IMG-LOGO

2025 මාර්තු මස 31 වන සඳුදා


මුළු හදින් මම ඇයට පෙම් කොට...

ගීයක පදරුත  

 

 

 

මුළු හදින් මම ඇයට පෙම් කොට   
අනාගත පෙම් සිහින මැව්වෙමි   
මගේ සොඳුරිය තවත් කෙනෙකුට   
අයිති වන හැටි බලා දුක්වෙමි   

නිසංසල තැනකට වෙලා   
අඬන මගේ ඇස් දෙක බලා   
කියන්නකෝ දෙවියනේ මෙහෙවින්   
කොහොම ඉන්න ද ඉවසලා   

මගේ අත ගෙන කණට ළං වී   
අනේ සුදු මට ආදරේ යැයි   
කියන්නට සිතුවේ ඇයි ද සුදු   
නොසිතු වෙද මට දුක් ලැබේ යැයි   

නිදැල්ලේ තුරුලට වෙලා   
රහස් එක එක කොඳුරලා   
සිනාසුණු හැටි මතක් වෙන කොට   
කොහොම ඉන්න ද ඉවසලා   

එදා රෑ ගං ඉවුර අසබඩ   
සුපුන් සඳ පායන වෙලාවක   
කතා කී හැටි මතක් වෙන කොට   
දුක දැනෙයි පවතින අපායක   

මෙහෙම ලෝකෙක ඉපදිලා   
සිතෙහි අදහස් සුන් වෙලා   
මා උපන්නේ දුක් විඳින්නද   
දුක් අඳුරු මැද තනි වෙලා   


ගායනය : නාරද දිසාසේකර   

ගීත රචනය : එඩ්මන්ඩ් ජයසූරිය   

සංගීත නිර්මාණය : කුලරත්න තෙන්නකෝන්


එඩ්මන්ඩ් සහ රාණිගේ ආදර කතාව මල් ඵල ගැණුණේ කළුතර බෝධිය අසල දීය.. මීට වසර 60 කට පෙර කළුතර බෝධීන් වහන්සේ තිබුණේ තාප්පයකින් වට වෙලාය. අද තියෙන කළුතර බෝ සමිඳු තරම් සරුසාර අලංකාර පරිසරයක නොවේ. කළුතර බෝධීන් වහන්සේ හා වැලි මළුව හුදෙකලාව එදා පසු වූ අතර චෛත්‍යක් තිබී නැත. ඈතින් කඳු කෑල්ලක පොඩි බෝධියක් පෙනෙන්නට තිබී ඇත. එදා තිබුණේ පැරණි ආරුක්කු පාලමකි. හැන්දෑවේ 6 ට පසු ඒ අවට මිනිසුන් ගැවසී නැත. ඒ වන විට කෙමෙන් කෙමෙන් අඳුර ගලා ඇවිත් අවට කළුවර වෙන්ට පටන්ගෙන ඇත. ඔහු සහ ඇය හමු වූ ​තෝතැන්න එය විය. එඩ්මන්ඩ් ඉගෙනීම ලැබුවේ කළුතර විද්‍යාලයේය. රාණි ​ඉගෙන ගත්තේ කළුතර බාලිකා විද්‍යාලයේය.   


මීට වසර 65 ක පමණ පෙර ඇති වූ සුන්දර ආදර කතාව එඩ්මන්ඩ් ජයසූරිය කියන්නේ මෙසේය.   


‘‘මේ කියන කාලේ කළුතර බාලිකා විද්‍යාලයේ ඉගෙනුම ලබමින් සිටි යුවතියක් පිළිබඳ හිතක් මට ඇතිව තිබුණ අපි දෙන්නගෙම ගෙවල් උතුරු කළුතර. ඇය පාසලට එන්නේ ලොකු කාර් එකක. Wosely වර්ගයේ එකක්. ඇය පාසල අවසන් වී තාත්තා කාර් එකෙන් එන තෙක් බලා ඉන්නවා. මුලින්ම දැකපු ගමන්ම මා තුළ ඇය පිළිබඳ හැඟීමක් ඇති වුණා. ඇය දවසක් මා සමඟ සිනාසුණා. ඇය දැක් වූයේ ප්‍රේමාන්විත ප්‍රතිචාරයක්. පාසල ඇරුණාම මගේ පන්ති මිත්‍රයන් (නාරද දිසාසේකර (ගායක), තිස්ස ගුණවර්ධන, (චිත්‍රශිල්පී නාට්‍ය නිෂ්පාදක) සමඟ ඇය හමු වීමට යනවා. ඇගේ පියා වෛද්‍යවරයකු බව දැන ගත්තේ පසුව.  


අපි හැම පෝයදාටම කළුතර බෝධියේ දී හමු වෙනවා. එක පෝයක ඇය පැමිණියේ නැහැ. රාත්‍රී 7 ට පසු ඇගේ පැමිණීම බලාපොරොත්තු නොවිය හැකියි.   


එදා බලාපොරොත්තු සුන්වී ගෙදර ගිහින් මේ ගැන හිතුවා. එදා හඳ ඇති ඒ රාත්‍රියේ මෙහෙම හිතුවා ඇය මට නොලැබේද? නොලැබුණොත් මම කුමක් කරන්නද? කියලා. දිනක් කළුතර සල්ගාදු හෝටලයේදී එඩ්මන්ඩ්ට කළුතරම සිටි මිත්‍ර​ෙයක් වූ ජී. ඩබ්ලිව්. සුරේන්ද්‍ර (රංගවේදී පුවත් පත් කතුවර) හමු විය. එකල ඔහු ආනන්ද තිස්ස ද අල්විස් විසින් සංස්කරණය කළ දින දින සඟරාවේ සහාය සංස්කාරකවරයෙකි.   


‘එඩ්මන්ඩ් දැන් ඉස්කෝලේ නිවාඩු නිසා ‘දින දින’ සඟරාවට උදව් කරන්න සිරිකොතට එන්න පුළුවන්ද?   


සිරිකොතට ගිය එඩ්මන්ඩ් සුරේන්ද්‍ර භාර දුන්නේ කවි පිටුවට හොඳ කවි තෝරන්නට ය. මේ කවි අතරින් එඩ්මන්ට් අපූරු කාව්‍ය සංකල්පනාවක් හමු විය. එය විලියම් වර්ඩ්ස්වර්ත් ගේ Solitary Reaper ඇසුරෙන් ධර්ම ශ්‍රී කුරුප්පු ලියූ ‘හුදෙකලා ගොයම් කපන්නී’ පද්‍ය සංකල්පනාවට එඩ්මන්ඩ්ගේ සිත ගියේ නිරායාසයෙනි.   


පලා මිටියක් අතින් අරගෙන   
නැඹුරු වී මේ වෙළ මැදේ   
බලාගෙන ඇයි හුදකලාවේ   
අහිංසක පිටිසර ළඳේ


මේ ගැන එඩ්මන්ඩ් තම සිතැඟි පැවසුවේ මෙසේය.   


එදා මේ කවියේ මාත්‍රා අනුව මගේ කවි සිතුවිලි පිබිදුනා.   


සඳ ඇති රාත්‍රියේ මූදු වෙරළ දෙසින් මා හමා ආ සිහිල් සුළං රැල්ලක් සිසාරා යද්දී හුදෙකලාවේම පෑන අතට ගෙන ගීතයක් ලිව්වා.   


‘මුළු හදින් මම ඇයට පෙම් කොට   
අනාගත පෙම් සිහින මැව්වෙමි   
මගේ සොඳුරිය තවත් කෙනෙකුට   
අයිති වන හැටි බලා දුක් වෙමි   


එදා පෝය දා සිතට නැගි මගේ පෙම්වතිය අහිමි වුණොත්? යන අදහස අනුව ගීතය ලියැවුණා’   


එඩ්මන්ඩ්ගේ පංති මිතුරා වූ නාරද දිසාසේකර ඔහු සොයා පැමිණියේ තමාගේ කුළුඳුල් සරල ගී වැඩ සටහනට ගීතයක් ඉල්ලා ගැනීමටය.   


‘මට අලුතින් ලියන්න බෑ. මේ ෆයිල් එකේ බලලා උඹට ඕනෑ ගීතයක් තෝරා ගනින්’ එඩ්මන්ඩ් නාරදට කීය.   


‘මේ තියෙන්නේ හිතුවටත් වඩා හොඳ එකක්’ නාරද මුළු හදින් මම ගීතය තෝරා ගත්තේය.   


මේ ගීතයට තනුව නිර්මාණය කළේ අද අප අතර නැති ලංකාවේ පමණක් නොව උතුරු ඉන්දියාවේ ද සිටි අති දක්ෂ සිතාර් වාදකයකු වූ කුලරත්න තෙන්නකෝන්ය.   


තමා ලියූ ගීතයේ ‘තුරුලට වෙලා’ වචනය එකල බලධරයන් කපා නිඳැල්ලේ අපි එක් වෙලා ලෙස වෙනස් කිරීමට උත්සාහ කළ බවත් එඩ්මන්ඩ් අපට කීවේය.   


50 දශකයේ ඉතාමත් ජනප්‍රිය වූ මේ ගීතය ගැන ඔබ්සවර් පත්‍රයේ කර්තෘට ලියුම් තීරයේ පළ වු ලිපියක් Songs Sends Man in Sane (මිනිහෙකු පිස්සු වැට්ටුව ගීතයක්.) නමින් පළ වී තිබුණු බව එඩ්මන්ඩ් කියයි.   
ඒ ගීතය එසේ ලිව්වත් එඩ්මන්ඩ් පාරාජිතයෙක් නම් නොවේ. පරාජිත පෙම්වතුන්ගේ තේමා ගීතයක් වුව ද එය එඩ්මන්ඩ්ගේ ජයග්‍රාහී ගීතයකි. පාසල් යන කාලයේ පෙම් බැඳි රාණි තිලකා විජේසිංහ හා එඩ්මන්ඩ් විවාහ වී වසර 60 ක් සම්පූර්ණ වීමට ආසන්න ය. එඩ්මන්ඩ් හා රාණිට පුතුන් තිදෙනෙකි. මිනිබිරියන්ගේ දරු සුරතල් බලන එඩ්මන්ඩ් හා රාණි යුවළ මත්තේගොඩ නිවාස සංකීර්ණයේ 2 C 52 නිවසේ පදිංචිව සිටී.   


එඩ්මන්ඩ් ලියූ ගීත අතර නාරද ‘ඇය පමණයි මගේ මිහිර ඒකයි ලත වෙන්නේ’ ‘රන් රිදී වස්තුව එපා මට හිරු නඟින සිටින්නම් සුජාතා පෙරේරා (අත්තනායක) ගැයූ ‘ගිමන් නිවමින් සරන ලොව කුස’ ‘උදා කළ ලොව කුරුළු හඬකින්’ (මාදාංගනී තෙන්නකෝන් සමග) ‘තුසර බිඳු එයි ගිමන නිවුණ’ ‘රන් සිලිලාරේ දේවි’ ‘හිම කුළු පිහිරා බැස යන සෙවණේ’ කැපී පෙනෙයි.   


එඩ්මන්ඩ් ජයසූරිය කලා විචාරකයෙකු ලෙස ‘ඩේලි නිව්ස්’ පුවත් පතින් විචාරයට පිවිස අනුරාධපුරයේ උප දිසාපති, සංස්කෘතික ත්‍රිකෝණය නියෝජ්‍ය අධ්‍යක්ෂ ජනරාල්, ජනාධිපති අතිරේක ලේකම් හා ජනාධිපති කොමිෂන් සභා කිහිපයක ලේකම්වරයකු හැටියට ද කටයුතු කර ඇත. ඔහු විසින් ඉංග්‍රීසි බසට නැඟු සැළලිහිණි සන්දේශය පරිවර්තනයට 2004 රාජ්‍ය සාහිත්‍ය සම්මානය හිමි විය.

 

 

 

 

ඒ. ඩී. රන්ජිත් කුමාර



අදහස් (0)

මුළු හදින් මම ඇයට පෙම් කොට...

ඔබේ අදහස් එවන්න

 

 
 

සඳැල්ල

නැවත බේරාගතයුතු බුද්ධගයාව
2025 මාර්තු මස 31 9 0

ඉන්දීය අගමැති නරේන්‍ද්‍ර මෝදි තව නොබෝ දිනකින් ලංකාවට පැමිණෙන්නේ ඉන්දියාව පුරා බෞද්ධ උද්ඝෝෂණ පමණි. පසුබිමක සිටය. එමෙන්ම අගමැති මෝදිට ඉන්දියානු මෙන්ම,


නිලංජනා හි අවංක පොලිස් නිලධාරියා
2025 මාර්තු මස 29 15 0

“තංගල්ල පොලීසියේ ස්ථානාධිපති විදියට තමයි මම රඟ පෑවේ.. මම බොහොම අවංක, සාධාරණ නිලධාරියෙක්.. රවීන්ද්‍ර රන්දෙනිය රඟ පෑවේ දූෂිත මන්ත්‍රිවරයෙක් විදියට.. විශේ


චිත්‍රපටයක් කියලා නොදැන සමහර අය දෙබස විතරක් අල්ලාගෙන ප්‍රතිචාර දක්වනවා
2025 මාර්තු මස 29 18 0

එන්න යන්න අපි එක්ක නෙළුම් කුලුන බලන්න, හැබැයි නෙළුම් කුලුන නම් නෙවෙයි. මේක චිත්‍රපටයක්. ඒත් නැතිනම් ෆිල්ම් එකක්. මේ ෆිල්ම් එක හදලා තියෙන්නෙ ඉලංගෝ රාම්. ම


මගේ ජීවිතේ අලුත් පිටුවක් පෙරළුවා - එමාෂා සෙනවිරත්න
2025 මාර්තු මස 29 18 0

ශ්‍රී ලාංකික ප්‍රේක්ෂක හදවත් තුළ නොමැකෙන මතකයක් සටහන් කළ සිරස නාළිකාවේ විකාශය වූ ‘‘මායාවි’’ ටෙලි නිර්මාණය සම්බන්ධයෙන් පසුගිය සති අන්තය තුළ ආන්දෝලනා


ප්‍රේක්ෂකයාට ට්‍රැක පන්නන රවියා
2025 මාර්තු මස 28 24 0

නළුකමට රූපය වගේම දක්ෂතාව‍ සහ හැකියාවත් අවශ්‍යයි. මෙවර සඳැල්ල කතාබහට එක් වෙන කැලුම් ශ්‍රී කියන්නෙත් එසේ තමන්ගෙ රංගන සහ නර්තන හැකියාවෙන් ප්‍රේක්ෂක ආදර


අපේ ආදර කතන්දරේට පණ දෙන චමත් චමුපති
2025 මාර්තු මස 28 27 0

ප්‍රවීණ ගීත රචක කරුණාරත්න අබේසේකර වැනි ගේය පද රචකයන්ගේ හා මොහොමඩ් සාලි, ක්ලැරන්ස් වැනි ප්‍රවීණ සංගීතවේදීන්ගේ රස භාවයෙන් නිර්මාණය වූ මෙම පදවලට මිල්ටන


මේවාටත් කැමතිවනු ඇති

ප්‍රයිම් සමූහය වෙතින් PrimeMax: අවම මූලික ගෙවීමක් සහ ඇදහිය නොහැකි මාසික වාරිකයක් සමගින් දේපළ සඳහා ආයෝජනය කිරීමට අනගි අවස්ථාවක් 2025 මාර්තු මස 21 629 0
ප්‍රයිම් සමූහය වෙතින් PrimeMax: අවම මූලික ගෙවීමක් සහ ඇදහිය නොහැකි මාසික වාරිකයක් සමගින් දේපළ සඳහා ආයෝජනය කිරීමට අනගි අවස්ථාවක්

ප්‍රයිම් සමූහය ශ්‍රී ලංකාවේ දේපළ වෙළඳාම් ක්ෂේත්‍රයේ පෙරළියක් සිදුකරමින් නව ගෙවීම් ක්‍රමවේදයක් හඳුන්වා දීමට පසුගියදා කටයුතු කළේ ය.

ශ‍්‍රී ලංකා ඉන්ෂුවරන්ස් ලයිෆ් සුබ පැතුම් ශිෂ්‍යත්ව සඳහා අයදුම්පත් විවෘත කරයි 2025 මාර්තු මස 07 735 2
ශ‍්‍රී ලංකා ඉන්ෂුවරන්ස් ලයිෆ් සුබ පැතුම් ශිෂ්‍යත්ව සඳහා අයදුම්පත් විවෘත කරයි

දේශයේ ආරක්ෂකයා ලෙස ශ‍්‍රී ලංකා ඉන්ෂුවරන්ස් ලයිෆ් (SLIC Life) රටේ අනාගත පරපුරේ වැඩිදියුණුව සඳහා නිරන්තරයෙන් දායක වී ඇත. ශ‍්‍රී ලංකාවේ පවතින වඩාත්ම උපයන රාජ්‍

ප්‍රබල ඕරාවකට හිමිකම් කියන්න ඔබත්  කැමතිද ? 2025 මාර්තු මස 04 1477 2
ප්‍රබල ඕරාවකට හිමිකම් කියන්න ඔබත් කැමතිද ?

ඇතැම් මිනිසුන් ගෙන් නික්මෙන ප්‍රභාව බොහෝ ප්‍රිය මනාප ය. ඔවුන්ව දැකීම පවා මහත් සැනසීමක් ගෙන දෙනු ඇත. ඔවුන් සමීපයෙහි සිටින කළ මහත් සැනසීමක්, සුවදායක බවක්

Our Group Site