(කේ බුද්ධික කුමාරසිරි )
 
අවිස්සාවේල්ල පුවක්පිටිය එල්ස්ටන්වත්ත ප‍්‍රදේශයේ අධි බලැති විදුලි කණුවක් මුදුනේ කම්බි අඳිමින් සිටි සේවකයෙක් සමඟ එම කණුව කඩා වැටීමෙන් තුවාල ලැබූ සේවකයා අවිස්සාවේල්ල මූලික රෝහලට ඇතුළත් කිරීමෙන් පසු අද (4) මියගිය බව අවිස්සාවේල්ල පොලිසිය පවසයි.
 
පාදුක්ක ගලගෙදර විදුලි බෙදා හැරීම් හා නඩත්තු ඒකකයේ සේවකයින් පිරිසක් එල්ස්ටන්වත්ත ප‍්‍රදේශයේ 33000 අධි බලැති විදුලි කණුවක රැහැන් අඳිමින් සිටියදී එක්වරම එය කණුවට ඇඳ තිබූ ආධාරකයක් කැඩීයාම  අදාළ කණුව වැටී තිබේ.

මෙසේ මිය ගොස් ඇත්තේ පාදුක්ක ගලගෙදර විදුලි බෙදාහැරීම් හා නඩත්තු ඒකකයේ සේවය කළ පාදුක්ක බෝපේ පදිංචිව සිටි රත්නායක මුදියන්සේලාගේ සුපුන් ධනංජය චාමික රත්නායක නමැති 25 හැවිරිදි තරුණයෙකි.