(අජිතලාල් ශාන්තඋදය)
රත්නපුර හිදැල්ලන සීවලී මධ්‍ය විද්‍යාලයේ ශාලා අංක එකේ සමගි ජන බලවේගය නියෝජනය කරමින් ඡන්ද නිරීක්ෂණයට ආ 68 හැවිරිදි පුද්ගලයකු හදිසියේ හෘදයාබාධයක් වැළදිමෙන් ජීවිතක්ෂයට පත්වු බව රත්නපුර පොලිසිය පැවසීය.
මියගොස් ඇත්තේ රත්නපුර නවනගරයේ, ර්‍ශී සුමනගම පදිංචි වයි.ඒ. වන්නිආරච්චි (68) යන අයයි.
සිද්ධිය වි ඇත්තේ පෙරවරු අටට පමණ බව පොලිසිය කීවේය. මියගිය තැනැත්තා තමන්ගේ පපුව රිදෙන බව පවසා ඇති අතර වහාම ඔහු රත්නපුර ශික්ෂණ මහ රෝහලට ඇතුළත් කර ඇත. එහෙත් ඒ වනවිටත් ඔහු මියගොස් තිබු බව රෝහල් ප්‍රකාශකයෙක් පැවසුවේ ය.
ඔහුගේ අසනීප තත්ත්වය ඡන්ද ප්‍රකාශ කිරීමේ කටයුතුවලට කිසිදු බාධාවක් නොවු බවත් එම ඡන්ද මධ්‍යස්ථානයේ ඡන්ද කටයුතු බාධාවක් නොමැතිව සිදුවු බවත් රත්නපුර දිස්ත්‍රික් තේරීම්භාර නිලධාරී කාර්යාල ප්‍රකාශකයෙක් කීවේය.
