හවසට තැළෙන බසයක පොදු ජන රාශී
හිටගෙන ගියපු තරමට පල දෙන වාසී
තෙරපෙන කලට දත් මිටි කන හඬ නෑසී
මොකට ද මචං කිසි දා නොතැළෙන පේශී
බොම්බයි මොටයි හසරැලි උතුරන කටක
කෘන්තක සමඟ රදනක ඉපිලෙයි විටෙක
සම්බල් වෙමින් මිරිකෙන කල එක මිටක
ගැම්මෙන් පිබිද මේදය දියවෙන පටක
එන්ජින් ඔයිල් බේරෙන අත පය හතර
ලංගම අවුල් විඳ විඳ කකියයි නිතර
ජංගම රතිය හිටගෙන විඳ බව කතර
වංගුව අනුව ඇඹරෙමු සුහුරු ව මිතුර
ලබ්බට තබන අත පුහුලට දෙනු පිණිස
තිබ්බත බැටළු සියොළඟ දෙන ලොම් පහස
තිබ්බටු කැකිරි වැටකොළු මිරිකෙන විගස
කජ්ජට වඩා පුහුලම වළඳයි මනස
සහරා කතර කුර ගෑ ඔටුවෙකුගෙ හතී
තොල ගා බැලූ කිරි කහටක උනනවැතී
උරගා බලනු බැරි ගිලගෙන සිටින රතී
ගජගා වන්නමකි සියොළඟ නටන කිතී
අත පය විහිදුවා හිත යට ගලන දොළේ
අට පහ නොදන්නා පැඟිරෙකි විහිළු කළේ
තුන පහ සුවඳ විඳ ඇඟ ලොම් මයිල් හැලේ
දහ අට පාලියකි යටි බඩ තොවිල් පොළේ
රෝම කූප පාමුල හී ගඩු ගැස්සේ
බූමරංග වදිනා ළැම තල ඉස්සේ
ප්රේමනීය කෙඳිරිලි මැසිවිලි අස්සේ
මෝහනීය විදුලිය පපුවට බැස්සේ
ගිලින මදන මෝදක රසයෙන් ඔකඳ
පනින පිනි මුවන් බසයෙහි ඇත නොමඳ
මදුරු කොයිල් බුදිනා දිවියක කිමිද
පැරණි ශිලා මෙවලම් පිබිදෙයි සබඳ
බැටරි වතුර ඇත පීනන ලූලන්ට
වැටෙන සුරත් පල උරුම යි වවුලන්ට
ඉදෙන සියඹලා නොදකින වඳුරන්ට
ගිලෙන චුවිංගම් හප ඇත රහ බොන්ට
උලා කෑව ඉපනැලි රස අනුහසිනී
වැටී වමාරා කන පුහු දන තොසිනී
නයා පෙනේ කරනා කල සෙනෙහසිනී
දනෝ ක්ෂීර සාගර පතුලට වැටුණී
පෙම්මා වඩන ස්පා සුරලොව සදන
සම්බාහනය නොමිලේ දෙන බස් ගමන
උම්මා දෙමින් දාඩිය ලුණු රස රැගෙන
නිම්මා නොමැති සුව අපි විඳගමු සොඳින
තැළෙනා පේශි තුළ රතු ලේ නහර නැමී
උනනා කවිය සෙනෙහෙන් හදවතට ගමී
හඬනා දුක ම මිරිකා මකරන්ද බොමී
තොල ගා බලන්නට මේ කවි ඔබට දෙමී
කියූ ලියූ වදන්වලින් දෙයක් වේ ද ඔබට දැනුණු නොදුටුවේ ද ඒවා තුළ තිබුණු සියුම් කොඩි සලකුණු?
මහින්ද ප්රසාද් මස්ඉඹුලගේ ප්රථම කාව්ය සංග්රහය වන ’’හිරුත් හිම පියල්ලක’’ කෘතිය 2011 වසරේ විශිෂ්ටතම කාව්ය සංග්රහය ලෙස සම්මාන රැසකට පාත්ර වූ අපූරු
උඩ හේනේ කඩුල්ල ළඟ පුංචි අපේ ළිඳ අද්දර අඹ ගස්වල මල් පිපිලා කහ රෙද්දක් වනපු ලෙසට මල්ලන උඳුවප් ඇවිදින් අපේ ඇඟපත කුද්දන්ට සඳවතියේ කල් ඇවිදින් නැවුම් පොළ
පඩිපෙළින් උඩඟු කළ මහගෙදර ආලින්දේ ලී කුලුනු යා කර ලීස්තර වැට මැදින් නෙත් හෙලමි අදත් මම කුඩා දරුවකු ලෙසින් පාළුවෙන් පුරන් වූ ඈත වෙල්එළිය වෙත
කුරුල්ලො අඹලා සත පනහේ කුලිය ගන්ට ගල් දුන්නත් අතට අරන් දවස පුරා වෙලේ රකින පොඩි මල්ලියෙ
’’බුදු බව පැතුවෝ, දරු දුක නැද්දො’’ මා නොසොයා පුත නිදියන් සියුමැලි සදා එළිය පිරි ලොවක් සදා දෙමි
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
(2024 සැප්තැම්බර් 09) ලොව විශාලතම Luxury Ayurveda Wellness Brand වන Spa Ceylon, අන්තර්ජාතික සම්මාන උළෙලක් වන 2024 Global Green Beauty Awards හිදී ජාත්යන්තර වශයෙන් ලොව ඉදිරියෙන්ම සිටින රූපලාවන්ය සන්න
විවාහ දිවියට එළඹෙන යුවළකගේ බලාපොරොත්තු අතර දරු සුරතල් බැලීම ප්රමුඛස්ථානයෙහි ලා ගැනෙන්නක්. නමුත් වත්මන් සමාජ සංස්ථාව තුළ එලෙස දරු පල ලැබීමට නොහැකිව
බස් බස රස
kamal munasinghe Tuesday, 16 July 2024 03:09 PM
අප්රිය බස් ගමනේ සුන්දර කවි රසය ගෙනදුන් ඔබට මේ හද පිරි තුතිපුදය... තව තව ලියන්නට ලැබදේවා...! දිරිය ලංකාදීපයට පලකරනෙමි තුතිය..!