(ප්‍රසාද් රුක්මල්)

කොස්ලන්ද අලුත්වෙල හාමිනාකන්ද රක්ෂිතයේ තිබි හිසකදින් වෙන්ව ඝාතනයට ලක්වූ තරුණයකුගේ මළසිරුරක් අද (22) පස්වරුවේ සොයාගත් බව කොස්ලන්ද පොලිසිය පවසයි .

මෙසේ ඝාතනයට ලක්වී ඇත්තේ තණමල්විල අරාවේගම පදිංචිව සිටි රොශාන් දිමුතු (35) තරුණයකු යැයි පොලිසිය කීය .

මොහු ඉකුත් 18 වැනි දින සිට අඅතුරුදහන් ව ඇති බවට මොහුගේ මව වන ආර්.ඒ.ඉන්ද්‍රාවති නැමත්තිය විසින් තණමල්විල පොලිසියට ද පැමිණිලි කර ඇතැයි පොලිසිය පැවසීය .

මොහු  අතුරුදහන් වන වූ  දින අවසන් වශයෙන් බලහරුව ප්‍රදේශයේ අයෙකු සමග සිට ඇති අතර ,ඒ අනුව තණමල්විල පොලිසිය එම පුද්ගලයා සැකපිට අත්අඩංගුවට  ගෙන් සිදු කල ප්‍රශ්න කිරීමේදී මෙම ඝාතනය සම්බන්ධයෙන් තොරතුරු අනාවරණය වූ බව පොලිසිය සදහන් කළේය .

සැකකරු මෙම තරුණයා අලුත්වෙල හාමිනාකන්ද රක්ෂිතයේ දි ගෙලකපා ඝාතනය කර පසුව කදින් වෙන්වූ තරුණයාගේ හිස වලදමා ඇති බවට තොරතුරු හෙලිදරව් වූ බවත් සැකකරුගේ තොරතුරු අනුව මළසිරුර සොයා ගන්නා විටත් එය තරමක් නරක්වී තිබිණැයි පොලිසිය කීය .

මොවුන් දෙදෙනා කුඩාඔය ප්‍රදේශයේ 44 හැවිරිදි කාන්තාවක සමඟ අනියම් සබඳතාවක් පවත්වා ගෙන ගොස් ඇති බවත්, එම අනියම් සබඳතාව සම්බන්ධයෙන් දෙදෙනා අතර ඇති වූ ආරවුලක් හේතුවෙන් මෙසේ තරුණයා ව ගෙළකපා ඝාතනය කර ඇතැයි ද පොලිසිය වැඩිදුරටත් සදහන් කළහ .

බණ්ඩාරවෙල ජේෂ්ඨ පොලිස් අධිකාරි ප්‍රදීප් කලුපහන පොලිස් අධිකාරි ඩි.බි.එච් කළණසිරි සහකාර පොලිස් අධිකාරි iv රුවන් ප්‍රනාන්දු යන මහත්වරුන්ගේ උපදෙස් මත කොස්ලන්ද පොලිස් ස්ථානාධිපති ප්‍රධාන පොලිස් පරික්ෂක දිනේෂ් වික්‍රමසිංහ මහතා ඇතුලු නිලධාරීන් වැඩිදුර පරික්ෂණ පවත්වති .