මානවසිංහ කෝම ද බං මීමනට
ඌටත් තියෙන්නෙ ම නාගෙන එන ගැහැට
මීරස කවිය දාගෙන පොල් කටුවකට
මීරා බොන්න කැමතිලු ඌ වහිනකොට
මානවසිංහ මහබෝ වන්නම ලිව්වේ
පන්හිඳ තුඩිනි කොළඹට දේදුනු නැව්වේ
විසකුරු නාගයන්ටත් අඳුකොළ කැව්වේ
සඳකඩපහණ මිරිකා මව්කිරි බිව්වේ
රයිගම් කෝරළේ හැම තැන යකා නැටූ
කවියා මමයි බල්ලෝ තෝ නොකා හිටූ
කියමින් එදා රාසින් පැන්නාට කොටූ
කවිය ම හැරී මීමනට ම බඹා කෙටූ
ගොඩ මඩ දෙක ම සරුසාර ය පලබර ය
සාගර පලන්සූරිය ගම අඬහැරය
දාගෙන දෙකක් තිව්ව ම කවි වෙඩිමුරය
ඒ කවි මැදින් ගලනා දුක මනහරය
කෑවත් අඟුරු අළු යට ගිනියමෙන් සැදූ
බෝසත් හැඟුම් ගඟ ජීවිතයෙන් ම පිදූ
හාමත් සිතින් ළතැවුල් මිරිකමින් වැදූ
තාමත් ගලයි කේයස් ගේ සුදෝසුදූ
කුමාරගම ලිව්ව ම වන්නිය ලෙළවා
නියත යි අයියනායක දෙයියොත් බැලුවා
කාවයියන්ගෙ අඹුවන් උඩුබැලි කරවා
ඒ කවි ගමේ ඇළ දොළ වතුරේ ගැලුවා
මිනී කපන හේරත් හාමිගෙ පපුව
පළා නැඟෙන බෝසත් ගුණකඳ දුටුව
ළයේ උපන්නෙ ම මනුසත් කවි මතුව
අනෝතත්ත විල පියුමක රුව මුසුව
කෝ බං කුඩලිගම ළඟක දි දැක්කෙ නැත
මනරම් කවක් ලිව්ව ම ඌ සද්ද නැත
ඒ කවි ගලා යන විට ලිය මඬුලු වෙත
සියොතුන් මත් ව වැටුණලු කඩදාසි මත
අල්විස් පෙරේරා කවි කිව්වොත් නැවතී
කිඹුලන් පවා කොටහළු වන බව කියතී
කිතුලට නඟින උදවිය ගහ මුල නැවතී
කවියෙන් කවිය බී ගහ මුල චූ කරතී
පොල්කටුවකින් බොන කවියක රහ වැඩිවී
මින්දද පවා සෙලුවෙන් දිව්වලු වෙරිවී
සිල්පර පෙඟෙනකොට උක් පැණියෙන් නැහැවී
දුම්රිය පීලි පැන්නලු පීලි ද ඇදවී
ඉස්ටේසමට ඒ කවි රස දැනුණාම
එන්ජින් ඔයිල් කිරිපල්ලෙන් එයි තාම
සංඥා පුවරුවට එළිවැට පෙනුණාම
සිග්නල් කෙළින් වෙනවලු කණු තෙමුණාම
කවියෙන් බඹර වද පිරෙනා මහිම බලා
වන බඹරුන්ගෙ ඊ සී ජී අවුල් වෙලා
ඇඳිවත ලිහෙනකොට කවි රස දෙගොඩ තලා
රණ මොනරුන් ද පිල් කලඹත් උකස් කළා
කොළඹින් ගැලුව කවියක අම රස වින්ද
මීමැස්සන්ට අමතක විය මකරන්ද
එළිවැට දිගේ උන් තරගෙට මී බැන්ද
බිඳුනලු දවල් බකමූණන්ගෙත් නින්ද
කපුටෝ සුවඳ විලවුන් සියොළඟෙහි උලා
වෙනදා ගිලින කුණු ඉඳුලට විහිළු කළා
පිරිකර කඩේ දැලිපිහි කළුගලක උලා
එළුවෝ රැවුල කැපුවෝ කැඩපතින් බලා
මානවසිංහගේ කෝමල කවිය බලා
සෝඩා ටොනික් යයි බේරේ වැවට ගලා
මානෙල් නෙලුම් පීදී ඇත ඔකඳ වෙලා
සෝඩා බොමින් දිය කිඳුරන් නටනු බලා
කියූ ලියූ වදන්වලින් දෙයක් වේ ද ඔබට දැනුණු නොදුටුවේ ද ඒවා තුළ තිබුණු සියුම් කොඩි සලකුණු?
මහින්ද ප්රසාද් මස්ඉඹුලගේ ප්රථම කාව්ය සංග්රහය වන ’’හිරුත් හිම පියල්ලක’’ කෘතිය 2011 වසරේ විශිෂ්ටතම කාව්ය සංග්රහය ලෙස සම්මාන රැසකට පාත්ර වූ අපූරු
උඩ හේනේ කඩුල්ල ළඟ පුංචි අපේ ළිඳ අද්දර අඹ ගස්වල මල් පිපිලා කහ රෙද්දක් වනපු ලෙසට මල්ලන උඳුවප් ඇවිදින් අපේ ඇඟපත කුද්දන්ට සඳවතියේ කල් ඇවිදින් නැවුම් පොළ
පඩිපෙළින් උඩඟු කළ මහගෙදර ආලින්දේ ලී කුලුනු යා කර ලීස්තර වැට මැදින් නෙත් හෙලමි අදත් මම කුඩා දරුවකු ලෙසින් පාළුවෙන් පුරන් වූ ඈත වෙල්එළිය වෙත
කුරුල්ලො අඹලා සත පනහේ කුලිය ගන්ට ගල් දුන්නත් අතට අරන් දවස පුරා වෙලේ රකින පොඩි මල්ලියෙ
’’බුදු බව පැතුවෝ, දරු දුක නැද්දො’’ මා නොසොයා පුත නිදියන් සියුමැලි සදා එළිය පිරි ලොවක් සදා දෙමි
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
(2024 සැප්තැම්බර් 09) ලොව විශාලතම Luxury Ayurveda Wellness Brand වන Spa Ceylon, අන්තර්ජාතික සම්මාන උළෙලක් වන 2024 Global Green Beauty Awards හිදී ජාත්යන්තර වශයෙන් ලොව ඉදිරියෙන්ම සිටින රූපලාවන්ය සන්න
විවාහ දිවියට එළඹෙන යුවළකගේ බලාපොරොත්තු අතර දරු සුරතල් බැලීම ප්රමුඛස්ථානයෙහි ලා ගැනෙන්නක්. නමුත් වත්මන් සමාජ සංස්ථාව තුළ එලෙස දරු පල ලැබීමට නොහැකිව
කොළඹ කවියෝ සොඳුරු සාදෙක