(ජේ.කේ.එල්. චාමින්ද සහ පියරත්න ජයවික්‍රම)

සංරක්ෂිත ශාකයක් වන කොතල හිඹටු කිලෝ 3000කට වැඩි ප්‍රමාණයක් සමඟ සැකකරුවකු අද (13) නෙළුව ඇඹුලගෙදර ප්‍රදේශයේ දී අත්අඩංගුවට ගත්බැව් ගාල්ල පොලිසියේ කොට්ඨාස අපරාධ විමර්ශන අංශය පවසයි.

සැකකරුගේ නිවස තුළ තිබී මෙම කොතල හිඹටු තොගය සොයාගෙන ඇත.

මෙකී කොතල හිඹටු සිංහරාජ රක්ෂිතයෙන් කපා එක්රැස්කරගෙන ඇති බව විමර්ශනවලදී අනාවරණය වී ඇත. පොලිසියට ලද තොරතුරකට අනුව මෙකි නිවස පරිත්ෂා කිරිමේදී එහි කොතල හිඹටු ගෝනි 150ක් තිබු බවද පොලිසිය පවසයි.

සංරක්ෂිත ශාකයක් වන කොතල හිඹටු ප්‍රවාහනය කිරිම සන්තකයේ තබා ගැනිම වරදක් වන අතර අත්අඩංගුවට ගත් සැකකරු 45 හැවිරිදිවියේ පසුවන විවාහකයකු බවද පොලිසිය පවසයි.

මෙකී කොතල හිඹටු සිංහරාජ වනාන්තරයෙන් කපා සැකකරුට කිසියම් පිරිසක් විසින් ගෙනවිත් දෙන්නට ඇති බවට පොලිසිය සැකකරයි. සැකකරු මේවා මිලදිගෙන එක්රැස් කරතබාගෙන කොතල හිඹටු ජාවාරම කරගෙන ගොස් ඇති බව පොලිසිය පවසයි. 

අත්අඩංගුවට ගත් කොතල හිඹුට තොගයේ වටිනාකම රුපියල් ලක්ෂ 30ක් පමණ වටිනාකමකින් යුතු බව පොලිසිය පවසයි.