(ප්‍රියානි මංගලිකා)

වදුරැස්ස හේනක බැඳ තිබූ බඳින කඳක් පත්තුවී, වන අලින් පලවා හැරීමට ගිය වනජීවි නිලධාරීන් දෙදෙනකු වෙඩි වැදී බරපතල තුවාල ලබා නිකවැරටිය මූලික රෝහලට ඇතුළත් කළ බව නිකවැරටිය වනජීවි කාර්යාලය පවසයි.

මෙසේ අනතුරට ලක්ව ඇත්තේ ,නිකවැරටිය වනජීවි කාර්යාලයේ අඩවි සහකාර නිලධාරීන් දෙදෙනෙකි.

වල් අලින් පලවා හැරීමට වනජීවි නිලධාරින් 10 දෙනකුගෙන් යුතු කණ්ඩායමක් ගොස් ඇති අතර පලවා හරිමින් සිටි වල් අලින්ටද බඳින කඳන් කීපයක් පත්තු වූ බවද,අනතුරට ලක් වූ දෙදෙනා ඔසවාගෙන පැමිණෙද්දී තවත් බඳින කඳක පැටලුන නමුත් එය ක්‍රියාත්මක නොවීම හේතුවෙන් තවත් විශාල අනතුරක් වැලකී ගිය බවද වනජීවි කාර්යාලය පවසයි.

මෙම බඳින කඳන් වන සතුන් මැරීමට දඩයක්කරුවන් ඇඩවූ ඒවා බවට සැක කරණ බවද වනජීවි කාර්යාලය සඳහන් කරයි.