(අධිකාරි මුදියන්සේ)
 
ලක්ෂ දෙකකට අධික වටිනාකමින් යුතු කේරළ ගංජා තොගයක් සමඟ පුද්ගලයින් දෙදෙනෙකු  අද(11) අත්අඩංගුවට ගත් බව පොල්ගහවෙල  පොලිසිය පවසයි.
 
මෙම සැකකරුවන් දෙදෙනා කෑගල්ල අඹන්පිටිය හා අටුගොඩ ප්‍රදේශයේ පදිංචි  49 හා 59 හැවිරිදි  පුද්ගලයන් ය.
 
යාපනයේ සිට කොළඹ කොටුව බලා ධාවනය වන නගරාන්තර  සීඝ්‍රගාමී දුම්රියේ මෙම සැකකරුවන් දෙදෙනා පැමිණ පොල්ගහවෙල දුම්රිය ස්ථානයෙන් බැස යන  අවස්ථාවේ දී කේරළ ගංජා තොගය සමග අත්අඩංගුවට ගෙන ඇත. 
 
එක් සැකකරුවෙකු සන්තකයේ කේරළ ගංජා කිලෝවක් සහ ග්‍රෑම් 235ක් හා අනෙක් සැකකරු සන්තකයේ ග්‍රෑම් 280ක් තිබී ඇති අතර එහි වටිනාකම රුපියල් ලක්ෂ දෙකකට ආසන්න  බවත් ඔවුන් කලක පටන් කෑගල්ල ප්‍රදේශයට කේරළ ගංජා ගෙනවිත්  අලෙවි කර ඇති බවත්  පොලිසිය පවසයි.
 
අත්අඩංගුවට ගත් සැකකරුවන් දෙදෙනා හා කේරළ ගංජා තොගය හෙට(12) පොල්ගහවෙල  මහේස්ත්‍රාත් අධිකරණයට ඉදිරිපත් කිරීමට නියමිතය.