එල්ටීටීඊ සංවිධානයේ කාන්තා දේශපාලන අංශයේ හිටපු නායිකා තමිළිනී ජෙයකුමාර් විසින් එම සංවිධානය හා සම්බන්ධ තම ක්‍රියාකාරම්, අත්දැකීම් හා තම ජීවිතයේ මුහුණ දුන් විශේෂිත සිදුවීම් අළලා රචනා කළ කෘතියේ සිංහල පරිවර්තනය අද ශ්‍රී ලංකා පදනම් ආයතනයේ දී එළි දැක්විණි.
යාපනය විශ්ව විද්‍යාලයයේ ජ්‍යෙෂ්ඨ කථිකාචාර්ය සාමිනාදන් විමල් මහතා එම පොත ‘තියුණු අසිපතක සෙවණ යට‘ නමින් පරිවර්තනය කර ඇති අතර ධර්මසිරි බණ්ඩාරනායක මහතා එය ප්‍රකාශනයට පත් කර තිබේ.
ජ්‍යෙෂ්ඨ කථිකාචාර්ය අගලකඩ සිරිසුමන, ජ්‍යෙෂ්ඨ කථිකාචාර්ය දඹර අමිල යන හිමිවරුන් ද, තමිළිනී මහරගම පිළිකා රෝහලේ ප්‍රතිකාර ලබමින් සිටිය දී ප්‍රතිකාර කළ වෛද්‍යවරු දෙදෙනෙක් ද, තිමිලිණීගේ සැමියා වන ජෙයකුමාර් මහතා ද, ඇමැති මනෝ ගනේෂන්, පාර්ලිමේන්තු මන්ත්‍රී නලින්ද ජයතිස්ස සහ පලාත් සභා මන්ත්‍රී නිශාන්ත ශ්‍රී වර්ණසිංහ ඇතුළු විශාල පිරිසක් ද ඊට එක්ව සිටියහ.
ගාමිණී වියන්ගොඩ, ධර්මසිරි බණ්ඩාරනායක, සාමිනාදන් විමල් සහ ජෙයකුමාර් මහත්වරු කතා පැවැත්වූහ.
මෙම කෘතිය සිංහලට පරිවර්ථනය කිරීමත් සමග ඇතැමුන් බොරු චෝදනා කරන බව බණ්ඩාරනායක මහතා සිය කතාවේදී කීවේය.
(වැඩසටහනේ සියලු කතා සහිත වීඩියෝව බලාපොරොත්තු වන්න.)
වීඩියෝ - කෞශල්‍ය සමින්ද
ඡායාරූප - ළහිරු හර්ෂණ
