2025 අප්‍රේල් මස 03 වන බ්‍රහස්පතින්දා
2025 අප්‍රේල් මස 03 වන බ්‍රහස්පතින්දා
(තිළිණි ද සිල්වා)
ප‍්‍රජාතන්ත‍්‍රවාදය, මානව අයිතිවාසිකම් සහ නීතියේ ආධිපත්‍යය තහවුරු කිරීම සඳහා ශ්රී ලංකාවේ ජනතාව එක්සත්ව එක්ව වැඩ කළ යුතුයැයි සාමකාමී රැස්වීමේ සහ සංගම් පැවැත්වීමේ නිදහසට ඇති අයිතිවාසිකම් පිළිබඳ එක්සත් ජාතීන්ගේ නියෝජිත ක්ලෙමන්ට් න්‍යාලෙස්ට්සොසි වූලී මහතා ප්රකාශ කර සිටී.
එක්සත් ජාතීන්ගේ නියෝජිතවරයා ඉකුත් 26 වැනිදා සිය ශ්රී ලංකා සංචාරය අවසන් කරමින් මේ බව ප්රකාශ කර ඇතැයි ශ්රී ලංකාවේ එක්සත් ජාතීන්ගේ කාර්යාලය නිවේදනයක් නිකුත් කරමින් සඳහන් කරයි.
අපේ‍්‍රල් ප‍්‍රහාරයෙන් පසුව රට තුළ වෛරී භාෂණය යොදා ගැනීම වැඩිවෙමින් පැවතීම පිළිබඳව ද ඔහු සිය කනස්සල්ල පළ කර ඇතැයි ද එම නිවේදනයේ වැඩිදුරටත් සඳහන් වේ.
බහුතර ප‍්‍රජාවේ සාමාජිකයන්ගේ ප‍්‍රචණ්ඩ කතාවන්ට නිරන්තරයෙන් දඬුවම් කරන්නේ නැතිබවද, වෛරී සහ සාවද්‍ය ප‍්‍රවෘත්ති පතුරුවා හැරීමට සමාජ මාධ්‍යය යොදා ගැනීමෙන් මෙය වඩාත් තිව‍්‍ර වී ඇතිබවද, එක්සත් ජාතීන්ගේ නියෝජිත වූලී මහතා පෙන්වා දේ.
ඒ මහතා මෙසේද කියා සිටී.
‘‘සාමකාමීව රැස්වීමේ සහ සංගම් පැවැත්වීමේ නිදහසට ඇති අයිතිවාසිකමේ මූලය වන්නේ ජනතාවට එකට එක්ව ඔවුන්ගේ හඬ ඇසීමට සැලසීමට ඇති හැකියාවයි. රට මෙතෙක් අත්කර ගත් ප‍්‍රජාතන්ත‍්‍රවාදී ප‍්‍රගතිය නංවාලීම සඳහා ශ්රී ලංකාවේ ජනතාව එක්සත්වීම වැදගත්.
රාජ්‍යය කෙරේ මානව අයිතිවාසිකම් පිළිබඳ බැඳීම් පැහැදිලිවම නිර්මාණ කෙරෙන අන්තර්ජාතික මානව අයිතිවාසිකම් ගිවිසුම් බොහොමයකට ශ්රී ලංකාව පාර්ශවයක් වන අතර එම බැඳීම් බොහෝ දුරට පිළිබිඹු වන ආකාරයේ නීති සම්මත කර ඇති තිබුණ ද සමාජයේ පවතින බෙදීම් ඒවා සම්පූර්ණයෙන් සාක්ෂාත් කර ගැනීමට ඇති තර්ජන පෙන්නුම් කර තිබෙනවා.
විශේෂයෙන්ම ඉදිරියේ එළඹෙන ඡන්ද විමසීම්වලදී රටේ දේශපාලන නායකයන් නිදහසට, නීතියේ ආධිපත්‍යයට සහ ප‍්‍රජාතන්ත‍්‍රවාදයට ජනතාව තුළ පවතින කැමැත්ත ඉවත නොදැමීමත් දුෂ්කර සටන්වලින් අත්කර ගත් ප‍්‍රගතිය යටපත් නොකිරීමත් වැදගත්” යැයිද ඒ මහතා ප්රකාශ කර ඇත.
මත්තල රාජපක්ෂ ජාත්‍යන්තර ගුවන් තොටුපළින් විදේශ රැකියා සදහා පිටව යන ශ්රී ලාංකිකයන්ට ඉදිරියේ දී වට්ටම් ලබා දීමට රජය සුදානම් යැයි සංචාරක අමාත්‍ය ප්‍ර
පක්ෂයේ සංවිධාන ජාලය සහ ශාඛා සමිති ශක්තිමත් කරගැනීමේ දීප ව්‍යාප්ත වැඩපිළිවෙළක් මේ සති අන්තයේ සිට ආරම්භ කිරීමට සමගි ජනබලවේගය තීරණය කර තිබේ.
තම අභිමතාර්ථ ඉටුකරගැනීම වෙනුවෙන් පැය 24 ක් තුළ ව්‍යවස්ථා කෙටුම්පතක් ඉදිරිපත් කර ඇති ආණ්ඩුවට ජනතා අවශ්‍යතා වෙනුවෙන් මාස දහයක් තුළ කිසිවක් ඉටුකර ගැනීමට
විධායක ජනාධිපති ධූරයේ බලතල සීමාකර ප්‍රජාතන්ත්‍රවාදයත් පාර්ලිමේන්තුවත් ශක්තිමත් කිරීමට 19 වන සංශෝධනයට අත එස වූ පිරිස පාර්ලිමේන්තුවත් ප්‍රජාතන්ත්‍රව
තුනෙන් දෙකේ බලය පාවිච්චි කර ජනතාවගේ යහපත් අපේක්ෂාවන් ඉටු කරනවා වෙනුවට වර්තමාන ආණ්ඩුව පළවෙනි කැබිනට් මණ්ඩලයේ දීම 19 වන ව්‍යවස්ථා සංශෝධනය විසිකර දමා ජනත
සෞදි අරාබියේ වසර 30කට ආසන්න කාලයක් සේවය කරමින් සිටියදී මීට මාස දෙකකට පමණ පෙරදී රෝගාතුරවී සිහිසුන් තත්ත්වයෙන් එරට පෞද්ගලික රෝහලක ප්‍රතිකාර ලබමින් සිටි
2025 මාර්තු මස 31
246
0
මිනි සීරීස් කන්සෙප්ට් එකෙන් සීරීස් කිහිපයක්ම නිර්මාණය කරපු අධ්‍යක්ෂකවරයෙක් තමයි ජෝ දිසානායක. Hello Dada අධ්‍යකෂණය සිදු කරන්නේද ඔහු විසින්ම. බොහෝ ජනප්‍රිය
2025 මාර්තු මස 21
812
0
ප්‍රයිම් සමූහය ශ්රී ලංකාවේ දේපළ වෙළඳාම් ක්ෂේත්‍රයේ පෙරළියක් සිදුකරමින් නව ගෙවීම් ක්‍රමවේදයක් හඳුන්වා දීමට පසුගියදා කටයුතු කළේ ය.
2025 මාර්තු මස 07
788
2
දේශයේ ආරක්ෂකයා ලෙස ශ්රී ලංකා ඉන්ෂුවරන්ස් ලයිෆ් (SLIC Life) රටේ අනාගත පරපුරේ වැඩිදියුණුව සඳහා නිරන්තරයෙන් දායක වී ඇත. ශ්රී ලංකාවේ පවතින වඩාත්ම උපයන රාජ්‍
ශ්රී ලංකාවේ ජනතාව එක්ව වැඩ කළ යුතු බව එ.ජා. නියෝජිත කියයි