කොහොමද කාංචන ජීවිතේ?
වෙන තරුණයන්ට වැඩිය ටිකක් අවිවේකී ජීවිතයක් වගේම වෙනස් ජීවිතයක් තමා තියෙන්නේ.
මේ දවස්වල මොකද කරන්නේ?
මේ දවස්වල විශේෂයෙන්ම ගංවතුරින් විපතට පත් වූ අය ගැන සොයා බැලුවා, කැලණිය කොළොන්නාව ප්‍ර‍දේශවල. මාතර දිස්ත්‍රික්කයේ දේශපාලන කටයුතු කරගෙන ඉන්නවා.
කාංචනගෙන් ඇහුවොත් දේශපාලනයට ආවේ තාත්තා දේශපාලනය කළ නිසාද කියලා?
නැහැ. දේශපාලනයට එන්න බලාපොරොත්තුවක් තිබුණේ නෑ. මොකද තාත්තා දේශපාලනය කළ නිසාම නෙවෙයි. තාත්තා දේශපාලනය තුළ ඉන්න කාලේ මම දේශපාලනය කළේ නැහැ. අකුරුස්ස ගොඩපිටියේ සිදු වූ ත්‍රස්තවාදී ප්‍රහාරයත් එක්ක මගේ පියාට දේශපාලනයෙන් සමුගන්න සිද්ධ වුණා, ඇති වූ රෝගී තත්ත්වයක් එක්ක. එතකොට මම දෙවිනුවර ශ්‍රි විෂ්ණු දේවාලයේ බස්නායක නිලමේ විදිහට කටයුතු කළේ. ඒ වෙලාවේ ආපු ඉල්ලීමක් එක්ක තමා දේශපාලනයට ආවේ. මගේ ජයග්‍රහණයට තාත්තාගේ දේශපාලනය ඉවහල් වුණා 100% ක්ම. නමුත් පියාට මගේ දේශපාලන ගමනට මැදිහත් වෙන්න බැරි වුණා ත්‍රස්තවාදී ප්‍රහාරයට ලක්වූ නිසා.
දේශපාලනයට ආවේ නැත්නම් ඔබේ වෘත්තිය?
අනිවාර්යයෙන්ම ව්‍යාපාර කටයුතු.
පාසල් කාලය ගැන මතක් කළොත්?
මම පාසල් තුනකට ගියා. මුලින්ම මහනුවර ත්‍රිත්ව විද්‍යාලය. එහි වසර 7ක්. දෙවනුව කොළඹ රාජකීය විද්‍යාලයට ගියා. සා/පෙලින් පස්සේ මම උසස් පෙළ කළේ ආසියානු ජාත්‍යන්තර පාසලේ. ඉංග්‍රීසි මාධ්‍යයෙන් ලන්ඩන් A/L කළා. (ඊට පස්සෙ විදෙස් ගතවුණා - විශ්වවිද්‍යල අධ්‍යාපනයට)
කැමතිම විනෝදාංශය?
පාපන්දු, රග්බි, ක්‍රිකට්. මේ ක්‍රීඩා තුනටම අදාළ තරග නැරඹීම තමා ලොකුම විනෝදාංශය
කැමතිම ක්‍රීඩාව?
රගර් ක්‍රීඩාව.
කැමතිම ඇඳුම?
පුළුවන් තරම් ගැළපෙන ඇඳුමක් ඇඳීම තමා කරන්නේ.
ජාතික ඇඳුම?
පාර්ලිමේන්තුවට
යුරෝපීය ඇඳුම?
මිතුරන් අතරට
විවේකයක් ලැබුණම ගතකරන්න කැමතිම තැන?
මාතර නිවස
නිවාඩුවක් ලැබුණම යන්න කැමති?
යාල වනෝද්‍යානයට.
කැමතිම කෑම?
විශේෂ කෑමක් කියලා නැහැ. විවිධ කෑම ජාති කාලා බලන්න කැමතියි.
ආදරය ගැන මොකද හිතන්නේ?
ආදරය දේශපාලනයත් එක්ක සංකීර්ණයි.
දැනට ආදරය කරන විශේෂ කෙනෙක් ඉන්නවද?
නැහැ.
කැමතිම වාහනය?
එහෙම වාහනවලට ලොකු කැමැත්තක් නෑ. දැනට මම TOYOTA වර්ගයේ වාහනයක් පාවිච්චි කරන්නේ. මට ගමන් කරන්න පුළුවන් නම් ඒ ඇති.
අනාගත ඉලක්ක?
ඉලක්ක තමා ජයග්‍රහණය කරපු මාතර දිස්ත්‍රික්කයේ ජනතාවට කරන්න පුළුවන් උපරිම දේ කිරීම. ඒ වගේම රටක් හැටියට අපට ලබාගන්න පුළුවන් හැම ජයග්‍රහණයකදීම මට ලබාදෙන්න පුළුවන් දායකත්වය උපරිමව ලබාදෙනවා.
දේශපාලනය කිරීම තුළ කාංචන තෘප්තිමත්ද?
ඇත්තටම තෘප්තිමත්. මම පළාත් සභා මන්ත්‍රීවරයෙක් විදිහට අවුරැදු 5ක් කටයුතු කළා, මහින්ද රාජපක්ෂ මහතාගේ ආණ්ඩු පක්ෂය තුළ. එහිදී දෙවිනුවර සංවිධායක හැටියට විශාල කාර්යභාරයක් කරන්න පුළුවන් වුණා. දැන් විපක්ෂය නියෝජනය කරන්නේ. අපහසුතාවට පත් වූ අවස්ථා නැතුවාම නෙවෙයි. නමුත් දේශපාලනය කිරීම ගැන තෘප්තිමත්.
දේශපාලනයට එන්න පෙර ඔබ පියාගේ බලය අයුතු ලෙස පාවිච්චි කරපු අවස්ථා තියෙනවාද?
එහෙම නැහැ. නමුත් ඇතැම් මත ගැටුම් සිදු වූ අවස්ථාවල ඒ දේට මම සෘජුව සම්බන්ධ නොවුණත් මම ඇමැතිගෙ පුතා වීම නිසා එම අවස්ථාවන්හිදී වැඩි චෝදනාවට ලක් වූ අවස්ථා තියෙනවා. බලය අයුතු ලෙස භාවිත කළා කියන ලේබලය වැදිලා තියෙනවා.
මතක් කළොත් සිදුවීමක්?
එක සැරයක් කබීර් හෂීම් ඇමතිතුමාගේ සහෝදරයෙක් එක්ක මගේ මිතුරන් අතර සිදු වූ බහින්බස් වීමක් අවසානයේ සමතයට පත්වුණේ උසාවි ගිහින්.
අවසාන වශයෙන් ඔබ ඔබ ගැනම කිව්වොත් ඔබ මොනවගේ කෙනෙක්ද?
පිළිවෙළකට වැඩ කරන්න කැමති, වෙලාවට වැඩ කරන කෙනෙක්. ඉතිං ඒ වගේ දේවල් සිදු නොවන අවස්ථාවලදී කේන්තිත් යනවා. ඉතිං සරලව ජීවත් වෙන්න උත්සාහ කරනවා.
අනූ
