(ශාන්ත චන්ද්‍රසිරි)
ලංකා කම්කරු කොංග්‍රසයේ නිර්මාතෘ දිවංගත සෞම්‍යමුර්ති තොණ්ඩමන් මහතාගේ 107 වන ජන්ම දිනය සැමරීමේ උත්සවයක් අද (30) පැවැත්විණි.
ලංකා කම්කරු කොංග්‍රසයේ මහ ලේකම් වතු නිවාස හා ප්‍රජා යටිතල පහසුකම් රාජ්‍ය අමාත්‍ය ජීවන් තොණ්ඩමාන් මහතාගේ ප්‍රධානත්වයෙන් කොළඹ පැරණි පාර්ලිමේන්තු පරිශ්‍රයේ පිහිටි සෞම්‍යමුර්ති තොණ්ඩමන් මහතාගේ පිළිරුවට පුෂ්පෝහාර දක්වා මල්මාල පලන්දවා මෙසේ උපහාර දැක්වීය.
ලංකා කම්කරු සම්මේලන මුලස්ථානය වන සෞම්‍ය භවන්හීදි සෞම්‍යමුර්ති තොණ්ඩමන් මහතාගේ පැරණි ලිපි ලේඛන ප්‍රදර්ශනයක්ද මීට සමගාමීව පැවැත්විණි
නුවරඑළිය දිස්ත්‍රික් පාර්ලිමේන්තු මන්ත්‍රී මරදපාණ්ඩි රාමේෂ්වරන්, ඌව පළාත් සභාවේ හිටපු අමාත්‍ය සෙන්දිල් තොණ්ඩමාන් යන මහත්වරුන් ඇතුළු ලංකා කම්කරු කොංග්‍රසයේ ක්‍රියාකාරීන් විශාල පිරිසක් මෙම අවස්ථාවට එක්ව සිටියහ.
