්තු මස 31
361
1
මිනි සීරීස් කන්සෙප්ට් එකෙන් සීරීස් කිහිපයක්ම නිර්මාණය කරපු අධ්‍යක්ෂකවරයෙක් තමයි ජෝ දිසානායක. Hello Dada අධ්‍යකෂණය සිදු කරන්නේද ඔහු විසින්ම. බොහෝ ජනප්‍රිය
2025 මාර්තු මස 21
889
0
ප්‍රයිම් සමූහය ශ්‍රී ලංකාවේ දේපළ වෙළඳාම් ක්ෂේත්‍රයේ පෙරළියක් සිදුකරමින් නව ගෙවීම් ක්‍රමවේදයක් හඳුන්වා දීමට පසුගියදා කටයුතු කළේ ය.
බදුල්ල රෝහලේ අත්‍යවශ්‍ය ඖෂධ 175ක හිඟයක්