(පුෂ්පකුමාර මල්ලවආරච්චි)
අග්‍රාමාත්‍ය ආචාර්ය හරිනි අමරසූරිය මෙනෙවිය මීරිගම මිනීඔලුව විද්‍යාවාස පිරිවෙන් විහාරස්ථානයේදී මකුලෑවේ විමල ශ්‍රී ලංකා රාමඤ්ඤ මහා නිකායේ මහා නායක මාහිමිපාණන් බැහැදුටුවාය.
අගමැතිනිය එහි පැමිණීමට පෙර සිටම ආරක්ෂක අංශයේ යැයි කියාගන්නා පිරිසකගෙන් ස්වාධීන රුපවාහිනිය ඇතුළු විද්‍යුත් මාධවේදීන්ට කෙනෙහිලිකම් සිදු විය.
අගමැතිනිය මහ නා හිමියන්ට පිරිකර පූජා කරන අවස්ථාව ද රූගත කිරීම ද ආරක්ෂක අංශ විසින් වළක්වනු ලැබීය.
ඇතැම් විද්‍යුත් මාධ්‍යවේදීන් එම ස්ථානයෙන් ඉවත් කිරීමට කටයුතු කරනු දක්නට ලැබිණි .
විද්‍යුත් මාධ්‍යවේදීන් ඉතා අපහසුවෙන් එම අවස්ථාව පමණක් ආවරණය කර ගත් අතර අගමැතිනිය හා මහනාහිමියන් අතර සිදුවූ සාකච්ඡාවේ කිසිදු තොරතුරක් මාධ්‍යයට ලබා ගැනීමට නොහැකි විය.
