(මහින්ද නිශ්ශංක)
මහ මැතිවරණයට ජන්දය ප්‍රකාශ කිරීම සඳහා ගම් බලා ගිය ජනතාවට නැවත කොළඹට පැමිණීම සදහා ශ්‍රී ලංගම බස් සේවා අද ((16) සිට ධාවනය කිරීමට පියවර ගෙන ඇතැයි ශ්‍රී ලංකා ගමනාගමන මණ්ඩලයේ නියෝජ්‍ය සාමාන්‍යාධිකාරී පණ්ඩුක ස්වර්ණහංස මහතා පැවසීය.
මෙම.ලංගම බස් සේවා හෙට (17) හා අනිද්දා (18) දක්වා ක්‍රියාත්මක කෙරෙන බවත් ඒ මහතා සඳහන් කළේය.
මේ අතර ජනතාවගේ ගමන් පහසුව සඳහා පෞද්ගලික බස් රථ ධාවනය කිරීමට පෞද්ගලික බස් රථ හිමියන්ගේ සංගම් කටයුතු යොදා ඇතැයි එම සංගම් පවසයි.
