(බිමල් ශ්‍යාමන් ජයසිංහ සහ බි .ජානක)
දෙහිවල කළුබෝවිල ශ්‍රී වන රතන පාර කෝටිපති ව්‍යාපාරික නිවසකින් රුපියල් එක් කෝටි දාහත් ලක්ෂයකට අධික වටිනා රන් ආභරණ සොරාගත් සැකකරුවෙක් අත්අඩංගුවට ගත් බව දෙහිවල පොලිසිය කියයි.
මෙය දෙහිවල පොලිස් වසමේ සිදු වූ විශාලතම සොරකම බව පොලිස් ආරංචි මාර්ග සඳහන් කරයි.අත්අඩංගුවට ගත් එම සැකකරු විදේශ ගතව සිට මෙරට මත්ද්‍රව්‍ය ජාලය මෙහෙයවන ජාවාරම්කරුවකුගේ මත්ද්‍රව්‍ය ජාලයේ සාමාජිකයෙකු බව පොලිසිය කියයි.
පවුම් 38 .25 ක් බරකින් යුත් අයිතම් 20 කින් පමණ සමන්විත( සුදු රත්තරන් සහ දියමන්ති ගල් අල්ලන ලද) එම රන් ආභරණ තොගය හා සැකකරු සන්තකයේ තිබී හොරයින් මත්කුඩු ගෑම් 11 ක් පොලිස් භාරයට ගෙන ඇත.
