(පද්මා කුමාරී කංකානම්ගේ )
එළැඹි කොරෝනා ඉසඹුවත් සමඟ යෝධ තල්මස් රංග ධරයින්,කල්පිටි සයුරු තෙරට පැමිණ රැගුම් පාති.
අප මේ පිළිබදව වන ජීවී දෙපාර්තුමේන්තුවේ ජ්‍යෙෂ්ඨ අඩවි ආරක්ෂක මංජුල කුමාර මොරතැන්න මහතාගෙන් විමසීමේ දී ඒ මහතා ප්‍රකාශ කළේ තල්මස් දැවැන්තයින් රැසක්ම මේ දිනවල කල්පිටි සයුර ආක්‍රමණය කර ඇති බවය.
මෙම තල්මසුන් අතර නිල් තල්මසුන් සහ මන්දා තල්මසුන් බහුල දැකිය හැකිබවත් ය.
තල්මසුන් නැරඹීමේ දී නිරීක්ෂකයින් විසින් පිළිපැදිය යුතු ආචාර ධර්ම හා නීතී කිහිපයක් ද ඒ මහතා මෙහිදී අනාවරණය කළේය.
තල්මසුන්ට ලංවිය හැකි උපරීම සීමාව මීටර සියයකි.ඝෝෂාකාරී ශබ්ද නැගීම හෝ ඔවුන් තමන් ආසන්නයට කැදවා ගැනීමට උත්සහ නොදැරිය යුතුය.
තල්මසුන්ගේ ස්වභාවික සංචරණ රටාවට බාධාවක් නොවන අයුරින් යාත්‍රාව හැසිර විය යුතුය.
කෝරෝනා තත්ත්වය පැවතිය ද සංචාරකයින් සදහා සාගර තවමත් විවෘත ය.
