2025 අප්‍රේල් මස 10 වන බ්‍රහස්පතින්දා
(විනීතා එම් ගමගේ)
ව්‍යවස්ථා කෙටුම්පතක් සකස් කර නොමැති බව ආණ්ඩුව නැවත නැවත කියන නමුත් පාර්ලිමේන්තු වෙබ් අඩවියේ ව්‍යවස්ථා සභාව නමැති පිටුවේ ආණ්ඩුක‍්‍රම ව්‍යවස්ථා කෙටුම්පතක් පළ කර ඇතැයි ශ්රී ලංකා විවෘත විශ්ව විද්‍යාලයේ නීති පීඨයේ අංශාධිපති නීතිඥ රාජා ගුණරත්න මහතා ප‍්‍රකාශ කළේය.
පූර්විකාවක් සහිත පරිච්ජේද 22 කින් යුත් එම කෙටුම්පත රහසිගත බවත් ප‍්‍රචාරණයට නොවන බවත් ඉහළින්ම සහන් කර ඇතත් සාකච්ඡා සඳහා යැයි කියමින් පාර්ලිමේන්තු වෙබ් අඩවියේ පළ කර ඇතැයි ද හෙතෙම කියා සිටියේය.
එසේ වුවත් ව්‍යවස්ථාවක් වෙනුවෙන් කිසිදු කෙටුම්පතක් පිළියෙල කර නැතැයි රජයේ බලධාරින් දිගින් දිගටම වේදිකාවල කියා සිටින බව ද ගුණරත්න මහතා කීය.
මේ වනවිට රට දරුණු ආර්ථික අර්බුදයකට මුහුණ දී ඇති බවත් ඊටත් වඩා බරපතල අන්දමින් ආන්ඩුක‍්‍රම ව්‍යවස්ථාවේ ස්ථාවර භාවය ව්‍යවස්ථා අර්බුදය හා අනාගතය ගැන අවිනිශ්චිත භාවය පිළිබඳ ප‍්‍රශ්නයකට මුහුණ දී ඇතැයි ද ඔහු කියා සිටියේය.
පුරවැසියන්ගේ ජීවිත පිළිබඳ සියල්ල තීන්දු වන්නේ ආණ්ඩුක‍්‍රම ව්‍යවස්ථාව අනුව බවත් එය මූලික නෛතික ප‍්‍රතිපත්ති රාමුවක තිබිය යුතු බවත් කී ගුණරත්න මහතා ඒ පිළිබඳ විමසීමට හා ක‍්‍රියාකිරීමට පුරවැසියන්ට සුජාත අයිතියක් ඇතැයි ද කියා සිටියේය.
1978 දී ජේ ආර් ජයවර්ධන මහතා ගෙන ආ වත්මන් ආන්ඩුක‍්‍රම ව්‍යවස්ථාව සංශෝධනය කළ අවස්ථා 19 න් භයානකම සංශෝධන දෙක 13 හා 19 යැයි පැවසූ ගුණරත්න මහතා රටේ මේ වනවිට යම් ආර්ථික ශක්තියක් ඉතිරිවී ඇත්නම් එය ද විනාශ වන අන්දමට 20 වන සංශෝධනය හෝ නව ව්‍යවස්ථාවක් ගෙන ඒම වත්මන් රජයේ අරමුණු අතර වන්නේ යැයි ද සඳහන් කළේය.
19 වනන සංශෝධනයේ දී විධායකයේ බලය අඩු කරන මුවාවෙන් කරන ලද්දේ අධිරාජ්‍යවාදී බෙදුම්වාදී ත‍්‍රෂ්ත බලවේගවලට උවමනාවට බෙදුණු රටක් සඳහා සැලසුම් හැදීම යැයි ද හෙතෙම ප‍්‍රකාශ කළේය.
2015 දි ජනතාව අලූත් ව්‍යවස්ථාවක් ගෙන එන්නට කිසිදු බලයක් හෝ කැමැත්තක් වත්මන් ආණ්ඩුවට දුන්නේ නැතැයි ද ඔහු කියාසිටියේය.
සුමන්තිරන් මන්ත‍්‍රීවරයා දෙමළ මාධ්‍යවේදින් හමුවේ ඔට්ටරචෛ නම භාවිතා නොකරන ලෙසටත් ඔරුමිත්තනාඩු පමණක් භාවිතා කරන ලෙසටත් උපදෙස් දී ඇතැයි පැවසූ ගුණරත්න මහතා මොවුන් ජාත්‍යන්තර කොල්ලකරුවන්ගේ කෙළිබිමක් බවට මේ රට පත්කරමින් සිටින බව ද කියා සිටියේය.
විවෘත විශ්ව විද්‍යාලයේ නීති අංශයේ අංශාධිපතිවරයා මේ අදහස් පළ කළේ වියත්මග සංවිධානය මෙහෙය වූ මාධ්‍ය හමුවක දීය.
ඇතුල්කෝට්ටේ පිහිටි වියත්මග කාර්යාලයේ දී නීති විද්‍යාලයේ හිටපු විදුහල්පති ආචාර්ය ඞී ඩබ්ලිව් රොද්‍රිගු මහතාගේ ප‍්‍රධානත්වයෙන් පැවැති මෙම මාධ්‍ය හමුවේ දී ගෝලිය ශ්රී ලංකා සංසදයේ විධායක අධ්‍යක්ෂ ශ්‍යාමේන්ද්‍ර වන්නිආරච්චි, ජ්‍යෙශ්ඨ නීතිඥ මහේෂ් කටුලන්ද, ගාල්ල විද්වත් එකමුතුවේ සභාපති ලලිත් යූ ගමගේ යන මහත්වරු ද සහභාගී වුහ.
මත්තල රාජපක්ෂ ජාත්‍යන්තර ගුවන් තොටුපළින් විදේශ රැකියා සදහා පිටව යන ශ්රී ලාංකිකයන්ට ඉදිරියේ දී වට්ටම් ලබා දීමට රජය සුදානම් යැයි සංචාරක අමාත්‍ය ප්‍ර
පක්ෂයේ සංවිධාන ජාලය සහ ශාඛා සමිති ශක්තිමත් කරගැනීමේ දීප ව්‍යාප්ත වැඩපිළිවෙළක් මේ සති අන්තයේ සිට ආරම්භ කිරීමට සමගි ජනබලවේගය තීරණය කර තිබේ.
තම අභිමතාර්ථ ඉටුකරගැනීම වෙනුවෙන් පැය 24 ක් තුළ ව්‍යවස්ථා කෙටුම්පතක් ඉදිරිපත් කර ඇති ආණ්ඩුවට ජනතා අවශ්‍යතා වෙනුවෙන් මාස දහයක් තුළ කිසිවක් ඉටුකර ගැනීමට
විධායක ජනාධිපති ධූරයේ බලතල සීමාකර ප්‍රජාතන්ත්‍රවාදයත් පාර්ලිමේන්තුවත් ශක්තිමත් කිරීමට 19 වන සංශෝධනයට අත එස වූ පිරිස පාර්ලිමේන්තුවත් ප්‍රජාතන්ත්‍රව
තුනෙන් දෙකේ බලය පාවිච්චි කර ජනතාවගේ යහපත් අපේක්ෂාවන් ඉටු කරනවා වෙනුවට වර්තමාන ආණ්ඩුව පළවෙනි කැබිනට් මණ්ඩලයේ දීම 19 වන ව්‍යවස්ථා සංශෝධනය විසිකර දමා ජනත
සෞදි අරාබියේ වසර 30කට ආසන්න කාලයක් සේවය කරමින් සිටියදී මීට මාස දෙකකට පමණ පෙරදී රෝගාතුරවී සිහිසුන් තත්ත්වයෙන් එරට පෞද්ගලික රෝහලක ප්‍රතිකාර ලබමින් සිටි
2025 අප්‍රේල් මස 10
78
0
අප්‍රේල් 01, 2025 කොළඹ දීග ශ්රී ලංකා ඉන්ෂුවරන්ස් ලයිෆ් 2024 වසර විශිෂ්ට ලෙස නිමා කළ අතර, රුපියල් බිලියන 30.7 ක බදු ගෙවීමට පෙර ලාභයක් වාර්තා කරන ලදී.
2025 අප්‍රේල් මස 09
406
0
ඇමරිකානු තානාපතිනී ජූලි චන්ග් මැතිනිය ඉකුත් අප්‍රේල් මස හතර වැනිදා ශ්රී ලංකාවේ උසස් අධ්‍යාපනයේ හැරවුම් ලක්ෂයක් සනිටුහන් කළ NSBM හරිත සරසවියට පැමිණියා
2025 අප්‍රේල් මස 04
914
0
නව්‍යකරණයෙන් පිරිපුන් හෘද්‍යාංගම මූල්‍ය සේවාවක නියැලෙමින් ශ්රී ලාංකිකයන්ගේ විශ්වාසය දිනූ සියපත ෆිනෑන්ස් පීඑල්සී ආයතනික සමාජ සත්කාරක වැඩසටහන් මා
‘ආණ්ඩුව නැහැ කිව්වට ව්‍යවස්ථා කෙටුම්පතක් තිබෙනවා‘