(කේ බුද්ධික කුමාරසිරි)
ව්‍යාපාරික සුරේන්ද්‍ර වසන්ත පෙරේරා නොහොත් ක්ලබ් වසන්ත නමැත්තා සහ තවත් අයෙකු අතුරුගිරිය කැටූ මධ්‍යස්ථානයක් තුළදී වෙඩි තබා ඝාතනය කිරීමේ සිද්ධිය සම්බන්ධයෙන් රක්ෂිත බන්ධනාගාර ගතව සිටි බස්නාහිර පළාත් සභාවේ හිටපු මන්ත්‍රීවරයකු ඇතුළු සැකකරුවන් දොළොස් දෙනෙකු ලබන 13 වන දින දක්වා යළි රක්ෂිත බන්ධනාගාර ගත කරන ලෙස කඩුවෙල මහේස්ත්‍රාත් චාණිමා විජේබණ්ඩාර මහත්මිය අද (02) දින නියෝග කලාය.
අදාළ ඝාතනය සඳහා පහසුකම් සැපයීම අනුබලදීම සහ ඝාතන සැකකරුවන්ට නවාතැන් පහසුකම් ලබාදීම යන චෝදනා යටතේ මෙම සැකකරුවන් දොළොස් දෙනා රක්ෂිත බන්ධනාගාර ගත කර තිබුණු අතර ඒ අනුව සැකකරුවන් 12 දෙනා අද (02) දින අධිකරණය වෙත බන්ධනාගාර නිළධාරීන් විසින් රැගෙන එන ලද්දේ පොලිස් විශේෂ කාර්ය බලකායේ දැඩි ආරක්ෂාව සමගිනි.
එම වෙඩි තැබීමෙන් ඝාතනයට ලක් වූ ව්‍යාපාරික සුරේන්ද්‍ර වසන්ත පෙරේරාගේ සහ නයන වාසල විජේසූරිය යන දෙදෙනාගේ පශ්චාත් මරණ වාර්තා සම්බන්ධයෙන් ද මෙදින විභාග කෙරිණි.
