"රාවණා" ඉතිහාසයේ හරය නැවත වර්තමාන සමාජයට ගෙන ඒමට වෙහෙස මහන්සිවෙමින් කටයුතු කරන පුද්ගලයෙකු ලෙස, කලක් මාධ්‍යය ක්‍ෂේත්‍ර‘යේ කටයුතු කළ සජිත් දිල්පහන් දැක්විය හැකිය. ඔහුගේ "රාවණා" පිළිබඳ අන්තර්ගත "සුපර්ණිකා" සංයුක්ත තැටිය මේ වනවිටත් සමාජගතව අවසන්ය. මේ ඒ පිළිබඳවය.
"සුපර්ණිකා" සංයුක්ත තැටිය එළිදක්වලා කාලයක් ගතවුණා. කොහොද එයට ලැබෙන ප්‍රතිචාර. වෑයම සාර්ථකද?
මුලින් එය සාර්ථක කරගන්න අපහසු වුණා. පළවෙනි කාරණාව අපි ලංකාවෙ දෙදහ දශකය පටන්ගත ගමන් ඇති වුණ චින්තනමය දුප්පත්කම මත රූපරචනාව කියන කාරණාවට යොමු වීම. මාධ්‍ය වුණත් මුලින්ම අහන්නේ මෙයට රූප රචනාවක් නැද්ද කියලා. මෙහි ගායකයා, සංගීත අධ්‍යක්ෂකවරයා ගැන එතරම් සැලකිල්ලක් ඔවුන් දක්වන්නෙ නැහැ. ගීතයක් ප්‍රචාරය කරන්න ලක්ෂ ගණනක් දෙන්න සිදුවෙනවා. මේ කරුණු කාරණා එක්ක හොඳ නිර්මාණයක් කරන්න ඕන කියලා හිතන තත්ත්වයට පත්වෙලා. ඒක ඉතාම ඛේදනීයයි. මේ ඛේදනීය තත්ත්වය තුළ %සුපර්ණිකා^ ගීත ඇල්බමයට මේ වෙද්දි ඉල්ලුමක් නිර්මාණය වෙලා තියෙනවා.
වර්තමානයේ අහන්න ලැබෙන ගීත එක්ක මෙවැනි ගීතයක ඇති අර්ථයට ශ්‍රාවකයන්ට සමීප වෙන්න පුළුවන්ද?
ඉස්සර ගීතයට ආදරේ කළ මිනිස්සු වැඩිපුරම ආදරේ කළේ පද රචනයට. එහි අර්ථය එක්ක තමයි සංගීතයට, ගායකයාට ඇල්මක් ඇතිවුණේ. අනූව දශකයේ, අසූව දශකයේ ගීතවල වචන මතකයි. වචන කියන මාධ්‍ය ප්‍රබලයි.
ඒ වචන ගායනා කරන්නේ ලංකාවෙ ඉන්න ප්‍රවීණ ගායකයන් පිරිසක්. ඔවුන් අසූව අනූව දශකයේ ගායන කරපු ගීත සමග සසඳන විට මේ ගීත හොඳ මට්ටමක තිබෙනවා. ඒ තුළ මම විශ්වාස කරනවා "සුපර්ණිකා" ගීත ඇල්බමය ගැන කෙනෙක් දැන ගත්තොත් මේ සීඩී පටය ශ්‍රවණය කරනවා කියන විශ්වාසය මා තුළ තිබෙනවා. සිංහලේ රාවණා කියන නිරිඳු ගැන තමයි මෙහි කතා කරන්නේ, ඒ පිළිබඳ නිර්මාණය වූ ගී තැටියක් තමයි මෙහි තිබෙන්නේ. ඒ නිසා එය මිනිස්සු ගන්නවා.
රාවණා ඉතිහාසය අද හොඳ වෙළෙඳ භාණ්ඩයක් බවට වෙලා. මේ සංයුක්ත තැටියටත් එය අදාළයි?
නිර්මාණයකට අගයක් තිබිය යුතුයි. නිර්මාණයකට මිලක් තියෙන්න ඕනේ. එහෙම නිර්මාණයකට අගයක් හෝ මිලක් නැත්නම් ඒ නිර්මාණය කොතරම් හොඳ නිර්මාණයක් වුණත්, වැළලී යනවාමයි. ඒක නවත්වන්න බැහැ. ලෝකය වෙනස් වෙනවා. ඒ ධර්මතාවය අනුව නිර්මාණයට අගයක් හෝ මිලක් තිබිය යුතුයි. මේ ගැන කතා දෙකක් තිබෙනවා. අංක එක මුදල් ඉපයීමේ පරමාර්ථය. අංක දෙක සමාජයට යමක් දායාද කිරීමේ පරාමාර්ථය. මේ කාරණා දෙක තිබෙන්නේ කාසියේ දෙපැත්ත වගේ. ඕනම කෙනෙකුට මෙය නිර්වචනය කළ හැකියි. යහපත් පරමාර්ථයකින් මෙය සිදුවන්නේ. මං මේ ගීත නිර්මාණය කරන්නේ රාවණා රජතුමාගේ විශේෂ අවස්ථා පාදක කර ගනිමින්. ගීත ගායනා කරන්නේ, කරුණාරත්න දිවුල්ගනේ, සුනිල් එදිරිසිංහ, සනත් නන්න්දසිරි, ටී.එම්.ජයරත්න, වික්ටර් රත්නායක, සෙන්ටිග්‍රේට්, ඉෂාන් ප්‍රියංකර පෙරේරා වැනි මෙවැනි වැදගත් ගීතාවලියක් ජනතාව අතරට පත්කරන කර්තව්‍යය තුළ තමයි. මෙම සංයුක්ත තැටිය වෙළෙඳ පොළට නිකුත් කළ යුතුයි කියන අදහසේ අපි ඉන්නවා.
නිර්මාණයක් ගත්තම පරිකල්පනය කිරීමේ හැකියාවක් තිබෙනවා. එවිට මේ ඔබ කියන සත්‍යම කෙලෙසකද සමාජගත වෙන්නේ?
ලිඛිත මාධ්‍ය තුළ තමන්ගේ අත්දැකීමක්, තව කෙනෙකුගේ අත්දැකීමක්, සාමාජීය අත්දැකීමක් තුළින් නිර්මාණ බිහිවෙන්නේ. එය සිංහලේ රාවණ සහ මෙම ගීතාවලියේ කිසිදු ලිඛිත මූලාශ්‍ර‘යක් අනුගමනය කරලා නැහැ. මම කියන්නේ විශ්ව මූලාශ්‍ර‘‘ ඇසුරු කරගෙන තමයි මෙය රාවණා වෙන්නේ. මම රාවණා ඉතිහාසය පිළිබඳ කිසිදු පොතක් කියවන්නෙ නැහැ. ගීතාවලියටත් එය අදාළයි. වසර පහක් තිස්සේ සියලු දේවලින් ඉවත්ව රාවණා ඉතිහාසය ගැන හොයන්න මගේ ජීවිතය කැප කරමින් තමයි මම මේ කටයුත්ත කරන්නේ. ඒ තුළ මම රකින ප්‍රතිපත්තිය තුළ මට දැනෙන දේ මම විශ්වාස කරනවා අතිශයින්ම නිවැරදී කියලා. මට එය ඔප්පු කළ හැකි ඕනෑ තරම් සාක්ෂි තිබෙනවා. මේ සත්‍ය ලබාදීමේදී මිනිසුන්ට ගෝචර වන ආකාරයට ලබාදෙන්නේ ගංගා සුදර්ශී මහත්මිය තමයි. මට මේ ගමනට ඇය ආශිර්වාදයක්. ප්‍රතිපත්තිගරුකව තමයි මේ කටයුතු සිදුකරන්නේ. මෙය හුදු මිත්‍යාවක් නොකර පරිකල්පනයක්ම නොකර සත්‍ය දැක්වීම තමයි මගේ ඒකායන අභිප්‍රාය.
ඒ අභිප්‍රාය ඉටුකරගන්න සුපර්ණිකා සංයුක්ත තැටියේ අන්තර්ගතය ගැන කතා කළොත්?
විශේෂිත සිද්ධීන් පරිච්ඡේදගත කර තිබෙන්නේ. මුලින්ම සුනිල් එදිරිසිංහ මහතාගේ ගීතය. රාවණා රජතුමාට උපහාර පිරිස ගායනා කරන්නේ. ඒ තුළ රාවණා ඉතිහාසය ශ්‍රී ලාංකීය ප්‍රෞඪත්වය හා රාම රාවණාට කළ වැරදි ක්‍රියාව තමයි ආරම්භ වෙන්නේ. ක්‍රමක් ක්‍රමයන් යුද්ධයට පාදක වූ කරුණු "සුපර්ණිකා" මෙම යුද්ධයට මූලික වුණා කියලා ඉතිහාසයේ අදහස් වෙනවා. රාවණා රජතුමාගේ නැඟණියට කළා වූ අඩන්තේට්ටම් මූලික කරගෙන යහපත් ස්ත්‍රී සංස්කෘතියක් තිබූ ආකාරයේ මෙවන් දෙයක් කරන්න හැකියාව කියනවද කියන හැඟීම මත තමයි රාමරජතුමා සීතාපැහැරගෙනවිත් ඒ දඬුවම ලබාදුන්නේ. එය ඇයට අපහාසයට පත්කිරීම නෙමෙයි. සංස්කෘතියක් උල්ලංගණය කිරීම තුළ දැනුණු වේදනාව තමයි මෙහි සඳහන් වෙන්නේ. මෙම ගීතයේ කාශ්‍යප බුදු පියාණන්ගේ බුද්ධ අවධිය ගැන, සුපර්ණිකාවන්ගේ ප්‍රේම වෘත්තාන්තය, ආදරණීය ජීවිතය පිළිබඳ මේ ගීත ඇල්බමය තුළ සාකච්ඡා වෙනවා. මම විශ්වාස කරනවා සංස්කෘතික වශයෙන් පුරාවෘත්තයක් වේවා, අධ්‍යාපනික වශයෙන්, සෞන්දර්ය අතින් හැම දෙයක්ම පාදක කර ගනිමින් තමයි සිංහලේ රාවණ ගැන කියවෙන සුපර්ණිකා ගී සමුච්චිය නිර්මාණය වෙන්නේ.
නිදුක් මදුෂික / ඡායාරූප - මිහිර බණ්ඩාර
