(සිතුම් චතුරංග)
වවුනියාවේ මැතිවරණ නීති උල්ලංඝනය කළ පුද්ගලයින් 15 දෙනකු පෝස්ටර සහ මනාප අංකය සහ සළකුණ සහිත තුන්ඩු සමඟින් අද අත්අඩංගුවටගත් බව වවුනියාව පොලිසිය කියයි.
අත්අඩංගුවටගත් පුද්ගලයින් සතුව තිබූ යතුරු පැදියක් සහ විවිද රථවාහන හයක් සමඟින් පෝස්ටර 400කට ආසන්න ප්‍රමාණයක් අත්අඩංගුවටගත් බව පොලිසිය සඳහන් කළේය.
වවුනියාව පොලිස් බලප්‍රදේශයේ පුද්ගලයින් හත්දෙනකු, නෙලුක්කුලම් පොලිස් බලප්‍රදේශයෙන් පුද්ගලයින් හයදෙනකු , කනගරායන්කුලම ප්‍රදේශයෙන් එක් අයකු සහ නෙදුන්කේණි ප්‍රදේශයෙන් එක් අයකු අත්අඩංගුවටගත් බව පොලිසිය පැවසීය.
සැකකරුවන් ගෙන් කිහිපදෙනකු ඡන්ද මධ්‍යස්ථාන ආසන්නයේ මනාප අංකය සහ ඡන්ද සළකුණ සහිත තුන්ඩු දමා යාමට උත්සහ කිරීමේදී අත්අඩංගුවටගත් බවත් කීය.
පසුගියදා අමාත්‍ය රිෂාඩ් බදියුදීන් මහතාගේ රථවාහනවලට පහරදුන් හිටපු රාජ්‍ය අමාත්‍යවරයාගේ ආධාරකරුවන් තිදෙනකුද ඊයේ සවස අත්අඩංගුවටගත් බවත් පොලිසිය පැවසීය.
