2025 අප්‍රේල් මස 02 වන බදාදා
(නාලක සංජීව දහනායක)
රාජ්‍ය සේවකයන්ගේ වැටුප් වැඩිකිරීම ඇතුළු පහසුකම් පුළුල් කිරීමට නම් රාජ්‍ය සේවකයන් කැපවී ක්‍රියාකළ යුතු බව ජනාධිපති ගෝඨාභය රාජපක්ෂ මහතා අද (19) පැවැසීය.
මහජනතාව දහඩිය මහන්සියෙන් උපයනු ලබන මුදලින් රාජ්‍ය සේවකයන් සඳහා වැටුප් ගෙවන බව කී ජනාධිපතිවරයා එබැවින් කාර්යක්‍ෂම හා විධිමත් රාජ්‍ය සේවයක් ලබාදෙමින් මහජනතාවට සාධාරණය ඉටු කිරීම රාජ්‍ය සේවකයාගේ වගකීම වියයුතු යැයිද කීය.
දිවයින පුරා සිටින රැකියා අපේක්‍ෂිත උපාධිධාරීන් නියෝජනය කරමින් පැමිණි පිරිසක් සමඟ ජනාධිපති ලේකම් කාර්යාලයේදී අද (19) පස්වරුවේ පැවැති සාකච්ඡාවකදී ජනාධිපතිවරයා සඳහන් කර සිටියේ සුළු පිරිසක් සිදුකරන වැරදි හේතුවෙන් සමස්ත රාජ්‍ය සේවයම අවඥාවට ලක්ව ඇති බවද පෙන්වා දුන්නේය.
රැකියා අපේක්‍ෂිත සියලු උපාධිධාරීන් ජාතික ආර්ථිකයට ඍජුව දායක කර ගැනෙන පරිදි කඩිනමින් රජයේ රැකියා සඳහා පත්කරන බව කී ජනාධිපතිවරයා රාජ්‍ය, අර්ධ රාජ්‍ය සහ දෙපාර්තමේන්තුවල පවතින පුරප්පාඩු පිළිබඳව තොරතුරු රැස්කර පුරප්පාඩු සඳහා කඩිනමින් උපාධිධාරීන් බඳවා ගන්නා බවද සඳහන් කළේය.
සියලුම රැකියා ලාභීන්ට නායකත්වය හා රාජ්‍ය සේවය පිළිබඳව විධිමත් පුහුණුවක් සහ අවබෝධයක් ලබාදෙමින් ජනතාවට වගකියන රාජ්‍ය සේවයක් හා රාජ්‍ය සේවකයෙක් බිහිකර ගැනීම තම අරමුණ බවද ජනාධිපතිවරයා එහිදී පැවැසීය.
රටක ඉදිරි ගමනට ඇති විශාලම ශක්තිය මානව සම්පත බව කී ජනාධිපතිවරයා මෙරට බුද්ධිමත් තාරුණ්‍යය නිසි ලෙස කළමණාකරණය කරගනිමින් ආර්ථික වර්ධනයට දායක කරගැනීමේ අවශ්‍යතාවයද පෙන්වා දුන්නේය.
සෙසු රටවලට සාපේක්‍ෂව ශක්තිමත් පදනමක් සහිත කර්මාන්ත මෙරට ගොඩනැගී නැති බවත් රටට විදේශ විනිමය උපයාදෙන ප්‍රධානතම සාධකය බවට නුපුහුණු ශ්‍රමිකයන් පත්ව තිබෙන බවද ජනාධිපතිවරයා අවධාරණය කළේය.
අනාගතයේදී මෙරට සියලුම දරුවන් රටේ ආර්ථිකයේ කොටස්කරුවන් බවට පත්කර ගැනීමේ අධ්‍යාපන ක්‍රමයක් සැළසුම් කෙරෙමින් තිබෙන බවද ජනාධිපතිවරයා කීය.
එමෙන්ම ලොව සෙසු රටවල රැකියා අවස්ථාවන්ට ගැළපෙන ආකාරයෙන් අධ්‍යාපන ක්‍රමය සකස් කළ යුතු බව කී ජනාධිපතිවරයා තරුණ තරුණියන් රුකියා සොයා යනවා වෙනුවට රුකියා අවස්ථා තරුණ තරුණියන් සොයා එන අධ්‍යාපන රටාවක් කඩිනමින් ස්ථාපිත කළ යුතු බවද සඳහන් කළේය.
ෂෙහාන් සේමසිංහ, ජානක වක්කුඹුර, කංචන විජේසේකර, කනක හේරත් යන රාජ්‍ය අමාත්‍යවරුන්ද, නිරෝෂන් ප්‍රේමරත්න, ඩී.වී චානක, තේනුක විදානගමගේ යන පාර්ලිමේන්තු මන්ත්‍රීවරුන්ද, ජනාධිපති ලේකම් ආචාර්ය පී.බී ජයසුන්දර මහතාද මෙම අවස්ථාවට සහභාගි වූහ.
මත්තල රාජපක්ෂ ජාත්‍යන්තර ගුවන් තොටුපළින් විදේශ රැකියා සදහා පිටව යන ශ්රී ලාංකිකයන්ට ඉදිරියේ දී වට්ටම් ලබා දීමට රජය සුදානම් යැයි සංචාරක අමාත්‍ය ප්‍ර
පක්ෂයේ සංවිධාන ජාලය සහ ශාඛා සමිති ශක්තිමත් කරගැනීමේ දීප ව්‍යාප්ත වැඩපිළිවෙළක් මේ සති අන්තයේ සිට ආරම්භ කිරීමට සමගි ජනබලවේගය තීරණය කර තිබේ.
තම අභිමතාර්ථ ඉටුකරගැනීම වෙනුවෙන් පැය 24 ක් තුළ ව්‍යවස්ථා කෙටුම්පතක් ඉදිරිපත් කර ඇති ආණ්ඩුවට ජනතා අවශ්‍යතා වෙනුවෙන් මාස දහයක් තුළ කිසිවක් ඉටුකර ගැනීමට
විධායක ජනාධිපති ධූරයේ බලතල සීමාකර ප්‍රජාතන්ත්‍රවාදයත් පාර්ලිමේන්තුවත් ශක්තිමත් කිරීමට 19 වන සංශෝධනයට අත එස වූ පිරිස පාර්ලිමේන්තුවත් ප්‍රජාතන්ත්‍රව
තුනෙන් දෙකේ බලය පාවිච්චි කර ජනතාවගේ යහපත් අපේක්ෂාවන් ඉටු කරනවා වෙනුවට වර්තමාන ආණ්ඩුව පළවෙනි කැබිනට් මණ්ඩලයේ දීම 19 වන ව්‍යවස්ථා සංශෝධනය විසිකර දමා ජනත
සෞදි අරාබියේ වසර 30කට ආසන්න කාලයක් සේවය කරමින් සිටියදී මීට මාස දෙකකට පමණ පෙරදී රෝගාතුරවී සිහිසුන් තත්ත්වයෙන් එරට පෞද්ගලික රෝහලක ප්‍රතිකාර ලබමින් සිටි
2025 මාර්තු මස 31
150
0
මිනි සීරීස් කන්සෙප්ට් එකෙන් සීරීස් කිහිපයක්ම නිර්මාණය කරපු අධ්‍යක්ෂකවරයෙක් තමයි ජෝ දිසානායක. Hello Dada අධ්‍යකෂණය සිදු කරන්නේද ඔහු විසින්ම. බොහෝ ජනප්‍රිය
2025 මාර්තු මස 21
736
0
ප්‍රයිම් සමූහය ශ්රී ලංකාවේ දේපළ වෙළඳාම් ක්ෂේත්‍රයේ පෙරළියක් සිදුකරමින් නව ගෙවීම් ක්‍රමවේදයක් හඳුන්වා දීමට පසුගියදා කටයුතු කළේ ය.
2025 මාර්තු මස 07
764
2
දේශයේ ආරක්ෂකයා ලෙස ශ්රී ලංකා ඉන්ෂුවරන්ස් ලයිෆ් (SLIC Life) රටේ අනාගත පරපුරේ වැඩිදියුණුව සඳහා නිරන්තරයෙන් දායක වී ඇත. ශ්රී ලංකාවේ පවතින වඩාත්ම උපයන රාජ්‍
කාර්යක්‍ෂම - විධිමත් රාජ්‍ය සේවයක් ලබාදීම රාජ්‍ය සේවකයාගේ වගකීමක්