ශ්‍රී ලංකාවේ සිව් වන පාර්ලිමේන්තුවේ (නියෝජිත මන්ත්‍රී මණ්ඩලය) කථානායක ධූරය කටුගම්පොළ ආසනයෙන් තරග කොට ජයගත් ටී. බී. සුබසිංහට හිමි විය. එහි විශේෂත්වය වූයේ, සුළුතර ආණ්ඩුවේ නාමිකයා වූ ඇල්බර්ට් එෆ්. පීරිස් පරාජයකර විපක්ෂයේ බහුතර ඡන්දයෙන් ඔහු කථානායක ධූරයට තේරීපත් වීම ය. ඊට අමතරව, සිව්වන පාර්ලිමේන්තුව දින 24කට සීමා වූ හෙයින්, ටී.බී. සුබසිංහගේ කථානායක ධූරය ද දින 24කට සීමා විය. ඒ අනුව, ඔහු කථානායක ධූරය දැරුවේ, 1960 මාර්තු 30 වන දා සිට අප්‍රේල් 23 වන දා දක්වා පමණි.

ශ්‍රී ලංකාවේ කථානායකවරුන්ගේ ඉතිහාසයේ ආචාර්ය ආනන්ද තිස්ස ද අල්විස් සුවිශේෂී වේ. ඒ, ඔහු ජාතික රාජ්‍ය සභාවේ අවසන් කථානායකවරයා මෙන්ම, ශ්‍රී ලංකා ප්‍රජාතාන්ත්‍රික සමාජවාදී ජනරජයේ පළමු පාර්ලිමේන්තුවේ පළමු කථානායකවරයා ද වූ හෙයිනි. ඔහු 1977 අගෝස්තු 04 වන දා සිට 1978 සැප්තැම්බර් 13 වන දා දක්වා දෙවන ජාතික රාජ්‍ය සභාවේ ද, 1978 සැප්තැම්බර් 07 වන දා සිට 1978 සැප්තැම්බර් 13 වන දා දක්වා ශ්‍රී ලංකා ප්‍රජාතාන්ත්‍රික සමාජවාදී ජනරජයේ පළමු පාර්ලිමේන්තුවේ ද කථානායක ධූරයේ කටයුතු කළේ ය. ශ්‍රී ලංකා ප්‍රජාතාන්ත්‍රික සමාජවාදී ජනරජයේ පළමු පාර්ලිමේන්තුවේ කථානායක ධූරය දැරීමට ඔහුට හැකි වූයේ, දින 6ක කාලයක් පමණි. ශ්‍රී ලංකා ප්‍රජාතාන්ත්‍රික සමාජවාදී ජනරජයේ පළමු පාර්ලිමේන්තුවේ දින 6කින් පසු ආචාර්ය ආනන්ද තිස්ස ද අල්විස් කථානායක ධූරයෙන් ඉල්ලා අස්විය.

• ජෝසෆ් මයිකල් පෙරේරා

එහිදී, එක්සත් ජනතා නිදහස් සන්ධානය නම් කළ ඩීව් ගුණසේකරට වඩා එක් ඡන්දයක් වැඩියෙන් ලබා ගත් එක්සත් ජාතික පක්ෂයේ අපේක්ෂක වි.ජ.මු. ලොකුබණ්ඩාර කථානායක ධූරයට පත් විය. ඡන්ද විමසීමේදී ඩීව් ගුණසේකරට ඡන්ද 109ක් සහ වි.ජ.මු. ලොකුබණ්ඩාරට ඡන්ද 110ක් ලැබී තිබිණි. ඔහු 2004 අප්‍රේල් 22 සිට 2010 පෙබරවාරි 09 දක්වාත්, 2010 මාර්තු 09 සිට 2010 අප්‍රේල් 20 දක්වාත් කථානායක ධූරයේ සේවය කළේ ය.

ශ්‍රී ලංකාවේ පළමු වරට පාර්ලිමේන්තු මන්ත්‍රීවරයෙකු ජනාධිපති ධූරයට පත් කිරීම සඳහා පාර්ලිමේන්තුව තුළ ඡන්ද විමසීමක් පැවැත්වූයේ ද, මහින්ද යාපා අබේවර්ධන කථානායක ධූරය දරද්දී ය. ජනතා විරෝධය හමුවේ ගෝඨාභය රාජපක්ෂ ජනාධිපති ධූරයෙන් ඉල්ලා අස්වීමෙන් පසු, රනිල් වික්‍රමසිංහ ජනාධිපති ධූරයට පත්කිරීම සඳහා ඡන්ද විමසීම පැවැත්වූයේ, 2022 ජූලි මස 20 වන දා ය.