(සනත් ගමගේ)
අම්බලන්තොට කොග්ගල්ල මදයමලලන්ද ප්‍ර දේශයේ දි අද (09) අලියෙක් පහරදීමෙන් තිදරු පියෙක් මිය ගොස් ඇති බව අම්බලන්තොට පොලිසිය කියයි.
මෙලෙස මිය ගොස් ඇත්තේ මදයමලලන්ද පදිංචි උපුල් ප්‍රියන්ත (48) හැවිරිදි තිදරු පියෙකි.
පෙරදින රාත්‍රී කාලයේ සිට ගමට අලි පැමීණ ඇති හෙයින් උදෑසන කාලයේ වල් අලින් පලවා හැරිමට ගම්වාසින් සමඟ එම ස්ථානයට ගිය අවස්ථාවේ දි මෙම පහරදීම සිදුවී ඇති බව ගම්වාසිහු පවසති.
මෙම ප්‍ර දේශයට නිරන්තරයෙන් අලි ගම්වැදිම හේතුවෙන් ගොවිතැන් හා දේපල වලට හානි සිදු කරමින් ජන ජීවිතයට තර්ජනයක් එල්ලවි ඇති බවද සිදරංගගම විහාරාධිපති කිරම සුගුණසිරි හිමියෝ කීහ.
