(දයාරත්න ඇඹෝගම)
අනුරාධපුර ප්‍රධාන පෙළේ හෝටලයක අද පැවති ජනපති අපේක්ෂකයකුගේ විද්වත් හමුවට සහභාගිවු ආරාධිතයන් සදහා සුදානම් කොට තිබු රාත්‍රි භෝජන සංග්‍රහය මැතිවරණ දෙපාර්තමේන්තුවේ අනුරාධපුර සහකාර කොමසාරිස්වරයා තහනම් කිරිමට පියවර ගත්තේය.
අනුරාධපුර හෝටලයක රාත්‍රි භෝජන සංග්‍රහයක් පවත්වන බවට අනුරාධපුර සහකාර මැතිවරණ කොමසාරිස් කාර්යාලයට ලද පැමිණිලක් අනුව එම කාර්යාලයේ නිලධාරින් පිරිසක් පොලිස් නිලධාරින් සමග පැමිණ ආරාධිතයන් සදහා ලබාදිමට තිබු පිසු ආහාර සදහා මුද්‍රා තබන ලද අතර ආරාධිතයන් සදහා ලබාදිමට තිබු මත්පැන් බෝතල්ද පොලිසිය බාරයට ගන්නා ලදි.
මෙම විද්වත් හමුවට ආරාධිතයෝ 150 ක් පමණ පැමිණ සිටියහ.
මෙම ආහාර පාන වෙනත් ස්ථානයකට හෝ රැගෙන යාමට අවසර දෙන ලෙස සංවිධායකයන් මැතිවරණ දෙපාර්තමේන්තුවේ නිලධාරින් ගෙන් හා පොලිස් නිලධාරින් ගෙන් ඉල්ලා සිටියද එම ඉල්ලිමද ප්‍රතික්ෂේප විය.
හෝටලය සදහා පොලිස් ආරක්ෂාවද යොදවා තිබුණි.
