(ගයාන් සූරියආරච්චි)
නීති විරෝධීව මෙරටට රැගෙන ආ රුපියල් කෝටි 39 කට අධික වටිනාකමකින් යුත් විදේශ දුම්වැටි තොගයක් කෙරවලපිටිය වෙස්ටර්න් පවර් හි කසළ අංගනයේදී රේගු නිලධාරීන්ගේ අධීක්ෂණය යටතේ ඉකුත් දා විනාශ කරනු ලැබීය.
කටුනායක බණ්ඩාරනායක ජාත්‍යන්තර ගුවන්තොටුපොළ රේගු නිලධාරීන් විසින් අත්අඩංගුවට ගෙන තිබූ විදේශ දුම්වැටි ලක්ෂ 26 කට අධික සංඛ්‍යාවක් එසේ විනාශ කරනු ලැබීය.
එම දුම්වැටි තොගය කන්ටේනර් පෙට්ටියකින් කෙරවලපිටිය වෙස්ටර්න් පවර් කසළ අංගනයට රැගෙන ඒමෙන් අනතුරුව විනාශ කරනු ලැබීය.
මැදපෙරදිග රටවල සිට මෙරටට පැමිණි පුද්ගලයන් විසින් නීති විරෝධීව මෙරටට රැගෙන ඒමට තැත් කිරීමේදී එම දුම්වැටි රේගු නිලධාරීන් විසින් අත්අඩංගුවට ගෙන තිබුණි.
