( බී.ජි. චතුරංග)
අනුරාධපුර විජය පුර ප්‍රදේශයේ පදිංචිව සිටි සිය නැන්දාගේ අවමගුල් උත්සවය සඳහා සහභාගී වීමට, අහංගම ප්‍රදේශයේ සිට පැමිණි තරුණයෙකු, අවමගුල් උත්සවයේ අවසන් කටයුතු සිදු කිරීමෙන් අනතුරුව දිය නෑමට ගොස් දියේ ගිලී ජීවිතක්ෂයට පත්ව ඇති බව අනුරාධපුර මූලස්ථාන පොලිසිය පවසයි.
මෙලෙස ජීවිතක්ෂයට පත්ව ඇත්තේ ඉමදුව පාර අහංගම ලිපිනයේ පදිංචි අරුමප් පෙරුම ආරච්චිලාගේ සදීස මහේශාන් නැමැති 24 හැවිරිදි පුද්ගලයෙකි.
අවමගුල් උත්සවයේ වැඩ කටයුතු අවසන් වීමේ අනතුරුව, යළි අහංගම බලා පිටත්ව, මළ ගෙදරට පැමිණි තවත් පුද්ගලයන් හතර දෙනකු සමග, අනුරාධපුර ප්‍රසිද්ධ සංචාරක හෝටලයක් අසලින් එම පිරිස ස්නානය සඳහා නුවර වැවට බැස ඇති බව පොලිසිය කියයි.
දිය නාමින් සිටි මරණකරු පෙනෙන්නට නොමැති වීම හේතුවෙන් අනිත් පුද්ගලයන් වහා ආරක්ෂක අංශ දැනුවත් කිරීමෙන් අනතුරුව පැමිණි පොලිස් ජීවිතාරක්ෂක සාමාජිකයන් 14දා පස්වරුවේ සිට රාත්‍රී දක්වා කිමිදුම් කටයුතුවල නිරත වූ අතර පසුව ඊයේ (15) උදෑසන සිරුර සොයාගත් බව පොලිසිය කියයි.
