(දීපාල් ද සිල්වා)
පසුගිය අවුරුදු 4ම පාතාලය රජකළ බවත් කුඩු වසංගතය ගමේ දරුවන්ට, ගමට ඇතුල් වූ බවද අග්‍රාමාත්‍ය මහින්ද රාජපක්ෂ මහතා අද (1) කරණ්දෙනියේ දී පැවසීය.
‘අද දෙමවුපියන්ට තියෙනවා ලොකු වගකිමක්. හැම අම්මා, තාත්තා කෙනෙකුටම සිදුවෙලා තියෙනවා තමන්ගේ දරුවා කුඩු වලට ඇබ්බැහිවෙලාද කියලා සොයා බලන්න. මෙවායින් රට,ජාතිය බෙරාගන්න අපිට වගකිමක් තියෙනවා.
පසුගිය ආණ්ඩුවට ඒක තිබුණේ නැ. පසුගිය ආණ්ඩුවට මොනවා වුණත් කමක් නැහැ... අපි ඉන්නවා නම් කියලා එයාලා වෙනම හිටියා. අද අපිට පුලුවන් කම ලැබිලා තියෙනවා ඒ තත්වය නැති කිරිමට...
අද ගෝඨාභය ජනාධිපතිතුමා පටන්ගත්තා කුඩු නැති කිරිම, පතාලය මර්දනය කිරිම එක වඩාත් ශක්තිමත්ව ඉදිරියට ගෙන යන්න තමුන්නාන්සේලා බලය ලබාදිය යුතුයි කියන එකයි මම විශ්වාස කරන්නේ. ඒම නැතිවුණොත් මෙ රට විනාශ වෙලායයි. තමන්ගේ ගම විනාශවෙලා යයි. මේක බේරා ගැනීමේ වගකීම ඔබට තියෙනවා. මේ රටේ පාතාලය, කුඩු නැති කරලා දාන්න ඕනේ...‘ යැයි අගමැති මහිනද රාජපක්ෂ මහතා වැඩි දුරටත් පැවසිය.
ගාලු දිස්ත්‍රික් අපේක්ෂක ගාමිණි අමරවංශ මහතා සංවිධානය කල කරණ්දෙනිය ප්‍රදේශයේ පැවති ජනහමුවේදී අගමැතිවරයා මේ බව පැවසීය .
