( බිමල් ශ්‍යාමන් ජයසිංහ )
බණ්ඩාරගම ගුංගමුව ගල් මෝලක් තුළදී ගල් පැටවූ ටිපර් රථයෙන් බිමට වැටී රියදුරු මිය ගොස් ඇතැයි බණ්ඩාරගම පොලිසිය කියයි.
අනතුරින් මියගොස් ඇත්තේ ගාල්ල හියාරේ , කදුරු ගස්හේන පදිංචිව සිටි එම් එච් සුජීව නැමැති 53 හැවිරිදි තිදරුපියකි.
මියගිය රියදුරු ඊයේ ඔහු පදවන ලද ටිපර් රථය ගල් මෝල කරා රැගෙන ඒමෙන් අනතුරුව මඳ වේලාවකදී ගල් පටවා නිමකර ඇතැයි පොලිසිය කියයි.
අනතුරුව මියගිය රියදුරු ගල්තොගය ආවරණය වන ටෙන්ට් රෙද්ද යෙදීම සඳහා ටිපරය මතට නැග එහි පිටුපසට වන්නට අවසන් කොටස එලමින් සිටියදී එකවරම උඩුබැලි අතට බිමට වැටී ඇතැයි පොලිසිය සඳහන් කරයි.
ඒ සමගම ගල් මෝලේ සේවකයන් විසින් තුවාල ලද පුද්ගලයාව හොරණ මූලික රෝහල වෙත යොමු කර ඇති අතර ඒ වන විටත් ඔහු මිය ගොස්ව සිට ඇතැයි රෝහල් ප්‍රකාශකයෙකු පැවසීය
.
