සතුරු කුමන්ත්‍රණ විරුද්ධවාදිකම් නිසා සිතේ සහනයෙන් තෘප්තිමත්ව මේවායේ නිරතවිමට අසීරු වන හෙයින් උපේක්‍ෂාවෙන් සිතා අවධානයෙන් අවබෝධයෙන් කටයුතු කරන්න. කෙසේ නමුත් දක්‍ෂතාවට තැන ලැබෙන වසරකි. මෙම වසර තුළ තමන් අදහස් කළ අන්දමට සැලසුම් කළ පරිදි ආදර කටයුතු හෝ විවාහ කටයුතු සිදුනොවීම නිසා සිතේ සහනය සතුට පහව යයි. අවිවාහක අයට ඇතැම් හිතවතුන් හිතවතියන්  මාර්ගයෙන් කිසියම් විවාහ යෝජනාවන් ද ගෙන දේ. කෙසේ වෙතත් මෙම වසර පුරාවටම මෙන් ආදර සබඳතා හා විවාහ කටයුතුවලට යම් යම් ප්‍රශ්නකාරී ගති මතු වන නිසා - තමා ඇසුරු කරන විරුද්ධ ලිංගිකයාට දෙන පොරොන්දු කෙරේ සැලකිලිමත් වන්න. විරුද්ධවාදීකම් හා ප්‍රශ්නකාරී දෑ වුව මේවාට බලපානු ඇත.

තුලා ලග්නයෙන් උපන් ඔබගේ යෝගකාරකයින් මෙන්ම ලග්න නැකත් අධිපතින් පීඩාවකින් තොරව වසර පුරාවටම ගමන් කිරීම මත ඔබ මෙම වසරේදී සමාජයට මුහුණදීම සඳහා ඔබගේ ආත්ම විශ්වාසය අලුත් කරමින් හදිසි උනන්දුවක් හා උත්සාහයක් ඔබ තුළින් ජනිත වේ. පල ප්‍රයෝජන සැලසෙන කාර්යයකට හැඩගැසීමට ඉඩප්‍රස්ථා සැලසෙනු ඇත. මෙම වසර දිවියෙහි නව ආරම්භයක් පෙන්නුම් කරන බැවින් ඉහත උපදෙස් අනුව වැඩ කරන්න. 

ඔබට අනුකූල වනු ඇති නෑ හිත මිතුරු හා විරුද්ධ ලිංගිකයන් සමග සමීප ඇසුර ඇතිවේ. එම සබඳතා බලවත් විය හැක. පලුදු වූ සබඳතා ඇති අය සමග මුදුමොළොක් ලෙස කතා කිරීමෙන් ඒවා යළි සැකසෙනු ඇත. කණ්ඩායම් කටයුතු, ජනතාව ඉදිරියෙහි පෙනී සිටීම හා කටයුතු කිරීම සඳහාද ඔවුන්ගේ සහයෝගය ලබාගැනීම සඳහාද හොඳ වසරකි. අන්‍යයන් සමග සබඳතා සුහද වනු ඇත. 

ඔබ ගැඹුරු අවබෝධයෙන් අනුන්ට උපකාරි වේ. විරුද්ධ ලිංගිකයන් සමග සුහද ප්‍රයෝජනවත් හා ආශ්වාදනීය සබඳතා ගොඩනැගෙනු ඇත. ඔවුන්ද සමාන ප්‍රතිචාර දක්වනු ඇත. මිතුරන්, විරුද්ධ ලිංගිකයන් හා පොදු කටයුතුවලින් ලාභ ප්‍රයෝජන ඇති වේ. ඇඳුම් පැලඳුම් හා වස්ත්‍ර ලැබේ. ශරීර සනීපය ඉතා හොඳ වේ. දේව භක්තියද වැඩිවේ. ගුරුවරුන් බැලීමට යාමට සිතෙයි. යහපත් කටයුතුවලින් ලාභ ප්‍රයෝජන ලැබේ. ඔබ තුළ ගුණවත් සාධාරණ හොඳ අදහස් ඇතිවේ. කරන උත්සාහයන්ගේ ප්‍රතිඵල ලැබේ. වැඩකටයුතු දියුණු වේ. තමා නියැළෙන කෘෂි කටයුතුවලින් ගොවිතැනින් ලාභ ලැබේ. ආදායම ද වැඩිවේ. ගෙදර දොර වාසනාව ඇතිවීමට ද නියමයි. 

කෙසේ නමුත් මෙම වසරේ මුල් මාස හතර එතරම් සුබදායි බවක් පෙන්නුම් නොකරන හෙයින්, ඔබගේ අදහස් රැගෙන එහෙ මෙහෙ කලබලයෙන් දුව පැන යාමට හෝ ඒවා ගැන අන්‍යයන් සමග වාද විවාදයට හෝ නොයන්න. එයින් ඔබේ සිත පීඩාවට හා කලබලයට පත්ව අන්‍යයන් සමග සබඳතා දූරස්ථ විය හැකි බැවිනි. ඔබේ කටයුතු කෙරෙහි පරීක්ෂාකාරී වන්න. කොන්ත්‍රාත් සහ ගිවිසුම් සඳහා සතුටුදායක නොවේ.

අලුත් අවුරුද්ද උදාවන මොහොතට ඔබගේ ලග්න නැකැත් අධිපතීන්ගේ හා යෝගකාරක ග්‍රහයින්ගේ හැසිරීම මිශ්‍රබලයෙන් යුක්ත හෙයින් ඔබට මෙම අලුත් අවුරුද්ද සුබා සුබ මිශ්‍ර ප්‍රතිඵලදායි බවක් පෙන්නුම් කරන්නේය. මෙම මස මුල් මාස පහට වඩා අවසන් මාස හත තුළ අදහස් හුවමාරු, කතා බහ ලිපි හෝ දුරකථන ඇමතුම් ඔස්සේ අන්‍යයන් දක්වන ප්‍රතික්‍රියා නිසා ඔබ කලබලයට අවුලට පත්විය හැක. 

ඔබ මෙම තත්ත්වයෙහිදී නම්‍යශීලීව සිටීමෙන් මෙමගින් ඇතිකරන සිත් තැවුල් හා කලබගෑනි ජයගත හැකි වනු ඇත. ව්‍යාපාර සඳහා ඇතිකර ගන්නා සම්මුති ගිවිසුම් හා එකඟතා ඉටු නොවනු හැකි බැවින්, ඒවාට එළඹිය යුත්තේ සුපරීක්ෂාකාරීවය. වැරදි අවබෝධය සහ සැකසහිත ස්වභාව මගහරවනු පිණිස හුදකලාවීමට උත්සාහ කරන්න. කීමට ඇති දෙය කරුණට අදාළව පවසන්න. කථාව අදහස් හුවමාරුව හා හැඟීම් එකට මිශ්‍රවී පටලැවී යාහැකි බැවින් ඒගැන විශේෂයෙන් පරීක්ෂාකාරී වන්න. විරුද්ධ ලිංගිකයන් - විශේෂයෙන් ස්ත්‍රීන් සමග කතාබහේදී ඔබ මෙම වසර තුළ වඩාත් පරීක්ෂාකාරී විය යුතුව ඇත. 

වසරේ ආරම්භක මාස හතරේදී ගෙදර දොර කටයුතු පිළිබඳව ප්‍රීතියට කරුණු සැලසේ. විශේෂයෙන් ගෙවල් පිළිබඳ ලාභ හෝ ගෙදර දොර බඩු මුට්ටු ආදිය පිළිබඳ ලාභයක් හෝ ලැබෙනවා ඇත. අලංකාර වස්තු ලැබෙන කාලයකි. හිතවතුන්ගෙන් හිතවතියන්ගෙන් උදව් උපකාර ලාභ ප්‍රයෝජන ලැබෙන අවස්ථා යෙදේ. මුදල් ලාභ ලැබේ. හිතවතුන් හිතවතියන්ගේ ආශ්‍රය ඇතිවේ. ආදර බන්ධන වැඩිදියුණු වේ. පුරුෂයන්ට ස්ත්‍රීන් සමගද, ස්ත්‍රීන්ට පුරුෂයන් සමගද, හොඳ හිතවත්කම් පවත්වන්ට ඉඩ ලැබේ. සමාජයෙහි ප්‍රසිද්ධියක් සමාජයට ප්‍රියවීමත් මේ කාලයෙහි ඇතිවෙන විශේෂ ලක්ෂණයකි. සිත මෙහෙයවා කරන කටයුතු හා සැලසුම්  වාසි සහගත වේ. සිත නිරවුල්ව පැහැදිලි නිසා අදහස් හුවමාරුව හා කතා බහ තුළින් ද ප්‍රයෝජන ගතහැක. ව්‍යාපාර සඳහා සම්මුති හෝ ගිවිසුම්වලට ඔබට එළඹිය හැක.

ධනු ලග්නය හිමි ඔබගේ ලග්නාධිපති ගුරු හා ලග්න නැකත් අධිපතින් ශූභා ශූභ මිශ්‍ර බලයෙන් සිටින මොහොතේ උදාවන නව වසරේ අවසන් මාස හය තුළ බාධා මධ්‍යයේ නමුදු, ක්‍රමක්‍රමයෙන් අරමුණු සැලසුම් සාර්ථක කරගත හැක. මැයි තෙක් කාලය පැහැදිලි සුබපල රැසක් ගෙනනොදෙනු ඇත. සමස්තයක් වශයෙන් ගත් කල මෙම වසර පුරාවට ඔබගේ අත්‍යාවශ්‍ය කාර්යය කටයුතු කෙරෙන් ද ශුභා ශුභ මිශ්‍ර බවක් ඇති කරයි. 

පොදුවේ ඔබට මෙම වසරේ මුල් මාස හතර එතරම් යහපත් නොවේ. ඉතා ඉවසිලිවන්තව බුද්ධිමත්ව තීන්දු තීරණවලට එළැඹිය යුතු මාස කිහිපයකි. ඔබ මෙහිදී තමන්ට කරන්නට තිබෙන මූලික අවශ්‍යතා අමතක කරමින් කිසිදු වැදගත්කමකට නැති කරුණුවලට මුදල් වියදම් කරමින්, ඒ පිළිබඳ සිතමින් සිත්තැවුලෙන් පසුවීමටත් ඉඩ යෙදෙන නිසා එවැනි දේට නතු නොවන්න. මෙහිදී ඔබට තමන්ගේ කටයුතු අතපසු කරමින් අන් අයගේ කටයුතු පිළිබඳව වෙහෙසී, අවසානයේ අවනම්බු, අපහාස හෝ අමනාපවලින් මෙන්ම පාඩුකර ගැනීම්වලින් ඒවා කෙළවර වනු ඇත. ප්‍රේමය ආදරය සම්බන්ධ බලාපොරොත්තු ආදියේ අනපේක්ෂිත ලෙස අවුල් මතුවේ. අදහස් කළ ඕනෑම කටයුත්තක් ක්‍රියාත්මක කිරීමට පෙර වරක් දෙවරක් නොව කීප වරක් සිතාබලා කළ යුතු වේ. එසේම හැඟීම්වලට වහල් නොවී කටයුතු කළ යුතුද වේ.

සෙසු මාස 8 තුළ ඔබගේ යටි සිතේ බලපැවැත්වූ වැදගත් ක්‍රියා පිළිවෙතක් ක්‍රියාත්මක කිරීමට පහසුකම් සැලසෙනු ඇත. ගේ දොර හා තම ව්‍යාපාරික ස්ථානවල අලංකාරයට පියවර ගනී. ස්වයං ව්‍යාපාරවල නිරත අයට නොසිතූ වාසි ඇති වේ. එසේම පසුගිය දිනවල සිතට වදයක්ව පැවැති ප්‍රශ්නයක් ද විසඳෙයි. එසේම මෙම කාලය තුළ තරගකාරී කටයුතුවලින් ජය අත් වේ. අලුත් වැඩපිළිවෙළකට අත ගසයි. බිරිඳ, ස්වාමියා හා සමගිය නැවත ගොඩ නැගේ.

නව රැකියා අපේක්ෂාවක් ද සඵල වන තැනට කටයුතු පිළිවෙළ වේ. බලාපොරොත්තු වන ක්‍රියාමාර්ග අන්‍යයන් සමග සැලැසුම් කිරීමට එම කාලය සුදුසුය. අනුරාගයද, බුද්ධියද එකට සංයුක්ත වීමෙන් සෞන්දර්ය චිත්‍රය සංගීතය හෝ කවිය පිළිබඳ උනන්දුවක් ප්‍රබෝධයක් ඔබ තුළ ඇති කරයි. බුද්ධිමතුන් සමග කතාබහ කිරීම හා ඒ අය වෙතින් ඉගෙනීම ප්‍රයෝජනවත් වනු ඇත. ඔවුන් ඔබගේ අදහස් හුවමාරුව වඩාත් හොඳින් තේරුම් ගනු ඇත. එහෙත් මෙම වසරේ ජනවාරි - අප්‍රේල් අතර කාලයේදී අනපේක්ෂිත මුදල් ලාභයක් හිමිවන සැටියක් පෙන්නුම් කරයි.

මකර ලග්නයෙන් උපන් ඔබගේ ග්‍රහ බලය ද ලබන්නාවූ නව වසරේ මුල් මාස හතර තුළ බලයෙන් යුක්තව පවතින හෙයින්, උදාවන නව වසර ඔබේ වැඩ කටයුතුවලට යම් යම් අයගේ සහයෝගය, උදව් උපකාර ලැබෙයි. එබැවින් 2025 මුල් මාස 4 තුළ විදෙස්ගතවීමේ බලාපොරොත්තු සාර්ථක වන අතර, ඊට බලපෑ බාධක අවහිර පහව යයි. අනාගත යහපත උදෙසා කාර්යයන් කිහිපයක් ගොඩනැගෙන්නේ ය.

විශේෂයෙන් ඔබ අරඹන හා නිරතවන වැඩ කටයුතුවලින් දියුණුවක් පෙන්නුම් කරයි. වටිනා දේ මිලට ගැනීමට අවස්ථාව උදාවේ. රැකියාවෙන් උසස්වීමට කටයුතු පිළිවෙළ වේ. තරග විභාගවලින් ජයග්‍රහණ ද අත් වේ. දුර බැහැර ගමන් බිමන්වලින්ද යම් යම් ලාභ ප්‍රයෝජනත් අත්වන මාස කිහිපයකි.

ඔබට මෙම වසරේ සෙසු මාස 8 දී විවිධ අවහිර බාධා ප්‍රමාදවීම් මධ්‍යයේ තම කාර්යය කටයුතු කර ගැනීමට සිදුවන පසුබිමක් යෙදේ. සතුරු කරදරයක් නිසා මිල මුදල් වියදම් කිරීමට හෝ ණයකරුවන් ඇත්නම් ඔවුන්ගෙන් කරදර ගෙනදීම වැනි ප්‍රශ්න මතුවීමේ ප්‍රවණතාවක් පවතී. රාජකාරිය කෙරෙහි මෙන්ම රැකී රක්ෂා ආයතනය තුළ වුව සිතේ කැලඹිලි ස්වභාවයක් ඇති කරයි. ව්‍යාපාරයට අදාළ වැඩ කටයුතුවල ප්‍රමාදතාවක් මතු කරයි. එමෙන්ම ලාභ ප්‍රයෝජන අඩුවීමක්ද පෙන්නුම් කරයි. ඉගෙනීම් කටයුතුවලට පෙර දිනවල පැවැති ස්වභාවයට වඩා උනන්දුව උද්‌යෝගය බෙහෙවින් අඩුවී යයි. පහසුවෙන් විරුද්ධ ලිංගික සබඳතා ගොඩනැගුණත්, හැඟීම්වලට මුල්තැන දී ඊට වහල් වී ක්‍රියා නොකරන්න. විටෙක මෙවැනි දෑ හේතු කොටගෙන තමා ඇසුරු කරන විරුද්ධ ලිංගිකයාගේ විවේචනයට වුව ලක්විය හැක. 

තද ලෙස සිත් නරක්වීමට කරුණක් යෙදෙයි. ගින්නෙන් පාඩුවක් විඳීමට ද ඉඩ තිබේ. නොයෙක් දෙයට නිෂ්ඵල ලෙස වියදම් කිරීමට සිදුවේ. අවුල් වියවුල්වලට මුහුණපාන්නටවීම ද නියමයි. එය සිදුවන්නේ රහස් සතුරන් ඇතිවීම නිසාය. ඇස්වල ආබාධ, පිත්කෝප රෝග, ලේ රෝග, හදිසි වැටීම්වලින් කකුල්වල තුවාල කැපුම් කෙටුම් තුවාල යන මේවායින් ඉතා ප්‍රවේසම් විය යුතුයි. භාර්යාව හෝ ස්වාමි පුරුෂයා ද තමාගේ වැඩවලට විරුද්ධවන්ට පුළුවන. නොයෙක් ක්‍රමයෙන් කරදර හිරිහැර පැටලිලි මතුවන නිසා හානි අවමවන අයුරින් කටයුතු කරන්න.

සමස්තයක් වශයෙන් බලන කල ඔබගේ ග්‍රහ ගමන බලවත්ව පවතින මොහොතේ උදාවන නව වසර සැලසුම් සාර්ථක කර ගනිමින් ප්‍රයෝජනවත් දෑ ඇරඹීමටත් හැකි වන්නේය. 2025 වසරේ අවසන් මාස හය තුළ වැදගත් කටයුතූ කිහිපයක් සාර්ථක කරගැනීමට පිළිවන. පොදුවේ ඔබට එම කාලය පැහැදිලි ශුභඵල රැසක් ගොඩනැඟේ. 

උපක්‍රමශීලීව කටයුතු කිරීමේ හැකියාව ඇති බැවින්, කෙසේ හෝ තම අරමුණු ඉටුකර ගැනීමට හැකි වන්නේය. ලාභ බලාගෙන වියදම් කරන ඔබට එම කාලය ශුභදායක වේ. විශේෂයෙන් විනෝද ක්‍රීඩාවන්ට හා ප්‍රීති උත්සව ආදියටත් සහභාගි වන්නටත් ඉඩප්‍රස්ථා ලැබෙන සයමසක් වන අතර, සමාජයෙහි තමාට හොඳ තැනක් හොඳ සැලකිල්ලක් ලැබෙනවා ඇත. මිත්‍රයන්ගෙන් මිතුරියන්ගෙන් ස්ත්‍රීන්ගෙන් උපකාර ලාභප්‍රයෝජන තෑගි භෝගාදිය ද ලැබෙනු ඇත. හිතවතුන් සමග විනෝද ගමන් යාමට ද අවස්ථා සැලසේ. සිතට ප්‍රීතිය සැනසීම ලැබෙනවා ඇත. එසේම මෙය කරන කියන රැකී රක්ෂාවලින් ද වෙ​ෙළඳ ව්‍යාපාරවලින් ද ලාභ ලැබෙන වසරක් ද වේ. වැඩ කටයුතු සිද්ධ වේ. නැවතී තිබුණ කටයුතු නැවත පටන් ගැනේ. නොයෙක් කටයුතුවලින් ලාභ ලැබේ. යහපත් උසස් දරු ශිෂ්‍යයන් ලැබේ. උසස් නිලතලවලට රැකී රක්ෂාවලට පත්වේ. ශරීර සෞඛ්‍ය යහපත් වේ. 

ශරීරය පුෂ්ටිමත් වේ. ධන ලාභ ලැබේ. ආදායම් හොඳ වේ. වෙෙළඳ ව්‍යාපාරවලින් ලාභ ලැබේ. දියුණුවට මඟ සැලසේ. බලාපොරොත්තු වූ දේ ලැබේ. සතුරන් පරාජය වේ. සතුරන්ට වඩා තම තත්ත්වය උසස් වේ. තනතුරුවලින් උසස් වේ. තමා නිරත රාජකාරිය පහසුකරගැනීම සඳහා යහපත් වැඩකරුවන්ද, හිතවත් ආධාරකරුවන්ද ලැබේ. 

එමගින් අනාගත දියුණුවට හේතු වන වැඩපිළිවෙළක් සැකසේ. ගෙදර වාසනාවන්ත ප්‍රීති උත්සව පවත්වන්ට ලැබේ. අලුත් ස්ථානවලට යාමට ලැබේ. සිතේ සතුටට හේතුවන දේ ලැබේ. එසේම වසර පුරාවටම වැඩිහිටියන්ගෙන් හා උසස් අයගෙන් උපකාර ලැබේ.

ඔබට මෙම උදාවන නව වසර ශුභඵල මෙන්ම අශුභඵල ද මිශ්‍රව ගෙනදෙනු ඇත . ගුරු-ශනි ග්‍රහයින්ගේ ගෝචර ගමන සුබාසුබ මිශ්‍රව ගතවන නිසා, ඔබට උදාවන 2025 වසර සිතට සතුට දනවන දේත් සමගම සිතට අසතුට දනවන දේත් එලෙසම ගොඩනැගෙයි. පොදුවේ මෙම නව වසරේ දී ඔබ ඔබ සමග මෙන්ම ලෝකය සමග කරන කටයුතුවලදී ද හැකිතාක් අවංකවන්න. 

ඔබේ වැරදි මෙන්ම යහගුණ ද පිළිගනිමින් ඒ අනුව සකස්වීමට සූදානම් වන්න. ඔබට එරෙහි අය ගැන කුතුහලයෙන් පරීක්ෂාකාරී විය යුතුය. ඔවුන් සිදුකරන පාඩු හා ඇති කරන සිත් කලබල ඔබ නොදන්නා බැවිනි. එසේම මෙම වසරේ මුල් මාස 8  කරදර කනස්සලු ඇති වේ. සෞඛ්‍යය පීඩා වී උසස් අයගෙන් රජයෙන් අප්‍රසාදය හිමි වේ. ඇස්රෝග, උදරාබාධ වැලඳේ. 

ණය ගනුදෙනුවලදීත් සිත් තැවුල් හා භය ඇති වේ. වියදම් අධික වේ. ආරවුල් සහිතය. පවුලේ අයගේ අසනීපාදියට වෙහෙසෙන්ට ද සිදුවේ. නඩු හබවලින් බේරෙන්ට වැඩකිරීම සඳහා නීතියේ ලියකියවිලිවලට බලපත්‍රවලට අත්සන් තබන්ට සිතුවේ. සතුරන්ගෙන් ප්‍රවේසම් විය යුතුයි. ධනහානි ද ඇතිවේ. දුක් විපත් ඇතිකළ හැකියි. ස්ත්‍රීන් නිසා සිත් අසතුටක් ඇතිවේ. බලාපොරොත්තු රහිත වියදම් දරන්ට සිදුවේ. අසනීපයක් වැලඳුණහොත් ඉතා අමාරු වේ. 

තම ආදායම අඩුවන බැවින්, ණයතුරස් ද වැඩිවිය හැකියි. සිතේ තීන්දුවකට බැසීමට නොහැකි කරුණු ඇතිවේ. තිබුණ ගෞරවය නැති වේ. වියදම් අධික කරයි. සමහරවිට ස්ථානවල හෝ කරගෙන ආ කටයුතුවල වෙනසක්ද ඇතිකළ හැකියි. නොතේරුම්කමින් හෝ තමා නොදැනම හෝ වැරදි සිදුවේ. ධන හානියක් ඇතිවන වසරකි. නෑයන්ගෙන් දුක් කරදර මතු වේ. කරගෙන ආ කටයුතු බිඳ වැටේ. රැකීරක්ෂා හානිවිය හැකියි. බලාපොරොත්තු අදහස් සුන්වේ. දුර්වල හෝ පහත් අයගේ ආශ්‍රයට වැටේ. ඔවුන් නිසා අලාභ හානිද සිදුවේ. 

වරෙක ගෙදර වාසය අප්‍රිය වේ. පැමිණිවිට නැවත පිටවී යාමට ද සිතේ. තිබුණ කඩිසර ගතිය ප්‍රාණවත් ගතිය නැති වේ. ගමන් බිමන්වලින් කරදර හා අනතුරුද ඇති කරයි. ඥාතීන් සමග අවුල් වියවුල් මතු වේ. වැඩක් නැතිව නිකරුණේ කාලය ගෙවී යයි. සමහරවිට රක්ෂාවෙන් අස්වීමට හෝ විශ්‍රාම ගැනීමටද සිදුවන දේත් ඇතිකරයි. ගොවිතැන්වලින් ආදායම් අඩු වේ. දේපළ පිළිබඳ පැටලිලි මතු වේ. සමහරවිට නඩුහබ පවා පැටලෙන්නට ඉඩ තිබේ. 

ශරීරාබාධයක්ද මතුවිය හැකියි. රැවටීමකට අසුවේ. හොඳින් ආශ්‍රය කළ තමාගෙන් උදව් උපකාරගත් කෙනෙක්ම තමාව මුලාවකට දමනවා ඇත. සිටි තැනින් බටහිරට හෝ නැගෙනහිරට යාමට සිදුවේ. ගෙදර පදිංචිව පිළිබඳ කරදර ඇති වේ. එනිසා ඔබ ඔබෙන් වැරදි නොවෙන්නට වගබලා ගන්න. නිරත රාජකාරිය සේම වගකීම් බැඳීම් නිසිලෙස තේරුම් ගෙන වගකීම් සහගතවම කටයුතු - ක්‍රියාවන්හි නිරතවන්න. එනිසා ඔබ මෙම වසර පුරාවටම මෙන් හික්මීමෙන්, සකසුරුවමෙන්, අනුන්ගේ දේට ඇඟිලි නොගසා - තමාට අයත් දේ නිවැරදිව ක්‍රමවත්ව කරන්න උත්සාහ ගන්න.