(සුමතිපාල දීයගහගේ සහ ඩී ජී සුගතපාල)
ගාල්ල ඇලෝෂියස් විදුහලේ ප්‍රාථමික අංශයේ සිසුන්ගේ වාර්ෂික චිත්‍ර ප්‍රදර්ශනය විජය සහ අද පුවත්පත්වල ප්‍රධාන කර්තෘ දුමින්ද සංජීව බාලසුරිය සහ ඇලෝෂියස් විදුහලේ ආදි ශිෂ්‍ය ලංකාදීප පුවත්පතේ ප්‍රාදේශීය ප්‍රවෘත්ති කර්තෘ නිරෝෂණ ගොඩැල්ලගේ යන මහත්වරුන්ගේ ප්‍රධානත්වයෙන් අද (04) වන දා එම විදුහලේ දී පැවැත්වුණි.
දුමින්ද සංජීව බාලසුරිය , නිරෝෂණ ගොඩැල්ලගේ සහ ඇලෝෂියස් විදුහල්පති පුබුදු සම්පත් යන මහත්වරුන් ඇතුලු අමුත්තන් පිරිසක් පොල් තෙල් පහනක් දල්වා චිත්‍ර ප්‍රදර්ශනය විවෘත කළහ.
ඇලෝෂියස් විදුහලේ ප්‍රාථමික අංශයේ සිසුන්ගේ චිත්‍ර නිර්මාණ 270 ක් මෙම ප්‍රදර්ශනයට තබා ඇත. ජාතික මට්ටමේ චිත්‍ර තරගවලින් ජයගත් සිසුන්ගේ චිත්‍ර නිර්මාණද මෙහි ප්‍රදර්ශනයට තබා ඇත.
එම විදුහලේ ප්‍රාථමික අංශයේ චිත්‍ර කලා ආචාර්ය බන්දුල පෙරේරා මහතාගේ මෙහෙයවීම මත චිත්‍ර ප්‍රදර්ශනය සංවිධානය කර තිබුණි. චිත්‍ර ප්‍රදර්ශනය අද (04) සහ හෙට (05) පැවැත්වේ.
