(සුජිත් හේවාජුලිගේ )

පාර්ලිමේන්තු මුළුතැන්ගෙයි  වටිනා උපකරණ රැසක් අබලන්වීමෙන් එහි කටයුතුවලට බාධා මතුව ඇතැයි වාර්තාවේ.

පාර්ලිමේන්තු මුළුතැන් ගෙයි වැඩ කටයුතු කාර්යක්ෂමව  කිරීම සඳහා නවීන උපකරණ රැසක් කාලයක සිට පාවිච්චියට ගැනිණ. මින් උපකරණ බොහොමයක් මේ වනවිට කැඩී බිඳී ගොස් ඇතැයි පාර්ලිමේන්තු ආරංචි මාර්ග සඳහන් කළේය.

මේ සම්බන්ධයෙන් අප පාර්ලිමේන්තු ප්‍රධානියකුගෙන් කළ විමසුමකදී ඔහු පැවසුවේ දැඩි මූල්‍ය අර්බුදයක් පවතින හෙයින් මේ අවස්ථාවේදී එම උපකරණ මිලදී ගැනීම හෝ අලුත් වැඩියා කිරීම කළ නොහැකිව තිබෙන බවයි. පාර්ලිමේන්තු මන්ත්‍රීවරුන්ට අමුත්තන්ට මෙන්ම සේවකයන්ට දිනපතා ආහාර  පිළියෙල කරනු ලබන්නේ මෙම පාර්ලිමේන්තු මුළුතැන්ගෙයිනි.