"ඉතාලියේ නාපොලි නඟර වාසී ශ්‍රී ලාංකික ප්‍රජාවට ඇතිවන අවරත හිරිහැර දිනෙන් දින ම වර්ධනය වන බව දක්නට ලැබෙනවා. ඉතාලි ජාතික ඇතැම් නොසංඩාල තුරුණු කල්ලි විසින් හුදු විනෝදය පිණිස හුදකලා ව හමුවන ශ්‍රී ලාංකිකයනට පහරදෙනවා,මංකොල්ලකනු ලබනවා ,සොරකම්කරනු ලබනවා. එම කල්ලිවලට ඇති බිය නිසා කිසිවකු විසින් හෝ පොලිසියට පැමිණිලි කිරිමට ඉදිරිපත් වන්නේ නැහැ .මේ අනදරය සඳහා කඩිනම් පියවරක් ගතයුතු ව තිබෙනවා ." නපොලියේ ශ්‍රී ලංකා ගරු කොන්සල්වර නීතිවේදී සල්වතොරේ පුල්යෙසේ මහතා එසේ ප්‍රකාශ කෙළේ ය .
ඒ මහතා එසේ සඳහන් කෙළේ "ලංකාදීප එසැණ පුවත් "වෙනුවෙන් කෙරුණු වෙසෙසි කරුණු පහදුවක දී ය. එම කරුණු පහදුව නපොලියේ සල්වතොර්රෝසාහි පිහිටි ශ්‍රීලංකා කොන්සල්කාර්යාලයේ දී ඉකුත් දා සිදුකෙරුණි .සිය ලේකම් චන්ද්‍රසිරි නානායක්කාර ,කාර්යමණ්ඩලයේ ශාන්ත ජයවික්‍රම යන මහත්වරුද කරුණු පහදුවට එක් වූහ .
ගරු කොන්සල්වර නීතිවේදී සල්වතොරේ පුල්යෙසේ මහතා මෙ සේ ද ප්‍රකාශ කෙළේ ය ."මේ අනදරය දිගු කලක සිට ම සිදුවන්නක් .
එත් මෑතක සිට එම තත්ත්වයේ දැඩි ප්‍රවර්ධනයක් දක්නට ලැබෙනවා. සනිතා ප්‍රදේශය ,රෝම පාර හෙවත් ටෝලේඩෝ පාර ප්‍රදේශය ,කවෝර් ප්‍රාදේශීය ,මස්සීනි චතුරශ්‍ර ප්‍රදේශය ඈ තැන්වලිනුය් මේ අභාග්‍ය සිදුවීම් වැඩිපුර වාර්තා වන්නේ. එම කල්ලිවලට ඇති බිය නිසා කිසිවකු විසින් හෝ ආරක්ෂක අංශවලට පැමිණිලිකිරිමට ඉදිරිපත් වන්නේ නැහැ ."
"මේ ගැටළුවට ගතයුතු පියවර ගැන සාකච්ඡා කරනු පිණිස නාපොලි නඟරාධිපතිවරයා මුණගැසී පිළියම් සෙවීම අප විසින් සිදුකරනු ලැබුණා . නාපොලි කම්පානියා නගරාධිපති ලුවිජි දී මජෙස්ට්‍ර්ස් මහතාණන් හමුවී කරුණු පහදුවක් අප විසින් සිදුකරනු ලැබුණා .එම හමුව සඳහා නාපොලි නඟර වාසී ශ්‍රී ලාංකික
නියෝජිත පිරිසක් ද සහභාගී වුණා . කරුණු පහදුවේ මුලික අරමුණ වූයේ ශ්‍රී ලාංකික නාපොලි නඟරවාසි ජනතාව ගේ අරක්ෂාවයි .දෙවන කරුණ වූ යේ ශ්‍රී ලාංකික නාපොලි නඟරවාසි ජනතාව ගේ සංස්කෘතික උලෙළු සඳහා පරිශ්‍ර පහසුකම් සහ ශාලා පහසුකම් නගරසභාවේ අනුග්‍රහයෙන් පහසු ගෙවීම් ඇතිව සපයාගැනීම ය."
" මේ දෙපස් හමුවට නාපොලි නාගරික මන්ත්‍රී ෆ්‍රන්චෙස්කෝ වෙර්නෙත්ති මහතා ද එක්වුණා . ශ්‍රී ලාංකික ප්‍රජාවට පමණක් නොව සියලු ම සුළු ජනවර්ග සඳහා උපරිම ආරක්ෂාවක් සලසා දෙනු පිණිස ආරක්ෂක අංශවලින් ඉල්ලා සිටීමට ද අභ්‍යන්තර කටයුතු පිලිබඳ අමාත්‍යවරයාණන් දනුම්වත්කර නිසි පියවර අයැදීමට ද නගරාධිපති ලුවිජි දී මජෙස්ට්‍ර්ස් මහතා එකඟ වුණා .එ පමණක් ද නොව ශ්‍රී ලාංකික නාපොලි නඟරවාසි ජනතාව ගේ සංස්කෘතික උලෙළු සඳහා පරිශ්‍ර පහසුකම් සහ ශාලා පහසුකම් නගර සභාවේ අනුග්‍රහයෙන් පහසු ගෙවීම් ඇතිව ලබාදීමට ද ගිවිසියා . නඟරාධිපති හමුවේ නියෝජිත පිරිසට නපොලියේ නවජේසු පුදබිම් දෙව් මැඳුරේ ඇන්තනි වීරසිංහ පියතුමන් ද චන්ද්‍රසිරි නානායක්කාර ,ශාන්ත ජයවික්‍රම ,නිශාන්ත සෙනරත් ,රාජා ප්‍රනාන්දු ,සුරේනි කළුගමගේ යන මහත්මමහත්මීහු ද සහභාගී වූහ .
නාපොලි කම්පානියා නගරාධිපති ලුවිජි දී මජෙස්ට්‍ර්ස් ශ්‍රී ලංකා කොන්සල්වර නීතිවේදී සල්වතොරේ පුල්යෙසේ ,නාපොලි නාගරික මන්ත්‍රී ෆ්‍රන්චෙස්කෝ වෙර්නෙත්ති මහතා නවජේසු පුදබිම් දෙව් මැඳුරේ ඇන්තනි වීරසිංහ පියතුමන් ද චන්ද්‍රසිරි නානායක්කාර ,ශාන්ත ජයවික්‍රම ,නිශාන්ත සෙනරත් ,රාජා ප්‍රනාන්දු ,සුරේනි කළුගමගේ යන මහත්ම මහත්මීහු
ශ්‍රී ලංකා කොන්සල්වර නීතිවේදී සල්වතොරේ පුල්යෙසේ මහතා
ශ්‍රී ලංකා කොන්සල්වර නීතිවේදී සල්වතොරේ පුල්යෙසේ .සිය ලේකම් චන්ද්‍රසිරි නානායක්කාර ,කාර්යමණ්ඩලයේ ශාන්ත ජයවික්‍රම යන මහත්වරු
