තෙළිඟු, මලයාලම්, බෙංගාලි, මරාති ආදී හැම චිත‍්‍රපටියකම රඟ පා ඒ හැමෙකකින්ම එක සේ ජනපි‍්‍රයත්වය ලබන්නට නිළියකට හැකි නම් ඇගේ දක්‍ෂතාව පිළිබඳ අටුවා, ටීකා වුවමනා නැත. එපමණක් නොව ඇය වේදිකා නාට්‍ය ක්‍ෂේත‍්‍රයෙත් නම රැඳුනු ශිල්පිනියකි. ඇය රාධිකා ආප්තේය. මේ දිනවල බොක්ස් ඔෆිස් වාර්තා බිඳ හෙළමින් ප‍්‍රදර්ශනය වන කබාලි දෙමළ චිත‍්‍රපටියේ රජිනි කාන්ත්ගේ බිරිඳ කුමුදාවල්ලි ගේ චරිතය රඟ පාන්නේ රාධිකාය.
මහාරාෂ්ට‍්‍ර ප‍්‍රාන්තයේදී 1985 සැප්තැම්බර් 07 දා උපත ලද රාධිකා ගේ පියා ප‍්‍රසිද්ධ ස්නායු ශල්‍ය වෛද්‍යවරයෙකි. පූනේහි සහ්යාද්රි රෝහලේ සභාපතිවරයා ද ඔහුය.
රාධිකා ගේ මව්පියන් අධ්‍යාපනයේ අගය හොඳින් හඳුනන බැවින් වේදිකා නාට්‍යවල රඟපාන අතරම විශ්වවිද්‍යාලවල අධ්‍යාපනය ලබන්නටත් ඇය පොළඹවාලූහ. එම නිසාම දැන් ඇය ගණිතය හා ආර්ථික විද්‍යාව පිළිබඳ උපාධිධාරිනියකි.
රාධිකා බොලිවුඞ් තිරයට පා තැබුවේ ‘වා ලයිෆ් හෝ තෝ අධිසි’ චිත‍්‍රපටියේ රඟ පාමිනි. එහි ඇයට ලැබුණේ සුළු චරිතයක් වුවත් ඇගේ රංගන හැකියාවන් හැඳින ගන්නට එය ප‍්‍රමාණවත් වූයේය. ‘ගෝ මාලා අස්ලා හවා’ නම් මරාති චිත‍්‍රපටියේ ප‍්‍රධාන චරිතය ඇයට ලැබුණේ ඒ අනුවය. ඉන් ලද පේ‍්‍රක්‍ෂක ආකර්ෂණය විසින් ඇගේ රංගන ජීවිතයේ අනාගතය තීරණය කරනු ලැබිණි. ඉනික්බිතිව ඇය ඉතාම ජනපි‍්‍රය වූ මරාති චිත‍්‍රපටි ගණනාවකම රඟ පෑවාය.
රූප්කොනා නොයි ඇය රඟපාන ප‍්‍රථම බෙංගාලි චිත‍්‍රපටියයි. වෙටි‍්‍ර සෙල්වන්, පෙන්ස්ට්කාර්ඞ්, පෙන්ඩියුලට්, ලෙජන්ඞ් ආදී දෙමළ, මරාති, තෙලිඟු, බෙන්ගාලි චිත‍්‍රපටි ඇගේ වෘත්තීය ජීවිතය අපූරුවට හැඩ කළේය. ඇය සාර්ථකත්වයට රැුනෙ ගිය හින්දි චිත‍්‍රපටි වූයේ මන්ජ්හි, ද මවුන්ටන් මගන් හන්ටර් සහ බද්ලා පූර්ය.
ගෝර් ඉන්ද සිටි චිත‍්‍රපටියේ රාධිකා රඟ පෑවේ තුෂාර් කපූර් සමඟය. ඔවුන් දෙදෙනා අතර සම්බන්ධයක් ඇතැයි ක්‍ෂේත‍්‍රය පුරාම පැතිරී ගියේය. ඔහු මාධ්‍ය සාකච්ඡුාවලදී පැවසුවේ තමා රහමන් මෙන්ම බුද්ධිමත් යුවතියක ජීවන සහකාරිය වශයෙන් තෝරා ගත් බවය. එමෙන්ම එක් රූපවාහිනී සාකච්ඡාවකදී රාධිකා සහ තමා අතර මිත‍්‍රත්වයට එහා ගිය සම්බන්ධතාවක්
ඇතැයි ඔහු අනාවරණය කළේය. ඉන් පසුව තුෂාර් සහ ඇගේ අනාගතය ගැන ඕපා දූප දුසිම් ගණනින් පැතිරෙන්නට පටන් ගත්තේය. ‘‘තුෂාර් එක්ක මගේ ඒ විදියෙ සම්බන්ධයක් නැහැ...’’
අවසානයේදී සෘජුවම එසේ කියන්නට රාධිකාට සිදුවූවාය. තුෂාර්ට මින් ඇති වූ සිත් බිඳීම බොහෝ කලක් යන තුරු සුවපත් වූයේ නැත. ඔහු හෑල්ලූ කිරීම සම්බන්ධයෙන් සමහරු ඇයට දොස් කීහ.
2011 දී රාධිකා ලන්ඩනයට ගියේ බි‍්‍රතාන්‍ය රංගන පාසැලකින් නර්තනය ඉගෙන ගැනීම පිණිසය. සංගීතඥයෙකු වන බෙනඩිකිට් ටේලර් ඇයට හමු වූයේ එහිදීය. ඔවුන් දෙදෙනා අතර තිබූ පොදු ලක්‍ෂණ නිසාම වැඩිකල් නොයාම ඔවුහු ආදරයෙන් බැඳුණහ. එය කොපමණ වීදයත් විවාහ නොවී එක නිවසේ ජීවත් වෙන්නට ඔවුහු පෙළඹුණහ. බටහිර සමාජයට එය සාමාන්‍ය දෙයක් පමණක් වුවත් ඉන්දියාව වැනි රටකට එය පුවත්පත්වල සිරස්තල පල කරන්නට තරම් ප‍්‍රධාන පුවතක් වූයේය. එම නිසාම ඔවුහු 2013 දී චෙන්නායිහිදී නීත්‍යානුකුලව විවාහ වූහ. එහිදී අනුගමනය කරනු ලැබුවේ ඉන්දියානු මංගල චාරිත‍්‍රය. මෙම විවාහ මංගල්‍යය අප‍්‍රසිද්ධියේ පවත්වනු ලැබූ අතර එයට ඇරයුම් ලබා තිබුණේ සමීප ඥාතීන්, හිතවතුන් පමණකි. මංගල ඡුායාරූප මාධ්‍යවලටවත් නිකුත් කර තිබුණේ නැත.
විවාහයට පෙර ප‍්‍රසිද්ධියේ පෙම්වතා සමග එක නිවසක විසීම සංස්කෘතියට පටහැනි යයි කියූ අයට රාධිකා දුන්නේ කදිම පිළිතුරකි.
‘‘මම නම් ඒක කළේ ප‍්‍රසිද්ධියෙ..... අනිත් එක ආදරයේ බැම්ම නීතියේ බැම්මට වැඩිය හුඟාක් ශක්තිමත්. ඒ හින්දා දෙන්නෙකුට එකට ඉන්න නීතියේ බැම්ම වුවමනා නෑ... ඒත් මංදන්න මගේ යාළුවෝ හැම දෙනාම විවාහයට ඉස්සර වෙලා අඹු සැමි සම්බන්ධකම් පවත්වපු අය කියල මම හොඳටම දන්නවා. එතකොට අප‍්‍රසිද්ධියේ එහෙම ජීවත් වෙන එක හොඳද..........?’’
ඇගේ එම අභියෝගාත්මක පැනයට දිය හැකි සෘජු පිළිතුරක් කාටවත් තිබුණේ නැත.
සටහන - චන්දි කොඩිකාර
