උලපනේ පුස්සැල්ලාව “මෝඩයගේ පාලම / කණපිට පාලම” මතු පරපුරට දැක බලාගැනිමටවත් සංරක්ෂනය කරන්නැයි ප්‍රදේශවාසිහු පවසති.
එවකට ශ්‍රි ලංකාව බ්‍රිතාන්‍ය යටත් විඡිත යුගයේදී තේ වතු වලට බඩු බාහිරාදිය තවලම්, අශ්ව කරත්ත, මගින් ගෙන යැම සදහා ආරුක්කුව පහතට සිටින සේ ඉදි කර ඇති නිසා මෙම පාලම “මෝඩයගේ පාලම / කණපිට පාලම” නමින් ඡනප්‍රවාදයේ පවතින බවත් ප්‍රදේශ වාසිහු පවසති.
ප්‍රදේශවාසින් පවසන්නේ කඩිනම් මහවැලි ව්‍යාපාරය සදහා අවශ්‍ය බඩු භාහිරාදිය ගෙන යාමට අවශ්‍ය වු බැවින් “මෝඩයගේ පාලම / කණපිට පාලම” වෙනුවට තවත් පාලමක් ඒ අසලින්ම ඉදි කිරිමට මුල පුරා පාලමේ එක් පැත්තක කොටසක් ඉදි කරත් එය අතර මගදි නවතා අලුතින් යකඩ පාලමක් ඉදි කළ බවයි.
එම යකඩ පාලම වසර 30 ක් පමන ගමනා ගමනයට යොදා ගත්තද 2010 වසර පමන වන විට එම පාලම ගමනාගමනයට නුසුදුසු ආකාරයට අබලන් විම නිසා මාර්ග සංවර්ධන අධිකාරිය මගින් නව කොන්ක්‍රිට් පාලමක් ඉදි‍කරනු ලැබුවා.
කෙසේ වෙතත් ප්‍රදේශ වාසීන් පවසන්නේ 1904 දි පමණ ඉදිකළ “මෝඩයගේ පාලම” තවමත් ශක්තිමත් බවයි. මේ වන විට එම පාලම තිබෙන ස්ථනයට ගමන් කිරීමටවත් නොහැකි ලෙස කැලැ වැදි ඇත.
කඩුගන්නාව මාර්ග සංවර්ධන අධිකාරියේ විධායක ඉංඡිනේරු කමල් ඡයවීර මහතා පැවැසුයේ “මෝඩයගේ පාලම” නමින් ජනයා ජනප්‍රවාදයේ මෙම නම ව්‍යවහාර කලත් මෙම පාලම පාලම් සෑදීමේ ක්‍රම අනුව නිවැරදි ක්‍රමයකට ඉදිකර ඇති බවයි.
