දේශපාලඥයෙක් මෙන්ම දේශපාලන විචාරකයෙකු වූ ජේ.ආර්.පී. සූරියප්පෙරුම මහතා අද (2) අභාවප්‍රාප්ත විය.
සූරියප්පෙරුම මහතා රෝහල්ගතව ප්‍රතිකාර ලබමින් සිටියදී අභාවප්‍රාප්ත වන විට 96 වැනි වියේ පසුවිය.
ශ්‍රී ලංකා නිදහස් පක්සයේ දැදිගම සංවිධායක ලෙස ද කලක් කටයුතු කළ ඒ මහතා ජාතික ලැයිස්තු මන්ත්‍රීවරයෙක් ලෙස 2010 සිට 2015 දක්වා කාලයේ කටයුතු කළේය.
විශ්වවිද්‍යාල ආචාර්‍යවරයෙක් වූ සූරියප්පෙරුම මහතා රූපවාහිනි වැඩසටහන්වලට සහ සංවාදවලට සහභාගි වෙමින් ජනප්‍රිය විය. ඒ මහතා පුවත්පත්, ගුවන්විදුලි සහ රූපවාහිනී මාධ්‍යයන්හි දේශපාලන, ආර්ථික හා ශාස්ත්‍රීය සංවාදවලට සහභාගී වෙමින් ශ්‍රී ලාංකිකයන් දැනුමෙන් පෝෂණය කිරීමට කටයුතු කළේය.
(යොහාන් භාසුර)
