(හිරාන් ප්‍රියංකර ජයසිංහ)

වල් අලියකු කඩා වැදි  මහකුඹුක්කඩවල පානියමඩුව ප්‍රදේශයෙ වී ගබඩාවකට පහර දී වී උර රැගෙන ගිය බව හිමිකරුවෝ අද(20) පැවසූහ.

පානියමඩුව ප්‍රදේශයෙ පිහිටි මෙම වී ගබඩාවට අද (20 ) අලුයම කඩා වැදුණ තනි අලියකු වී ගබඩාවට පහර දී අසුරා තිබු වී උර එලියට ඇද දමා කා දමා වී ගබඩාවේ බිත්ති කඩා වී උර රැගෙන ගිය බව ද ඔවුහු කියති.

වල් අලියා කඩා වැදි වී ගබඩාවට පහර දෙන විට එහි වී කිලෝ ලක්ෂයකට ආසන්න ප්‍රමානයක් ගබඩා කර තිබු බවත් ගබඩා හිමියා හා අවට පිරිස් එක්වි මහත් වෙහෙසක් දරා තනි අලියා එළවා දැමිමට කටයුතු කළ බව කියයි.

ජනතාව පවසන්නේ මේ වන විට කුඹුක්කඩවල ඇතුළු ප්‍රදේශ වල වල් අලි 40 කට ආසන්න සංඛ්‍යාවක් කැලැවල රැදි සිටිමින් රාත්‍රි වන විට ගම්මාන වෙත කඩා වැදිම සිදුවන බවයි.

මේ නිසා ජනතාවගේ දෛනික කටයුතු කර ගැනිම මහත් ගැටළුවක් වි ඇති බව කියයි.