(ආරියරත්න රණබාහු)
පාස්කු ප්‍රහාරය සම්බන්ධයෙන් පිවිතුරු හෙළ උරුමයේ නායක හිටපු පාර්ලිමේන්තු මන්ත්‍රී උදය ගම්මන්පිල මහතා සතුව ඇතැයි කියන වාර්තාව දින තුනක් ඇතුළත ලබා දෙන ලෙස කැබිනට් මාධ්‍ය ප්‍රකාශක අමාත්‍ය විජිත හේරත් මහතා රජයේ ප්‍රවෘත්ති දෙපාර්තමේන්තුවේ අද (15) පැවති මාධ්‍ය හමුවේදී ඉල්ලා සිටියේය
පාස්කු ඉරිදා ත්‍රස්ත ප්‍රහාරය සම්බන්ධයෙන් දැනට ප්‍රසිද්ධ කර නොමැති වාර්තා ප්‍රසිද්ධ කිරීමට සතියක කාලයක් ලබා දෙන බවත් එසේ නොවුවහොත් තමා ඒවා ප්‍රසිද්ධ කරන බවත් ගම්මන්පිල මහතා පෙරේදා පැවති මධ්‍ය හමුවකදී කළ අභියෝගය සම්බන්ධයෙන් අදහස් පළ කරමින් අමාත්‍යවරයා එසේ පැවසීය.
අමාත්‍යවරයා එහිදී කියා සිටියේ රජයට ලබාදි ඇති වාර්තා සම්බන්ධයෙන් නිසි ආකාරයෙන් කටයුතු කරන බවය
ඔහුට මෙම වාර්තා ලැබුණේ කෙසේදැයි පරීක්ෂා කළ යුතු බවද ඇමතිවරයා පැවසීය
ගම්මන්පිල මහතා පාස්කු ප්‍රහාරය මූලික කරගත් ආණ්ඩුවක් බලයට පත් කිරීම කිරිම සදහා වේදිකාවල නොයෙකුත් දේ පවසමින් ජනතාව මුලාකළ අයෙකු බවත් එම ආණ්ඩුවේ වගකිවයුතු ඇමතිවරයකු ලෙස කටයුතු කළ අයෙකු බැවින් ගෝඨාභය රාජපක්ෂ මහතා ළඟ තිබි අදාළ වාර්තා සොරකම් කරන්නට ඇතැයි සැක සිතෙන බවත්ය
කෙසේවෙතත් ඔහු ළඟ ඇතැයි කියන එම වාර්තා මෙතෙක් ප්‍රසිද්ධියට පත් නොකිරීම සම්බන්ධයෙන් සොයා බැලිය යුතු බවද කි ඇමතිවරයා මෙපමණ කාලයක් එම වාර්තා සඟවා තබා ගැනීම බරපතළ වරදක් බවද අවධාරණය කළේය.
