අම්මාවරුන් විඳිනා ළතැවුලින් පෙරූ
පැහැනද හැඟුම් දහරක උණුහුමින් සරූ
නොපහන් රිදුම් කකියන කවියකින් ගැරූ
සුපසන් වදන් මිරිකමි කිරි පනින තුරූ
අහස ම සිතුවමකි සකියනි දැනගන්න
මව්කිරි නොබිව් එකෙකුට බැහැ විඳගන්න
එහෙනම් මහතුනේ මේ ටික අහගන්න
මව්කිරි පනින තෙක් මිරිකමි දේදුන්න
බඩ ගා දුරින් දුර ගව්වෙන් ගව්ව සැරූ
තොල ගා මිහිරි කඳුළ ම නෙතු අගින් පෙරූ
උරගා පොළොව දුක සැප දහදියට හුරූ
වල්ගා තරුව මිරිකමි කිරි පනින තුරූ
කඳුවැටි පවා ඉරහඳ යට දුකට හුරූ
පවසයි නාය ගිය තැන මඩ කඳුරු පෙරූ
ගිරි හිස මුඳුන නිල් තණකොළ කිරුළු දැරූ
කිරිගල්පොත්ත මිරිකමි කිරි පනින තුරූ
කතරක පවා දැක ගමි යටගිය උරුම
මිනිසත් බව ම විඳ විඳ නෙක නෙක කරුම
හඳුනනු බැරි ද දහදිය කඳුළක අරුම
මිරිකමි පිරමිඩ ද කිරි පනිනා තුරුම
කිතුලක පපුව අත ගා අම රසට පෙරූ
තොල ගා සතුට ජෝතිගෙ හද බසට හුරූ
හඬ ගෑ එවුන් සිහිකර ගම කිරුළු දැරූ
සඳකඩපහන මිරිකමි කිරි පනින තුරූ
තල්මහ පවා මව්කිරි බොන සතෙකි ගරූ
කරදිය ගැඹුර වඩදිය බාදියට ගැරූ
දකිනට බොලව් මව්කිර උණුහුමක සරූ
ග්ලැසියර පවා මිරිකමි කිරි පනින තුරූ
ලොව්තුරු සිහින භූගත සිතියමක සරා
රියසක දුවයි ඉන්ධන දහදියෙන් උරා
දුහුවිල්ලේ ම කැලතෙන ජීවිතය පෙරා
සයිලන්සරය මිරිකමි කිරි පනින තුරා
ග්රහයෝ දුවති මේ ඉර හඳ තිබෙන තුරූ
උල්කාපාත කැරකෙයි සක්වලක සැරූ
සිහියට රැගෙන ජව බල මව්කිරක පෙරූ
ඈපා ලිත ද මිරිකමි කිරි පනින තුරූ
තත්පර කටුව ලෙස විරුදාවලිය දැරූ
කෙට්ටු ම එකා දිව යයි වේගයට හුරූ
මව්කිර බෙලෙන් සවි ගෙන කවියකට පෙරූ
ඔරලෝසුව ද මිරිකමි කිරි පනින තුරූ
පෙරුම් පිරූ ඉරණම සිහියට ගන්න
හැඟුම් දැනෙන මහතුනි ඔබ නැඟිටින්න
රිදුම් දරා එඩියෙන් අවදි ව ඉන්න
නෙළුම් කුලුන මිරිකමි සුළුදිය ගන්න
කියූ ලියූ වදන්වලින් දෙයක් වේ ද ඔබට දැනුණු නොදුටුවේ ද ඒවා තුළ තිබුණු සියුම් කොඩි සලකුණු?
මහින්ද ප්රසාද් මස්ඉඹුලගේ ප්රථම කාව්ය සංග්රහය වන ’’හිරුත් හිම පියල්ලක’’ කෘතිය 2011 වසරේ විශිෂ්ටතම කාව්ය සංග්රහය ලෙස සම්මාන රැසකට පාත්ර වූ අපූරු
උඩ හේනේ කඩුල්ල ළඟ පුංචි අපේ ළිඳ අද්දර අඹ ගස්වල මල් පිපිලා කහ රෙද්දක් වනපු ලෙසට මල්ලන උඳුවප් ඇවිදින් අපේ ඇඟපත කුද්දන්ට සඳවතියේ කල් ඇවිදින් නැවුම් පොළ
පඩිපෙළින් උඩඟු කළ මහගෙදර ආලින්දේ ලී කුලුනු යා කර ලීස්තර වැට මැදින් නෙත් හෙලමි අදත් මම කුඩා දරුවකු ලෙසින් පාළුවෙන් පුරන් වූ ඈත වෙල්එළිය වෙත
කුරුල්ලො අඹලා සත පනහේ කුලිය ගන්ට ගල් දුන්නත් අතට අරන් දවස පුරා වෙලේ රකින පොඩි මල්ලියෙ
’’බුදු බව පැතුවෝ, දරු දුක නැද්දො’’ මා නොසොයා පුත නිදියන් සියුමැලි සදා එළිය පිරි ලොවක් සදා දෙමි
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
(2024 සැප්තැම්බර් 09) ලොව විශාලතම Luxury Ayurveda Wellness Brand වන Spa Ceylon, අන්තර්ජාතික සම්මාන උළෙලක් වන 2024 Global Green Beauty Awards හිදී ජාත්යන්තර වශයෙන් ලොව ඉදිරියෙන්ම සිටින රූපලාවන්ය සන්න
විවාහ දිවියට එළඹෙන යුවළකගේ බලාපොරොත්තු අතර දරු සුරතල් බැලීම ප්රමුඛස්ථානයෙහි ලා ගැනෙන්නක්. නමුත් වත්මන් සමාජ සංස්ථාව තුළ එලෙස දරු පල ලැබීමට නොහැකිව
මවුකිරි සහ සුළුදිය