(ගයාන් සූරියආරච්චි)
අමුණු කොළේ ප්‍රදේශයේදී ගංජා සමග යුද හමුදා සෙබළුන් දෙදෙනෙකු අත්අඩංගුවට ගත් බව නාන්නේරිය පොලිසිය පවසයි.
මෙසේ අත්අඩංගුවට ගෙන ඇත්තේ අවුරුදු 23 සහ 21 වියැති නවගත්තේගම, රඹකනයාගම ප්‍ර දේශයේ පදිංචිකරුවන් දෙදෙනෙකි.
එක් සැකකරුවකු සාලියපුර යුද හමුදා කදවුරට අයත් සෙබළකු වන අතර අනෙක් සැකකරු වෙල්ලන්කුඹුර යුද හමුදා කදවුරට අයත් සෙබළකු බව පොලිසිය පවසයි.
සැකකරුවන් දෙදෙනා රාජකාරී නිවාඩු ලබා නිවෙස්වලට පැමිණි සිටින අතරතුර මෙසේ ගංජා සන්තකයේ තබාගෙන සිටියදී අත්අඩංගුවට ගත් බව පොලිසිය පවසයි.
නාන්නේරිය පොලිසිය වැඩිදුර විමර්ශන සිදුකරයි.
