(උපාලි ආනන්ද)

කොවිඩි 19 වසංගත තත්වය හේතුවෙන් ඇදිරිනීතිය පනවා අවදානම් කලාපයක් ලෙස කම් කර තිබූ පුත්තලමේ  සිට  වෛද්‍ය සහතියක් නොමැතිව අනුරාධපුරයට පැමිණ එලවලූ අලෙවි කළ බවට අධිකරණය හමුවේ චෝදනා  ලබා සිටින එලවලූ වෙළෙදුන් තිදෙනකුට මේ මස 26 වන දින අනුරාධපුර අතිරේක මහේස්ත‍්‍රාත් අධිකරණය හමුවී පෙනී සිටින ලෙස අනුරාධපුර අතිරේක මහේස්ත‍්‍රාත්  හේමන්ත පුෂ්ප කුමාර මහතා අද (15) නියෝග කලේය.  

මෙසේ අධිකරණය හමුවේ පෙනී සිටින ලෙස නියෝග කලේ පුත්තලම කල්පිටියේ පදිංචිකරුවන් වන වහබ් රිස්වි/මොහොමදු මුස්තාපා සහ රිෆ්කාර්   මොහොමඞ් මහීස් යන සැකකරුවන්ටය.

පුත්තලමේ සිට අනුරාධපුරයට පැමිණ මෙම සැකකාර වෙළෙදුන් තිදෙනා ලොරි රථයකින් එලවලූ අලෙවි කරමින් සිටියදී පසුගිය මැයි මස 4 දා අනුරාධපුර මහ නගර සභාෙවි මහජන සෞඛ්‍ය පරික්ෂකවරුන් පරික්ෂා කරන අවස්ථාෙවි ඔවුන් සතුව තිබී ඇත්තේ ඇදිරි නීති බලපත‍්‍රයක් පමණී.

එහෙත් අවදානම් කලාපයේ සිට වෙනත්  ප‍්‍රදේශයකට ගමන් කිරීමේදී අනිවාර්යෙන් තිබිය යුතු වෛද්‍ය සහතියක් මොවුන් සතුව තිබී නැති අතර පසුව ඔවුන් මෙලෙස අත් අඩංගුවට ගෙන අධිකරණයට ඉදිරිපත් කෙරිණ.

අනුරාධපුර මහ නගර සභාවේ නාගරික වෛද්‍ය නිලධාරි මාධව පෙරේරා මහතාගේ උපදෙස් මත එම මහ නගර සභාෙවි සෞඛ්‍ය අංශයේ මහජන සෞඛ්‍ය පරික්ෂකවරුන් වන නුවන් ඞී කලතුංග/ එන් පී කුරුනේරු සහ එච් ඒ අජිත් කුමාර යන මහත්වරුන් මෙම සැකකරුවන් අත් අඩංගුවට ගෙන අධිකරණයට ඉදිරිපත් කර තිබිණ.