මුවෙක් වෙලා මිගදායේ උලා කමී
උලක් ඇනුණ හදවත බරණැසට දෙමී
පාරිලෙයිය වනයෙන් මකරන්ද බොමී
පාළු නිසා මුචලින්ද ව බදා ගමී
අසපුවකින් උපැවිදි වී වන වදිමී
මෙතුවක් මා හැඳ සිටි සිවුරට වඳිමී
මටත් වඩා විසි තිස් ගුණයක් දැහැමී
උගත් කමක් නැති උන් හා මම ලගිමී
විඳ අවනඩු විඳ විඳ මහමෙර උසට
මුළු දිවිය ම නොදැනි ම විකිණෙයි ණයට
පව් නොකරමි මම රහසින් බුදුගෙයට
අබිනික්මන් කරනෙමි යළි ගිහිගෙයට
අචිරවතී ගඟ අයිනේ මුත්රාශ
වතුර නැතුව ඇති නිදහස් අවකාශ
ගතව ඇතත් සිය සිය අවුරුදු මාස
අතුරු සිදුරු නැතිව ම තනිකම් දෝෂ
ගිජ්ජ කූට පර්වතයේ ගල් කෑලී
කජ්ජ වගේ ඇකිලෙන පැල්පත් පේලී
මජ්ජ පමා දට්ඨානය උඩ වෙිළී
ලැජ්ජ බය ද විකුණන පොඩි පොඩි කෑලී
කිසා ගෝතමී අබ ඇට සොයා ගිය
ළසෝ තැවුල් පිරි ජනපද දිරා ගිය
බිසෝවරුන් කඳුළැල්ලෙන් පෙඟී ගිය
දසා උඩින් ඉර හඳ තරු පමා විය
එදා අඟුල්මල් සිඳ ගත් ඇඟිලි පුරා
ගලා හැලුණ රුධිරය මීවිතක පෙරා
බිබී ඔකඳ වන යතිවරු අසපු අරා
ගරා බුදිති සැලියෙහි දිය නටන තුරා
දරා නොහිම් සෝගිනි සාගිනි සෝක
වැටී වැටී නැඟිටින කල සෝපාක
ගසා තලා අරගෙන ගිය මහ රෑක
බොහෝ පුතුන් මහ මඟ හළු කළ සේක
වඳුරන්ගෙන් බණ අහනා වෙලාවට
අනෝතත්ත විල ගෙම්බන් පෙනේ මට
අජාසත්ත පවිටුන් ළය මුලාකොට
කතා කරන්නෙ ම මිහිපිට අපායට
මෙදා ගඩොල් රජයන දහමින් මිදෙමී
සැබෑ බුදුන් අනුදත් මඟ මම සොයමී
ඉණේ රඳන දැලිපිහි දැක පසු තැවෙමී
නිමා නොවන අබිනික්මනකට බැඳෙමී
අරුණලු සිහින උතුරන අලුයමක සිට
විනිවිද විඳින ඝනඳුර සෙනසුනකි මට
දහමක හරය සිත පතුලෙන් මෙනෙහි කොට
අඳනය තබා යමි සඳකඩපහණ යට
මුවෙක් වෙලා මිගදායේ උලා කමී
උලක් ඇනුණ හදවත බරණැසට දෙමී
පාරිලෙයිය වනයෙන් මකරන්ද බොමී
පාළු නිසා මුචලින්ද ව බදා ගමී
කියූ ලියූ වදන්වලින් දෙයක් වේ ද ඔබට දැනුණු නොදුටුවේ ද ඒවා තුළ තිබුණු සියුම් කොඩි සලකුණු?
මහින්ද ප්රසාද් මස්ඉඹුලගේ ප්රථම කාව්ය සංග්රහය වන ’’හිරුත් හිම පියල්ලක’’ කෘතිය 2011 වසරේ විශිෂ්ටතම කාව්ය සංග්රහය ලෙස සම්මාන රැසකට පාත්ර වූ අපූරු
උඩ හේනේ කඩුල්ල ළඟ පුංචි අපේ ළිඳ අද්දර අඹ ගස්වල මල් පිපිලා කහ රෙද්දක් වනපු ලෙසට මල්ලන උඳුවප් ඇවිදින් අපේ ඇඟපත කුද්දන්ට සඳවතියේ කල් ඇවිදින් නැවුම් පොළ
පඩිපෙළින් උඩඟු කළ මහගෙදර ආලින්දේ ලී කුලුනු යා කර ලීස්තර වැට මැදින් නෙත් හෙලමි අදත් මම කුඩා දරුවකු ලෙසින් පාළුවෙන් පුරන් වූ ඈත වෙල්එළිය වෙත
කුරුල්ලො අඹලා සත පනහේ කුලිය ගන්ට ගල් දුන්නත් අතට අරන් දවස පුරා වෙලේ රකින පොඩි මල්ලියෙ
’’බුදු බව පැතුවෝ, දරු දුක නැද්දො’’ මා නොසොයා පුත නිදියන් සියුමැලි සදා එළිය පිරි ලොවක් සදා දෙමි
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
(2024 සැප්තැම්බර් 09) ලොව විශාලතම Luxury Ayurveda Wellness Brand වන Spa Ceylon, අන්තර්ජාතික සම්මාන උළෙලක් වන 2024 Global Green Beauty Awards හිදී ජාත්යන්තර වශයෙන් ලොව ඉදිරියෙන්ම සිටින රූපලාවන්ය සන්න
විවාහ දිවියට එළඹෙන යුවළකගේ බලාපොරොත්තු අතර දරු සුරතල් බැලීම ප්රමුඛස්ථානයෙහි ලා ගැනෙන්නක්. නමුත් වත්මන් සමාජ සංස්ථාව තුළ එලෙස දරු පල ලැබීමට නොහැකිව
උපැවිදි වී වන වදිමී