(අංජුල මහික වීරරත්න)
අග්‍රාමාත්‍ය කාර්යාලයේ අතිරේක ලේකම් තනතුරකට පත් කිරීම සඳහා කැබිනට් අනුමැතිය ලැබී ඇත.
අග්‍රාමාත්‍ය කාර්යාලය සඳහා ශ්‍රී ලංකා පරිපාලන සේවයේ විශේෂ ශ්‍රේණියේ අතිරේක ලේකම් තනතුරු 5 ක් අනුමතව ඇති අතර, මේ වන විට ඉන් තනතුරු 3 ක් පුරප්පාඩුව පවතී.
දැනට ශ්‍රී ලංකාව සඳහා වන එක්සත් ජාතීන්ගේ සංවර්ධන වැඩසටහනේ හරිත දේශගුණ අරමුදලෙහි කළමනාකරණ විශේෂඥයකු වශයෙන් සේවය කරනු ලබන ශ්‍රී ලංකා පරිපාලන සේවයේ විශේෂ ශ්‍රේණියේ නිලධාරී ඒ. බී. එම්. අශ්රෆ් මහතා එකී පුරප්පාඩුව පවතින අතිරේක ලේකම් තනතුරකට පත් කිරීම සඳහා සුදුසු බවට හඳුනාගනු ලැබ ඇත.
ඒ අනුව අග්‍රාමාත්‍යවරිය විසින් ඉදිරිපත් කරන ලද යෝජනාව සැලකිල්ලට ගෙන, වහාම ක්‍රියාත්මක වන පරිදි අග්‍රාමාත්‍ය කාර්යාලයේ අතිරේක ලේකම්වරයෙකු වශයෙන් අශ්රෆ් මහතා පත් කිරීමට අමාත්‍ය මණ්ඩලය තීරණය කර ඇත.
