කුරුල්ලො අඹලා
සත පනහේ කුලිය ගන්ට
ගල් දුන්නත් අතට අරන්
දවස පුරා වෙලේ රකින
පොඩි මල්ලියෙ
උඹේ කකුල් රිදෙනවා නම්
වෙල ඉද්දර ගල් ඇන්දේ වාඩි වෙයන්
ගල එතකොට පුටුවක් වෙයි
ළිප් දාහේ ඉර ඇවිළී
දන විට පොඩි මූණ නුඹේ
වෙල අද්දර නුග සෙවණේ ඈඳි ගනින්
ළා දළු චාමර සෙලවී
නුඹට පවන් සලයි මලේ
අතු අග හොටවල් සෙලවී
නුඹට ගීත ඇසෙයි මලේ
ඉර රතු වී නිවි යද්දී
දාඩිය කුණු කඳුළු එක්ක
තොටමුණ ළඟ ගඟට බසින්
සීතල රැළි අත් සීයෙන්
උඹ වට කර තුරුළු වෙවී
ගඟ පහළට ගලා යාවි
දිය සුළියේ ඔඩොක්කුවේ
නැළැවී ඉඳ කිමිදී ඉඳ
ගොඩට වරෙන්
මලේ මලේ අඳුර එද්දි
හෙල්මැලි සෙවණැලි නලියන
ගුරු පාරෙන් ගෙදර යමන්
වැලි කැට සුදු පලසක් වී
සිඹ ගනීවි දෙපා නුඹේ
ඈත සිටන් කඩුල්ල ළඟ කිකිළී හඬ ගා කීවේ
නැට්ටක් නැති ගෙඩියක් අද නුඹේ නමට දාපු වගද?
සඳ එළියේ රැළි විසිරෙන චීත්තෙ යට
ගුලි වෙන විට ලණු මැස්සේ
අන්න බලන් උඹෙ තනිවට
අහසෙත් මල් - පොළොවෙත් මල්
ගින්දර පාටින් බබළන
මලේ මලේ නින්දට පෙර
ඩිංගක් මේ ගැන හිතපන්
මේ සේරම තෑගි ලැබුණෙ ලොවින් නුඹට
මොනවද මල්ලියෙ දෙන්නෙ නුඹෙන් ලොවට?
එක පාරට
ටකේ ගසන්නෙපා මලේ
කුරුල්ලන්ට
ඉඩක් දියන්
එක කරලක් ඇන්න යන්ට
පරාක්රම කොඩිතුවක්කු
( පොඩි මල්ලියේ කාව්ය සංග්රහය )
කියූ ලියූ වදන්වලින් දෙයක් වේ ද ඔබට දැනුණු නොදුටුවේ ද ඒවා තුළ තිබුණු සියුම් කොඩි සලකුණු?
මහින්ද ප්රසාද් මස්ඉඹුලගේ ප්රථම කාව්ය සංග්රහය වන ’’හිරුත් හිම පියල්ලක’’ කෘතිය 2011 වසරේ විශිෂ්ටතම කාව්ය සංග්රහය ලෙස සම්මාන රැසකට පාත්ර වූ අපූරු
උඩ හේනේ කඩුල්ල ළඟ පුංචි අපේ ළිඳ අද්දර අඹ ගස්වල මල් පිපිලා කහ රෙද්දක් වනපු ලෙසට මල්ලන උඳුවප් ඇවිදින් අපේ ඇඟපත කුද්දන්ට සඳවතියේ කල් ඇවිදින් නැවුම් පොළ
පඩිපෙළින් උඩඟු කළ මහගෙදර ආලින්දේ ලී කුලුනු යා කර ලීස්තර වැට මැදින් නෙත් හෙලමි අදත් මම කුඩා දරුවකු ලෙසින් පාළුවෙන් පුරන් වූ ඈත වෙල්එළිය වෙත
කුරුල්ලො අඹලා සත පනහේ කුලිය ගන්ට ගල් දුන්නත් අතට අරන් දවස පුරා වෙලේ රකින පොඩි මල්ලියෙ
’’බුදු බව පැතුවෝ, දරු දුක නැද්දො’’ මා නොසොයා පුත නිදියන් සියුමැලි සදා එළිය පිරි ලොවක් සදා දෙමි
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
(2024 සැප්තැම්බර් 09) ලොව විශාලතම Luxury Ayurveda Wellness Brand වන Spa Ceylon, අන්තර්ජාතික සම්මාන උළෙලක් වන 2024 Global Green Beauty Awards හිදී ජාත්යන්තර වශයෙන් ලොව ඉදිරියෙන්ම සිටින රූපලාවන්ය සන්න
විවාහ දිවියට එළඹෙන යුවළකගේ බලාපොරොත්තු අතර දරු සුරතල් බැලීම ප්රමුඛස්ථානයෙහි ලා ගැනෙන්නක්. නමුත් වත්මන් සමාජ සංස්ථාව තුළ එලෙස දරු පල ලැබීමට නොහැකිව
පොඩි මල්ලියේ