(සුජිත් හේවාජුලිගේ)
පාර්ලිමේන්තු මහ මැතිවරණයට ජාතික ජන බලවේගයෙන් ඉදිරිපත් වූ ශ්‍රී ජයවර්ධනපුර විශ්ව විද්‍යාලයේ විද්‍යාර්ථීන් 24දෙනාගෙන් විසි දෙදෙනෙකුම පාර්ලිමේන්තුවට තේරී පත්වීම විශේෂත්වයකි.
මෙසේ තේරී පත් වූ පිරිස අතර වෛද්‍යවරුන්, ඉංජිනේරුවන්, නීතිඥවරුන්, ඝණකාධිකාරියවරුන් ඇතුළු වෘත්තිකයන් රැසක් සිටින බව එම විශ්වවිද්‍යාල ආරංචි මාර්ග සඳහන් කළේය.
ශ්‍රී ජයවර්ධනපුර විශ්ව විද්‍යාලයෙන් පාර්ලිමේන්තුවට එකවර වැඩිම විද්‍යාර්ථීන් පිරිසක් තේරී පත්වූ පළමු අවස්ථාව මෙය බව සඳහන්වෙයි.
පාර්ලිමේන්තුවට තේරී පත්වූ එම විද්‍යාර්ථීන්ට විශ්ව විද්‍යාල පාලනාධිකාරිය දැනටමත් සුභ පැතුම් පිරිනමා ඇත.
මෙයට අමතරව සමගි ජන බලවේගය ඇතුළු සෙසු දේශපාලන පක්ෂ වලින්ද ශ්‍රී ජයවර්ධනපුර විශ්ව විද්‍යාලයේ විද්‍යාර්ථීන් කිහිපදෙනෙකු පාර්ලිමේන්තුවට තේරී පත්ව සිටින බව වාර්තාවේ.
